Илҷілернің 2:4 - Наа Молҷағ

⁴ Прайларына Худай Худы тол парған, олар, тізең, Хут пиргенни аймах-пасха тіллернең чоохтас сыхханнар.

Илҷілернің 2:4 ပူးပေါင်းရင်းမြစ်များ

Матфей 10:19

Чарғы полчатса, хайди паза ниме тирдеңер сағыссырабаңар. Тузы читсе, ниме чоохтиры сірерге пирілер.

Марк 16:17

Киртінгеннері, тізең, мындағ танығлар аларлар: Минің адымнаң айналарны сығарарлар, наа тіллернең чоохтазарлар,

Лука 1:15

Ол Хан Худайның алнында илбек кізі полар. Ағаа араға ізерге чарабас полар, ол тӧреелеккеӧк Худай Худынаң тол парар.

Лука 1:41

Елисавет Марияның изен-минді теенін ис салғандох, істіндегі палазы туғли тӱскен. Елисаветке Худай Худы тол парыбысхан.

Лука 1:67

Иоанның пабазы Захарий, Худай Худынаң тол парыбызып ухаанҷылаан: –

Лука 12:12

Олох туста Худай Худы сірерні чоохтанҷаң нимее ӱгрет салар.

Лука 21:15

Мин сірерге ыырҷыңарның пірдеезі нандыр полбас, тоғырлан таа полбас сӧстер паза кӱлӱк сағыс пирербін.

Лука 4:1

Иисус, Худай Худынаң тол парып, Иордан суғдаң айлан килгенде, Худай Худы Аны хуу чазызар апарған.

Иоанн 14:26

Пабам Худай Худын – Турысчыны – Минің орныма сірерзер ызар. Ол сірерні прай нимее ӱгрет салар, прай чоохтаан нимелерімні сағысха кирдірер.

Иоанн 20:22

Іди тіп, Иисус, оларзар алдыра ӱбӱріп, теен: – Худай Худын алыңар!

Илҷілернің 1:5

Иоанн суғнаң кіреске тӱзірген, сірер, тізең, хай пірее кӱн мының соонаң Худай Худынаң кіреске тӱзерзер.

Илҷілернің 1:8

Че Худай Худы сірерге тол парза, кӱс алынарзар, андада сірер Иерусалимде дее, прай Иудей чирінде дее, Самар чирінде дее, чирнің хыринда даа Минің киречілерім поларзар.

Илҷілернің 10:46

Олар, иудей ниместернің пасха-пасха тіллернең чоохтазып, Худайны махтапчатханнарын искеннер нооза. Андада Пётр теен: –

Илҷілернің 10:47

Пізӧк чіли Худай Худын алған кізілерге суғда кіреске тӱзерге кем чаратпас?

Илҷілернің 11:15

Мин чоохтан сыхханымда, Худай Худы, хайди піссер пастап тӱскен, ідӧк ол кізілерзер тӱскен.

Илҷілернің 11:24

Ол позы даа чахсы, Худай Худынаң толған паза улуғ киртіністіг кізі полған. Аннаңар уламох кӧп кізі Хан Худайға киртін сыххан.

Илҷілернің 13:52

Ӱгренҷілері, тізең, ӧрініснең паза Худай Худынаң тол чӧрібіскеннер.

Илҷілернің 13:9

Че Павел тіп ікінҷі солалығ Савл, Худай Худының устааны хоостыра Елимазар кӧні кӧріп, чоохтанған: –

Илҷілернің 15:8

Кізілер сағызын пілчеткен Худай, иудей ниместерге піскеӧк чіли Худай Худын сыйлап, оларны Позына алчатханын киречілеен.

Илҷілернің 19:6

Анаң Павел оларзар холларын салғанда, оларға Худай Худы тӱскен. Ӱгренҷілер ухаанҷылааннар паза аймах-пасха тіллернең чоохтан сыхханнар.

Илҷілернің 2:11

Крит паза Арав чиріндегілербіс; че піс истіпчебіс, хайди олар Худайның илбек киректерінеңер пістің тіллерібіснең чоохтанчалар!

Илҷілернің 2:3

Анаң чалыннап кӧйчеткен от тіллері осхас нимелер чайылып, полған на кізее теңеннер.

Илҷілернің 4:31

Олар пазырарын тоос салғаннарындох, чыылысхан чир чайхала тӱскен. Прайзы, Худай Худынаң тол чӧрібізіп, Худай сӧзін туртухпин чоохтап сыххан.

Илҷілернің 4:8

Андада Пётр, Худай Худынаң тол чӧрібізіп, оларға теен: – Чон пастыхтары паза Израильнің ах сағаллары!

Илҷілернің 6:3

Аннаңар, харындастар, постарыңның араңардаң Худай Худы толған паза алғым хыйғазынаң сабланчатхан читі кізі таап алыңар. Оларны пу тоғысха турғыс саларбыстар.

Илҷілернің 6:5

Ол чӧп прай чыылған кізілернің кӧңніне кірген. Іди олар улуғ киртіністіг паза Худай Худы толған кізіні – Стефанны, ідӧк Филиппнең Прохорны, Никанорнаң Тимонны, Парменнең Николайны, Антиох саардаң сыххан иудей нимес, че амды иудейлерге хозыл парған кізіні, таллап алғаннар.

Илҷілернің 6:8

Стефан, тізең, киртінізі пастыра паза Худай кӱзінең кізілер аразында илбек хайхастар паза танығлар иткен.

Илҷілернің 7:55

Стефан, тізең, Худай Худынаң тол чӧрібізіп, тигірзер кӧрібіскен, анда ол Худайның сабланызын паза Худайның оң саринда турчатхан Иисусты кӧр салып,

Илҷілернің 8:17

Андада Пётрнаң Иоанн андағы кізілерзер холларын салғаннар, олар, тізең, Худай Худын алғаннар.

Илҷілернің 9:17

Ананий, андар парып, ол тураа кір киліп, ол кізее холларын салған. – Савл харындас! Сағаа чолда кӧрінген Иисус Хан-пигібіс мині синзер харааң ас пирерге паза сині Худай Худынаң толдырыбызарға ысты, – теен Ананий.

Римдегілерге 15:13

Ізеніс пирчеткен Худай, тізең, сірерні киртіністеріңнің пастыра пар-чох ӧрініснең паза амырнаң толдыр салзын. Худай Худының кӱзінең ізеністерің кӧптеліп одырзын.

1 Коринфтегілерге 12:10

хайзына-да хайхастар идері, пасхазына ухаанҷылас, пасхазына хуттарны танып пілері, пасхазына аймах тіллер, пасхазына тіллерні чарыда чоохтиры пирілче.

1 Коринфтегілерге 13:1

Мин кізілернің паза ангеллернің тілінең чоохтасчатсам, че хынызым чох полза, хоғдырапчатхан тӱӱрдең, сыңылапчатхан сыыластаң артых нимеспін.

1 Коринфтегілерге 13:8

Хут пирген сыйыхтар – ухааннас, тіллер паза піліс – иртіс парар. Хыныс, тізең, хаҷан даа тоозылбинча.

1 Коринфтегілерге 14:18

Худайымны алғыстапчам: пасха тіллернең мин сірердең прайзыңардаң кӧп чоохтасчам.

1 Коринфтегілерге 14:5

Сірерні прайзын тіллернең чоохтанзыннар тіп сағынчам. Че ухааннааны артых поларҷых. Ухааннапчатхан кізі тіллернең чоохтанчатханнаң артых нооза. Итсе, тіллерні тӱптестір пирчетсе, тигіриб улам пик поларҷых.

Ефестегілерге 5:18

Араға иртіре іспеңер, анзы кізіні ардатча. Че Худай Худынаң постарыңны толдырыңар.

Ефестегілерге 6:18

Аймах-пасха алданыстарнаң паза сурыныстарнаң полған на сай Худай Худы устаан оңдайынҷа пазыр турыңар. Прай ах-арығларның ӱчӱн Худайзар сурыныснаң сыбыра айланып, сиргек тудыныңар.

1 Петрның 1:12

Ухаанҷылар, постарының нимес, сірернің ӱчӱн анзын итчеткенін Худай оларға ас пирген. Амды, тізең, ол ниме сірерге Чахсы Хабардаңар чоохтаан кізілердең пастыра чарлал парды. Ухаанҷылар тигірдең ызылған Худай Худының хоостыра анзын сірерге чарлааннар. Ангеллер дее пу хабарның ниме полчатханын оңарып аларға хынчалар.

2 Петрның 1:21

Ухаанҷыластар кізінің кӧңні хоостыра хаҷан даа пирілбееннер. Ухаанҷыластар Худай Худының устаанынаң Худайның ах-арығ кізілерінең пастыра чарлалчалар.