Илҷілернің 11:3 - Наа Молҷағ

³ Син, сӱннет итпеен кізілерзер чӧріп, оларнаң хада азыранғазың, – теенер олар.

Илҷілернің 11:3 ပူးပေါင်းရင်းမြစ်များ

Матфей 9:11

Фарисейлер, аны кӧріп, Иисустың ӱгренҷілеріне чоохтанғаннар: – Ноға сірернің Ӱгретчіңер албан чығҷаңнарнаң паза чазыхтығ кізілернең хада азыранча?

Лука 15:2

Фарисейлер паза Моисей Чахии пілігҷілері перінісклееннер: – Ол, чазыхтығларны позына чағын киріп, оларнаң хада азыранча.

Иоанн 18:28

Иртен иртӧк Иисусты Кайафадаң Пилаттың ӧргезінзер апарғаннар. Па́сха тіп ӱлӱкӱннің чиизін чиирге чарадылзын тіп, иудейлернің киртініс кибірлеріне тоғыр полбас ӱчӱн, иудей пастыхтары Пилаттың туразынзар кірбееннер.

Илҷілернің 10:23

Андада Пётр оларны, тураа киріп, сыйлаан. Пазағы кӱн, тізең, Пётр оларнаң хада Кесар саарзар сығыбысхан. Оларнаң хада Иоппидең хай пірее киртінчеткеннер парғаннарох.

Илҷілернің 10:28

Пётр оларға теен: – Иудей кізее иудей ниместернең тоғазарға паза чағынназарға чарабинчатханын сірер пілчезер. Че Худай мағаа пір дее кізіні чиркестіг алай кірліг тіп санабазын ас пирген.

Илҷілернің 10:32

Амды, Иоппи саарзар кізілер ызып, Пётр тіп солалығ Симонны хығырып ал. Ол Пётр талай хазында чуртапчатхан тууп истеҷең Симонның туразында ааллапча. Ол, киліп, сағаа чоохтир».

Илҷілернің 10:48

Анаң Пётр оларға Иисус Христостың адынаң кіреске тӱзерге чахаан. Соонаң олар Пётрны постарында кӧп нимес кӱн полып аларға сурынғаннар.

1 Коринфтегілерге 5:11

Че мин, харындас аданып, сайбах алай азымахчы, алай кізі холынаң иділгенге пазырчатхан, алай чабал чоохтығ, алай іскіҷі, алай тонағҷы кізілернең хада полбасха тіп пасхам. Андағларнаң хада чібеске дее кирек.

Галат чиріндегілерге 2:12

Иаковнаң хайзы кізілер килгелекте, ол иудей нимес харындастарнаң хада чіҷең. Иудейлер килгеннерінде, тізең, олардаң хорығып, иудей нимес харындастардаң хыйа полып, алынҷа тудын сыххан.

2 Иоанның 1:10

Піреезі, сірерзер киліп, пу ӱгредігні сірерге читірбезе, аны тураа кирбеңер, изеннеспеңер дее аннаң.