Илҷілернің 10:2 - Наа Молҷағ

² Ол Худайны аарлаачы паза Аннаң чалтанаачы кізі полған. Ол иудейлерге кӧп чахсы иткен. Ол прай туған-чағыннарынаң хада Худайға сыбыра пазырҷаң.

Илҷілернің 10:2 ပူးပေါင်းရင်းမြစ်များ

Матфей 25:17

Ідӧк ікі талант алған нымысчы соонаң хоза ікі талант идіп алған.

Лука 18:1

Анаң Иисус хаҷан даа пазырарға кирек полчатханнаңар паза ізеністі чідірбестеңер кип-чоох чоохтап пирген. –

Лука 2:25

Ол туста Иерусалимде Симеон тіп кізі чуртаан. Ол Худайға киртінчеткен арығ чӱректіг кізі полған. Ол Худайның Израильге полызарын сахтапчатхан, Худай Худы, тізең, анда полған.

Илҷілернің 10:22

Чӱспазы Корнилий, арығ чӱректіг, Худайға киртінчеткен паза прай иудей чонына улуғлатчатхан кізі ах-арығ ангелінең чахығ алтыр: сині ибінзер хығырып, чооғыңны истіп аларға, – нандырғаннар олар.

Илҷілернің 10:31

Анаң тіпче: «Корнилий! Худай синің пазырғаныңны ис салған паза кізілерге чахсы иткеніңні сағысха кирген.

Илҷілернің 10:35

Аймах-пасха чоннарда Аны улуғлапчатханнар паза орта ниме итчеткеннер Худайның кӧңніне кірче.

Илҷілернің 10:4

Ол, тізең, андар кӧрібізіп, хорых парып, теен: – Ноо ниме, пигім? Ангел ағаа нандырған: – Синің кізілерге чахсы иткеніңні паза пазырғаныңны Худай сағысха кир килген.

Илҷілернің 10:7

Корнилийнең чоохтасчатхан ангел паза халғанда, Корнилий нымысчыларынаң ікізін паза позынаң хада чӧрчеткен Худай киртіністіг пір чааҷыны хығыртыбысхан.

Илҷілернің 11:14

Ол сағаа позыңны паза прай тураңны арачылап халар сӧстерні чоохтап пирер».

Илҷілернің 13:16

Павел, тур киліп, холын кӧдіріп, теен: – Израиль кізілері паза Худайны улуғлапчатханнар! Истіңер!

Илҷілернің 13:26

Харындастар, Авраамның тӧлі паза Худайны улуғлапчатханнар! Сірерге ызылды пу арачыланыс сӧзі.

Илҷілернің 13:50

Че иудейлер Худай кибірліг паза чонға улуғлатчатхан иудей нимес ипчілерні, ідӧк саардағы устағҷыларны Павелнең Варнавадаң тоғыр кӧӧктіріп, оларға истіг чуртас пирбинібіскеннер, соонаң оларны постарының чирлерінең сығара сӱрібіскеннер.

Илҷілернің 18:8

Синагога пазы Крисп, тізең, прай ибдегілерінең хада Худайға киртін сыххан. Коринф саардағыларның аразынаң кӧп кізі, ідӧк киртініп, кіреске тӱскен.

Илҷілернің 2:5

Иерусалимде, тізең, Худай кибірліг паза чирнің пасха-пасха чоннарынаң сыххан иудейлер полғаннар.

Илҷілернің 22:12

Анда Ананий тіп кізі полған. Ол Моисей Чахиинҷа чуртапчатхан арығ чӱректіг кізі полған. Аны Дамасктағы прай иудейлер улуғлаҷаңнар.

Илҷілернің 8:2

Худай кибірліг кізілер, Стефанны чыып салып, ағаа ачығ сыхтааннар.

Илҷілернің 9:11

Хан-пиг, тізең, ағаа теен: – Турып, тасхар сых. Анаң Кӧні тіп адалчатхан орамзар пар. Иуданың туразында Тарс саардаң сыххан Савл теен кізіні сурарзың. Ол сағам анда пазырча.

Илҷілернің 9:31

Прай Иудей, Галилей паза Самар чирлеріндегі тигіриб чоны амыр пол парған. Олар, Хан Худайдаң чалтанып ала чуртап, Худай Худы пастыра кӱс хабынғаннар паза кӧптең кӧп полып одырғаннар.

Илҷілернің 9:36

Иоппи саарда Иисустың ӱгренҷізі Тавифа, анзы киик теені полча, тіп хыс чуртаан. Ол кӧп чахсы ниме иткен паза чох кізілерге паарсазын кӧбӧк читірҷең.

Колоссадағыларға 4:2

Сыбыра пазырчадыңар, пазырчатса, сиргек полыңар паза алғыстаңар.

1 Фессалониктегілерге 5:17

сыбыра пазырыңар,

Иаковтың 1:5

Сірернің пірееңернің Худайдаң пирілген хыйғазы читпинчетсе, Аннаң сурынзын, ағаа пирілер. Худай прайзына, харанмин, уйаттырбин, пиредір нооза.

Азых чоох 15:4

Хан Худай, Син не чалғыс ах-арығзың, Сині аарлабаан паза Сині саблабаан кізі пар ба ни? Синің чарғыларың азылғаннаңар, Прай чоннар, киліп, Сағаа пазырарлар.