Иаковтың 5:19 - Наа Молҷағ

¹⁹ Харындастарым! Пірееңер сыннаң хыйыс парза, аны саба чолдаң осхырған кізі

Иаковтың 5:19 ပူးပေါင်းရင်းမြစ်များ

Матфей 18:15

Харындас кізі, синнең тоғыр полып, чазых ит салза, пар андар, пос аразында чоохтазып, алҷаазын кӧзіт пир ағаа. Ол синің чооғыңны исчетсе, син аны позыңа хатап айландырып алдың.

Лука 22:32

Че Мин, киртінізіңнің кӱзі син парбазын тіп, синің ӱчӱн пазырғам. Син дее, соонаң Минзер хатап айланып, харындастарыңның киртінізін тыыдарға кирексің. –

Галат чиріндегілерге 6:1

Харындастар! Кізі пірее чазыхтың холына кір парза, сірер, Худай Худынаң устанчатхан кізілер, постарыңны пазынып, аны тӱзетчедіңер. Пос постарыңны, пірее хынығысха тартыл парыбыспасха тіп, сизініп одырыңар.

1 Тимофейге 6:10

Тооза чабал нименің ӧзені ахчаа сабылғаны полча. Ағаа салынғаннарның хайзылары киртіністең хыйа парыбысханнар паза постарын кӧп чобағларға кир салғаннар

1 Тимофейге 6:21

Хайзы кізілер, анзына сабылып, киртіністең хыйыс чӧрібіскеннер. Худай паарсазы сағаа тӱссін. Аминь.

2 Тимофейге 2:18

Олар, кізілернің ӧлімнең тірілгені пол парды тіп чоохтап, іди сын ӱгредігдең тӧдір пазып, хайзыларының киртіністерін сайбапчалар.

Еврейлерге 5:2

Ол иң улуғ абыстың читпестері пар. Аннаңар ол, пілістері читпинчеткен паза алҷаастар итчеткен кізілерге айап, ӧкпезін читірбинче.

Иаковтың 1:16

Хынған харындастарым, постарыңны алаахтырынмаңар.

Иаковтың 1:19

Піліңер зе, хынған харындастарым, ноо даа кізі истерге чапчаң ползын. Чоохтанарға, ӧкпеленерге маңзырабас ползын.

Иаковтың 3:14

Че чӱрееңерде ачығ істі чохтанысты, тімелісті тутчатсар, хыйғазар тіп махтанмаңар, сыннаң тоғыр чойланмаңар.

Иаковтың 5:20

пілзін: чазыхтығ кізіні саба чолдаң хыйыстырып, аның худын ӧлімнең арачылап халар паза кӧп чазыхтарын чабызар.

2 Петрның 3:17

Хынғаннарым! Мыны пілчеткеннеріңде, сизініп одырыңар. Андағда сірер Худай ӱлгӱзіне чарадынминчатхан кізілернің алҷаастарына тартыл парыбыспассар паза пик пілістеріңнең хыйыспассар.

Иуданың 1:11

Чобағ оларға тӱссін. Олар Каиннің чолынҷа парчалар нооза. Ахчаох ӱчӱн, Валаам чіли, алҷаас итчелер. Корей чіли удурласчалар, олох чіли, ӧл парарлар.