Иаковтың 2:19 - Наа Молҷағ

¹⁹ Син Худай чалғыс ла тіп киртінчезің? Чахсы итчезің! Айна-чиктер дее киртінчелер паза халтырапчалар.

Иаковтың 2:19 ပူးပေါင်းရင်းမြစ်များ

Матфей 8:29

Олар, килбинең, чабал хысхыр сыхханнар: – Ниме кирек Сағаа пістең, Иисус, Худай Оолғы? Син пісті, тус читкелеккеӧк, иреелирге килдің ме?

Марк 1:24

Синің пісте ноо кирееңдір, Назареттең сыххан Иисус! Пісті чох идерге килгезің! Кем полчатханыңны пілчем мин, Син Ах-арығ Худай кізізің!

Марк 12:29

Иисус ағаа нандырған: – Иң улуғ чахығ мындағ: «Ис, Израиль! Пістің не Хан Худайыбыс чалғыс Худай полча.

Марк 5:7

паза чабал табыснаң аахтаан: – Ниме кирек Сағаа миннең, Иисус, Ӧӧркі Худай Оолғы? Худайнаң алданчам Сағаа, иреелебе мині.

Марк 7:9

Анаң теен оларға: – Худай чахиин хыйыстырып, пос кибірлеріне тудынчатханнарың чахсы ба ол?

Лука 4:34

Хыйа чӧр! Синің пісте ноо кирееңдір, Назареттең сыххан Иисус? Пісті чох идерге килдің нимес пе зе? Кем полчатханыңны пілчем мин, Син Худайның Ах-арығ кізізі полчазың!

Иоанн 17:3

Мӧгі чуртас Сині – чалғыс сын Худайны – паза Син ысхан Иисус Мессий-Христос полчатханын пілчеткені полча.

Илҷілернің 16:17

Павелнің паза пістің сообысча киліп, ол хыс хысхырған: – Пу кізілер Ӧӧркі Худай нымысчылары. Олар піске арачыланыс чолынаңар искірчелер.

Илҷілернің 19:15

Че чабал хут оларға піди нандырған: – Иисусты пілчем, Павел дее мағаа таныс, че сірер чи кемзер?

Илҷілернің 24:25

Павел арығ чӱректіг чуртирдаңар, посты хатығ тудардаңар паза килер чарғыдаңар чоохтап сыхханда, Феликс хорых парған. – Че амды пар. Маң полза, мин сині хығыртыбызарбын, – теен ол.

Римдегілерге 3:30

Худай пір ле. Ол киртіністері хоостыра сӱннет иттіргеннерні дее, иттірбеен, че киртінчеткеннерні дее ахтапчатхан Худай полча.

1 Коринфтегілерге 8:4

Ол оңдайнаң обааларға салған тамахты чииске тударынаңар чоохтаза, піс пілчебіс: пасха худайлар сынында чох нимені таныхтапчалар паза чалғыс Худайдаң пасха худай чоғыл.

Галат чиріндегілерге 3:20

Пір кізее чарастырығҷы кирек чоғыл. Худай, тізең, пір.

1 Тимофейге 2:5

Худайыбыс чалғыс. Кізілерні Худайнаң піріктірчеткен кізі, Позын, прайзының ӱчӱн толығ идіп, пирінген Христос Иисус чалғызох. Іди идіп, Ол кирек туста Худайның кӧңнін киречілеен.

Иаковтың 2:8

Сірер Хан чахиин (Пічікте «чағыныңа позыңа чіли хын» теенін) толдырчатсаңар, чахсы итчезер.

Иуданың 1:4

Худайны улуғлабинчатханнарның піреелері сірернің араңарға кіріп алғаннар. Олар постарының чӧреес оңдайларын Худайның паарсазынаң ахтапчалар паза пістің Ээбіс полчатхан Худайнаң Хан-пигібіс Иисус Христосты хыйа итчелер. Ол кізілернің чарғыладарларынаңар Худай Пічиинде хаҷанох пазылған полған.

Иуданың 1:6

Худай пирген ӱлгӱдең артых ӱлгӱні аларға идіп, Худай кӧзіт пирген орынны тастап парыбысхан ангеллерні сағысха кирібізіңер. Худай оларны, оот полбас кинҷее пиктебізіп, харасхының тӱбіне тастабысхан. Анда олар Улуғ чарғы кӱнін сахтапчалар.

Азых чоох 20:10

Оларны алаахтырған сайтан кӧйчеткен сералығ кӧлзер тастатхан. Андарох аң паза чой ухаанҷы тастаттыртханнар. Анда олар хараа-кӱнӧрте хаҷан даа иреелен турарлар.