Иаковтың 2:14 - Наа Молҷағ

¹⁴ Харындастарым! Піреезі «иткен киректерім чоғыл, че киртінізім пар» тізе, ноо тузадыр. Андағ киртініс арачылап полар ба?

Иаковтың 2:14 ပူးပေါင်းရင်းမြစ်များ

Матфей 5:20

Тіпчем сірерге, ол чахығларны Моисей Чахии пілігҷілерінең паза фарисейлердең артых толдырбазар, Тигір хан-чирінзер кір полбассар. –

Лука 3:11

Кемнің ікі кӧгенее пар, пірсін кӧгенее чох кізее пирібіссін. Кемнің чіҷең ниме пар, ідӧк ӱлес турзын, – нандырған Иоанн.

Лука 6:49

Мині истіп, сӧзімні толдырбинчатхан кізі туразын тӧстігі чох, олаңай ла чирде пӱдірген кізее тӧӧй. Суғ тураа урунғанда, ол тура сах андох иңзеріл парған. Ол тураның иңзерілгені илбек полған.

Илҷілернің 15:9

Пірдеебісті пасхалабин, иудей ниместернің чӱректерін киртініснең арығлабысхан.

Илҷілернің 8:13

Симон позы, даа ағаа киртін парып, кіреске тӱзіп, Филипптең хыйа парбин, аның итчеткен илбек хайхастарын паза танығларын кӧріп, тың хайхаан.

Илҷілернің 8:21

Сағаа мында андағ оңдай паза ӱлӱс пирілбес, Худайның алнында синің чӱреең ам даа орта нимес.

Римдегілерге 2:25

Сынап Чахығны толдырчатсаң на, сӱннет иткені тузалығ полча. Чахығны сайбапчатсаң, тізең, синің сӱннет иттіргенің иттіртпеенге килісче.

1 Коринфтегілерге 15:2

Сірер минің ӱгреткенім хоостыра Чахсы Хабарны сағыстарыңда тутчатсаңар паза ағаа киртіністерің тик-хуруғ полбинчатса, Чахсы Хабарнаңох арачыланып аларзар.

1 Коринфтегілерге 16:22

Кем Хан-пигібіс Иисус Христосха хынминча – ағаа харғас. Кил, Хан-пигібіс!

Галат чиріндегілерге 5:13

Харындастар, сірер пос хоныхха хығыртыл парғазар. Че, сірернің пос хонииңар кізі хынығыстарына пос салыныбызарға сылтағ пол парбазын. Удур-тӧдір хынызып полызызыңар.

Галат чиріндегілерге 5:6

Христос Иисуснаң хада полчатсабыс, сӱннет иттіргеннің дее, иттірбееннің дее пасхазы чоғыл. Хыныс киректерінең позын кӧзітчеткен киртініс ле кирек.

1 Фессалониктегілерге 1:3

Піс Худай Пабабыс алнында пазырып турчатсабыс, киртініс паза хыныс киреенде сірернің кӧп істенгеннеріңні паза Хан-пигібіс Иисус Христосха пик ізеністеріңні сағыста тудадырбыс.

1 Тимофейге 1:5

Минің чахығларымның пӧгіні, тізең, – Худайға киртінчеткеннерні арығ чӱректең, чахсы кӧңнінең паза чойырхабас киртіністең тӧріпчеткен хыныснаң толдырарға.

1 Тимофейге 4:8

Ит-сӧӧкті пиктееннің тузазы ас. Худайның кӧңнін толдырғаны, тізең, прай нимее туза. Ол сағамғы паза полар чуртасты молҷапча.

Титке 1:16

Олар Худайны пілчебіс тидірлер, че киректері пастыра чабал, тообас паза пір дее чахсы кирек ит полбас пол парғаннаңар, Худайдаң хыйа турчалар.

Титке 3:8

Пу сын сӧс. Худайға киртінчеткеннер чахсы киректер идерге кӱстенер ӱчӱн, сині пу сӧстерге оларны ӱгретсін тіп сағынчам: анзы кізілерге чахсы паза тузалығ.

Еврейлерге 11:17

Авраам Худайға киртінген. Худай, аны сыныхтап, Исаак оолғын тайыға салдыртханда, Авраам Аның чооғын толдырарға тимде полған. Худай Авраамға кӧп тӧл молҷаан, Авраам, тізең, чалғыс оолғын даа тайыға саларға тимде полған.

Еврейлерге 13:9

Ӧң-пасха паза пасхаҷыл ӱгредіглерге сірерні сын чолдаң апарыбызарға пирбеңер. Ниме чирге алай чібеске тіп чоохтапчатхан ӱгредіглер нимес, Худай паарсазы чӱректеріңні пик итсін. Андағ ӱгредіглернең айғасчатхан кізілер олардаң пір дее туза албинчалар.

Иаковтың 1:16

Хынған харындастарым, постарыңны алаахтырынмаңар.

Иаковтың 2:16

пірееңер, тізең, «пар, сағыссыраба: чылынарзың, тох поларзың» тізеңер, че кирексеенні пирбезеңер, ноо тузадыр.

Иаковтың 2:18

Піреезі, тізең, «синің киртінізің пар, минің, тізең, киректерім: киректерің чох киртінізіңні кӧзіт пир, мин киректерімнең салылған киртінізімні кӧзіт пирербін» тир.

Иаковтың 2:26

Тыны чох ит-сӧӧк ӧліг ниме. Киректері чох киртініс тее ідӧк ӧліг.

2 Петрның 1:5

Аннаңар киртіністеріңе чахсыларыңны хозар ӱчӱн прай кӱзіңерні салыңар. Чахсыларыңа піліс хозыңар.