Иаковтың 1:17 - Наа Молҷағ

¹⁷ Чахсы, толдыра ниме ӧӧртін, тигірдегі чарытхыларны чайаан Худайдаң килче. Ол Позы хаҷан даа алыспинча, алызар кӧлекті дее тастабинча.

Иаковтың 1:17 ပူးပေါင်းရင်းမြစ်များ

Матфей 7:11

Аннаңар сірер, чабал даа ползаңар, палаларыңа чахсыны пир пілчетсер, Тигірдегі Пабаңар Аннаң сурынчатханнарға чахсы нимелер хайди пирбес.

Лука 11:13

Сірер, чабал даа ползаңар, палаларыңа чахсыны пир пілчетсер, Тигірдегі Паба даа сурынчатханнарға Худай Худын хайди пирбес.

Иоанн 1:9

Чир ӱстӱне тӧреен полған на кізіні чарытчатхан сын Чарых пар полған.

Иоанн 3:27

Худай пирбезе, кізі позына пір дее ниме ал полбас, – нандырған Иоанн. –

Иоанн 3:3

Сынны чоохтапчам сағаа, кем Худайдаң хатап тӧреен, ол ла Худай хан-чиріне чидер, – нандырған ағаа Иисус. –

Иоанн 8:12

Иисус пазох кізілерге чоохтанған: – Мин чир ӱстӱнің Чарии полчам. Минің ӱгредиимҷе чуртапчатхан кізі харасхыда чӧрбес, аның чуртас пирчеткен Чарии пар полар.

Илҷілернің 11:18

Аны истіп, кізілер амырап парғаннар, анаң олар «Че, Худай иудей ниместерге дее чазыхтарынаң хыйа полып, чуртирға оңдай пиртір» тіп, Худайны сабландырғаннар.

Илҷілернің 5:31

Израиль чонына, пыросынып, чазыхтарын позыдарға оңдай пирер ӱчӱн, Худай Аны, Устағҷы паза Арачылағҷы идіп, Позының оң саринзар кӧдірген.

Римдегілерге 6:23

Чазыхтың тӧлее ӧлім, нооза. Худайның сыйии, тізең, Хан-пигібіс Иисус Христоста мӧгі чуртас.

1 Коринфтегілерге 4:7

Синің пасхаларынаң нимең артыхтыр? Син албаан ниме пар ба? Алғанда, тізең, албаан чіли, нимее махтан чӧрзің.

2 Коринфтегілерге 4:6

«Харасхыда чарых ползын» тіп, Худай пістің чӱректерібісті чарыдыбысхан. Іди Ол Иисус Христостың сырайында чарыпчатхан Худайның сабланызын пілерге пирген.

Ефестегілерге 1:18

Худай сірернің чӱректеріңні чарыт пирзін тіп сурынчам. Чарыт пирзе, сірерге Худай пирген ізеністі піліп аларҷыхсар. Ах-арығ кізілеріне пирер хайхастығ молҷағларының хайдағ полчатханын паза

Ефестегілерге 2:8

Аның паарсазы сірерні киртініс пастыра арачылаан нооза. Кӱстенгеннерің ӱчӱн нимес, че Худай сірерге пиргеннеңер арачыланып алғазар.

Филипптегілерге 1:29

Сірерге Худайның паарсазы пастыра Христосха киртінері ле нимес, че Аның ӱчӱн ирееленері дее пирілген нооза.

1 Тимофейге 6:16

Чалғыс Худай ла ӧлім пілбинче, чағдап полбас чарыхта орныхча, Аны кізі кӧрбеен паза кӧр полбас. Ағаа аарлас паза ӱзілбес ӱлгӱ. Аминь.

Еврейлерге 13:8

Иисус алыспинча: киҷее хайдағ полған, пӱӱн дее, хаҷан даа андағох.

Иаковтың 1:5

Сірернің пірееңернің Худайдаң пирілген хыйғазы читпинчетсе, Аннаң сурынзын, ағаа пирілер. Худай прайзына, харанмин, уйаттырбин, пиредір нооза.

Иаковтың 3:15

Хайда істі чохтаныс паза тімеліс, анда оңдай чоғыл, анда прай ниме чабал. Ол ӧӧртін тӱсчеткен хыйға нимес, че пу чирдең, кӧңніңердең, айнадаң.

Иаковтың 3:17

Кізінің ӧӧртін килген хыйғазы – иң пурнада, арығ, анаң амыр, тың тапсабас, сӧс истеечі, паарсасха паза чахсы киректерге толдыра, кізілерні талластырбас паза чойырхабас ниме.

1 Иоанның 1:5

Мына Иисус Христостаң искен паза аны сірерге искірчеткен чахсы хабар: «Худай – Чарых. Худайда пір дее харасхы чоғыл».

1 Иоанның 4:10

Худайның хынызы хайдағ? Піс Худайға нимес, че Худай піске пурун хынған, Оолғын, тізең, пістің чазыхтарыбысты арығлаҷаң тайығ ползын тіп, чир-чалбахсар ысхан.

Азых чоох 21:23

Саарны Худайның сабланызы чарытчатханнаңар, ағаа кӱн дее, ай даа чарии кирек чоғыл. Аның чарытхызы, тізең, Хураған.

Азых чоох 22:5

Анда хараа паза полбас. Кізілерге чарытхы алай кӱн чарии пір дее кирек чох полар. Ӧӧркі Чайаачы – Худай оларны чарыдар нооза. Олар хаҷан даа ӱлгӱ тударлар.