Филипптегілерге 4:5 - Наа Молҷағ

⁵ Сірернің амыр хылыхтарыңнаңар прай чон пілзін. Хан-пигібіс чағын килді.

Филипптегілерге 4:5 ပူးပေါင်းရင်းမြစ်များ

Матфей 6:25

Аннаңар тіпчем сірерге: чіҷең-ісчең нимедеңер, кисчең кип-азахтаңар сағыссырабаңар. Сірернің чуртазыңар ас-тамахтаң артых нимес пе зе, идіңер, тізең, – кип-азахтаң?

Матфей 6:34

Пу оңдайнаң, таңдағы кӱніңерге сағыссырабаңар. Таңдағы кӱн позы позынаңар сағыссырир. Полған на кӱнге позының сағыссырастары читче.

Лука 21:34

Ол кӱн сірер сағыбаанға орта килібіспезін тіп, сиргек тудыныңар, иртіре чырғап, чуртастың оох-теек нимелеріне пастырбаңар.

1 Коринфтегілерге 16:22

Кем Хан-пигібіс Иисус Христосха хынминча – ағаа харғас. Кил, Хан-пигібіс!

1 Коринфтегілерге 6:7

Пос аразында чарғыласчатханнарың даа улуғ уйат. Ӱреге кір парғаннарың сірерге артых полбасчых па? Пыластыр салғаны сірерге артых полбасчых па?

1 Коринфтегілерге 8:13

Аннаңар харындазымны чиис хыҷыхтандырчатса, харындазымны хыҷыхтандырбас ӱчӱн, итті хаҷан даа чібеспін.

1 Коринфтегілерге 9:25

Марығда араласчатхан ноо даа кізі, пу чирдегі сыйыхты утып алар ӱчӱн, матап тимненче. Піс алар сыйых, тізең, мӧгі сыйых полча.

2 Коринфтегілерге 10:1

Мин, Павел, сірернің араңарда полғанда, тідінмес, ырахтаң, тізең, сірерні хатығлаачы тіп тітірчеткен кізі, сірердең сурынчам. Христос чіли, амырнаң паза чахсынаң сірерге алданчам:

2 Фессалониктегілерге 2:2

Пик сағыстығ полыңар. Христостың кӱні чит килді тіп чарлапчатхан хут таа, сӧс тее, піс ысхан тіп итчеткен пічік тее сірерні чалтандырбазын.

Титке 3:2

ачығ тілге салынмасха, перінмеске, амыр тудынарға, прай кізее чахсы хылынарға чоохтапчат.

Еврейлерге 10:25

Хай піреелері итчеткен чіли, чыылығларыбысты тастабааңар. Хан-пигібістің килер кӱні чағдапчатханын пілчеткенібісте, кӧңнілерібісті уламох кӧдірізееңер.

Еврейлерге 10:37

Худай Пічиинде чоохталча нооза: «Тӱрче поларынаң килҷең Худай килібізер. Ол орайлатпас.

1 Петрның 1:11

Ухаанҷы кізілерде полған Христостың Худы Христостың ирееленістерінеңер паза Аның соондағы сабланызынаңар оларға азынада чоохтаан. Олар анзын хаҷан паза хайди поларын істескеннер.

1 Петрның 4:7

Че прай ниме тоозыларына чағдап одыр. Аннаңар чахсы, орта сағынып ал турыңар, пазырчатсаңар, сизіктіг полыңар.

Азых чоох 22:20

Прай пу нименің Киречізі тіпче: – Йа, Мин, тӱрче полза, килербін! Аминь, іди ползын! Кил Иисус, Хан-пигібіс!

Азых чоох 22:7

«Мына, тӱрчедең килербін! Пу пічікте пазыл парған ухаанҷыластың сӧстерінҷе чуртапчатхан кізі часкалығ», – тіпче Иисус Христос.