Филипптегілерге 4:18 - Наа Молҷағ

¹⁸ Мин прай нимеңер алдым, чырғап турбын. Сірер Епафродитнең ысхан нимені алғаныма чӧпсінчем. Сірернің сыйииңар тадылығ чыстығ алас, Худайға салылған чахсы тайығ осхас.

Филипптегілерге 4:18 ပူးပေါင်းရင်းမြစ်များ

Илҷілернің 10:4

Ол, тізең, андар кӧрібізіп, хорых парып, теен: – Ноо ниме, пигім? Ангел ағаа нандырған: – Синің кізілерге чахсы иткеніңні паза пазырғаныңны Худай сағысха кир килген.

Римдегілерге 12:1

Аннаңар, харындастар, Худай сірерні айаанның ӱчӱн, сірерге алданчам, постарыңны Худайға пир салыңар. Худайның кӧңніне чарас тіріг, ах-арығ тайығ иткені ползын ол. Анзы Худайға орта пазырғаны полар.

2 Коринфтегілерге 11:8

Сірернең тоғынар ӱчӱн, мин пасха тигіриблердең полызығ алғам. Сірерде полғанда, тізең, хызыхханда даа, сірердең пір дее ниме сурбаам.

2 Коринфтегілерге 9:12

Пу полызығ пирҷең тоғыс ах-арығларның кирексіністерін не толдырбинча, че кӧп кізіде Худайға илбек алғыс тӧрітче.

Ефестегілерге 5:2

Хайди Христос, піске хынып, Позының тынын тайыға салып, Худайның кӧңніне кірчеткен тадылығ чыс пол парған, сірер дее ідӧк хыныста чуртаңар.

Филипптегілерге 4:12

Хызылып таа, чырғап таа чуртирға піледірбін – прай ниме кӧргем, ноо даа нимее тимдебін: тох таа, астап таа чӧрерге, чырғалда даа, хызығыста даа чуртирға.

2 Фессалониктегілерге 1:3

Сірернің киртіністерің ӧсчеткеннеңер паза прайзыңарның пос аразында даа, удур-тӧдір дее улам хынызып чуртапчатханынаңар, харындастар, піс Худайны сірернің ӱчӱн сыбыра алғирға кирекпіс – анзы орта.

Еврейлерге 13:16

Кізілерге чахсы идерге ундубаңар. Удур-тӧдір полызызыңар. Іди иткені Худайның кӧңніне кірчеткен тайығ полча нооза.

1 Петрның 2:5

Сірер постарыңны даа, тіріг тастарны чіли, Хут чуртир тураның пӱдіриине салыңар. Ах-арығ абыстар полыбызыңар, андада сірер Хут таллаан тайығлар идерзер. Иисус Христостың сылтаанда ол тайығлар Худайға килістірелер.