Филипптегілерге 3:5 - Наа Молҷағ

⁵ сигізінҷі кӱнінде сӱннет иткен, Израиль тӧлі полчатхан, Вениаминнің уйазынаң сыххан, еврейлернің еврейі, ӱгредиимҷе фарисей,

Филипптегілерге 3:5 ပူးပေါင်းရင်းမြစ်များ

Лука 1:59

Сигізінҷі кӱнінде палаа сӱннет идерге киліп, пабазының адынаң Захарий тіп адап саларға иткеннер.

Лука 2:21

Сигізінҷі кӱнінде, сӱннет итчең тус чит килгенде, іҷезі тойлығ полғалаххаох, ангел пирген Иисус тіп атнаң Час Паланы адап салғаннар.

Лука 5:38

Наа араға наа тууп торсыхха урыларға кирек. Андада анзы даа, мынзы даа хайраллал халар.

Илҷілернің 22:3

Мин иудейбін, Киликийдегі Тарс саарда тӧреен, Иерусалим саарда Гамалиил ӱгретчімнің холында ӱгренген кізібін. Мин, ӧбекелерібістең Моисей Чахии хоостыра тирең паза сибер ӱгредіг алып алып, сірернің прайзыңарох чіли, прай позымны Худайға чарытхам.

Илҷілернің 23:6

Мындағыларның чарымызы саддукейлер, пасхалары, тізең, фарисейлер полчатханын піл салып, Павел Ӧӧркі Чарғаа чоохтанған: – Харындастар! Мин позым фарисейбін, пабам даа фарисей полған. Ӧліглернің тірілчеткеннеріне киртінчеткенімнеңер мині чарғылапчалар.

Илҷілернің 6:1

Ол кӱннерде, ӱгренҷілер саны ӧскеннең ӧзіп одырғанда, Грек тілліг иудейлер аразында, кӱннің сай иділчеткен полызығ тарадиинда постарының ӧкіс халған ипчілері санға алылбинчалар тіп, еврейлердең тоғыр чоох-чаахтар пар сыхханнар.

Римдегілерге 11:1

Ол оңдайнаң мин сурчам: нӧӧс Худай Позының чонын хыйа идібіскен? Чох, андағ нимес. Мин дее Израиль чонынаңмын, Авраамның тӧлінеңмін, Вениаминнің уйазынаңмын.

2 Коринфтегілерге 11:22

Олар еврейлер бе? Мин дее еврейбін. Израильдеңнер бе? Мин дее аннаңохпын. Авраамның тӧлі полчалар ба? Мин дее оларох осхаспын.