Филипптегілерге 3:1 - Наа Молҷағ

¹ Ол оңдайнаң, харындастарым, Хан-пигібістің ӧрінізіне ӧрініңер. Мағаа аны пазары аар нимес, сірерні, тізең, анзы хайраллир.

Филипптегілерге 3:1 ပူးပေါင်းရင်းမြစ်များ

Матфей 5:12

Тигірде сірерні илбек тӧлег сағыпча, аннаңар ӧрініңер паза кӧглеңер. Сірернің алнында даа чуртаан ухаанҷыларны ідӧк сӱрҷеңнер.

Лука 1:47

Ӧрінчедір кӧңнім Худайға, Арачылағҷыма,

Римдегілерге 5:11

Піс анзына ла махтанминчабыс. Хан-пигібіс Иисус Христостың пастыра Худайни полчатханыбысха махтанчабыс. Аның сылтаанда піс Худайнаң чарас салғабыс.

2 Коринфтегілерге 13:11

Че, харындастар, ӧрініңер, хыйғаларың хозыңар, часхарыныңар, пір сағыстығ, амыр чуртаңар. Андада хыныс паза амыр пирчеткен Худай сірернең хада полар.

Ефестегілерге 6:10

Халғанҷызында. Харындастарым, Хан-пигнең хада полып, Аның илбек кӱзінең кӱстеріңні тыыдыңар.

Филипптегілерге 3:3

Сӱннет идері піс полчабыс нооза. Худай Худы хоостыра Худайға тоғынчатханнар, Христос Иисусха кееркепчеткеннер паза кізі позыбысха ізенминчеткеннер.

Филипптегілерге 4:4

Хан-пигібісте хаҷан даа ӧрініңер, пазох хатап чоохтапчам сірерге – ӧрініңер.

Филипптегілерге 4:8

Тӱгенҷізінде, харындастар, сын, ах сағыстығ, орта, арығ, хыныстығ, турыстығ чахсы паза махтағлығ ла нимедеңер сағыныңар.

1 Фессалониктегілерге 4:1

Мының соонаң, харындастар, Христос Иисустың адынаң алданчабыс сірердең, хайди поларынаңар паза Худайның кӧңнінҷе ниме идерінеңер пістең кӧзідім алып, пу киректе маңнанысха чит турыңар.

1 Фессалониктегілерге 5:16

сыбыра ӧріністіг полыңар,

Иаковтың 1:2

Піліңер, сірернің киртіністеріңні сынааны тыстанысты тӧрітче. Аннаңар, харындастарым, аймах сынағларға кір парчатсаңар, анзын улуғ ӧрініске санаңар.

1 Петрның 3:8

Ол оңдайнаң сірер прайларың пір сағыстығ, кізее ачынаачы, харындас-пиҷее хынаачы, паарсах, чалахай, пазымнығ поларға кирексер.

1 Петрның 4:13

Христостың ирееленістерінде араласчатханнарыңа ӧрініңер. Ол Позының сабланызында килзе, сірер ӧрінерзер, сірернің чӱрееңер ӧрлир.

2 Петрның 3:1

Хынғаннарым! Пу минің сірерге пасчатхан ікінҷі пічиим. Пу сын ӱгредігдеңер хатап пазып, сірерні орта сағынзыннар тіп хынчам.