Филипптегілерге 2:7 - Наа Молҷағ

⁷ Позын пазынҷыхтап, хул омазын алынып, кізілерге тӧӧй, кӧрімінең кізі осхас пол парған.

Филипптегілерге 2:7 ပူးပေါင်းရင်းမြစ်များ

Матфей 12:18

«Мына Минің таллап алған Оолғым, Ол Минің хынғаным, Ағаа Минің кӧңнім ӧрінче. Ағаа Позымның Худымны пирербін. Ол, тізең, Минің чарғымны чоннарға искірер.

Матфей 20:28

Кізі Оолғы даа кізілерні Позының алны-кистіне чӧргізерге нимес, че пасхаларына нымысха чӧріп, кӧп кізінің ӱчӱн толығ полып, Позының тынын пирібізерге килген.

Марк 9:12

Иисус оларға нандырған: – Анзы сын. Илия, пурун киліп, прай ниме тимнеп саларға кирек. Кізі Оолғына за, пазылғанни, кӧп ирее паза хыйыхтас кӧрері тӱсче.

Лука 22:27

Хайзы улуғ: стол кистінде одырчатханы ба алай аның ибіре хайын чӧрчеткені бе? Стол кистінде одырчатханы нимес пе зе? Мин, тізең, сірернің араңарда нымысчы осхаспын.

Иоанн 1:14

Сӧс, кізі пол парып, паарсасха паза сынға пай полып, піснең хада чуртаан. Піс Аның Пабазынаң алған сабланызын кӧргебіс. Ол сабланысты Пабазының чалғыс Оолғы полып алған.

Римдегілерге 1:3

Ол Чахсы Хабар Худайның Оолғынаңар. Иді-ханы хоостыра Ол Давидтің тӧлінең сыххан кізі полған.

Римдегілерге 15:3

Христос таа позының кӧңнін чӧпсіндірбеен. Пазылых нооза: Сині сӧклепчеткеннернің сӧклестері мағаа тӱстілер.

Римдегілерге 15:8

Мин мына ниме чоохтапчам. Иисус Христос сӱннет итірткеннерге нымысчы полыбысхан. Ол анзын Худайның сынын кӧзідерге тіп паза ӧбекелерге пирген молҷағның толары ӱчӱн иткен.

Римдегілерге 8:3

Моисей Чахии анзын ит полбаан. Ит-ханыбыс аның кӱзін сығарыбысхан. Аннаңар Худай Позының Оолғын, чазыхтығ ит-ханнығ кізее омалап салып, ысхан. Худай Аны чазыхтың ӱчӱн толығ ит салған. Іди Худай ит-ханның оңдайынҷа иткен чазыхты чарғылап салған.

2 Коринфтегілерге 13:4

Ол, кӱс чох полып, кіреске хазатырт салған. Ам, тізең, Ол Худайның кӱзінең тіріг. Піс тее, Христос кӱс чох полған чіли, кӱс чохпыс. Че ам піс Аннаң хада чуртапчатханыбыста, позыбыста Худайның кӱзі пар пол парды. Пу кӱснең піс сірернің араңарда тузаланарбыс.

2 Коринфтегілерге 8:9

Хан-пигібіс Иисус Христостың паарсазын пілчезер нооза. Ол Позы, пай полчадып, сірернің ӱчӱн чох-чоос полыбысхан. Позы чох-чоос полыбысханынаң сірерні пай ит саларға хынған.

Галат чиріндегілерге 4:4

Че таныхтаан тузы чит килгенде, Худай Позының чалғыс Оолғын ысхан. Ол ипчідең тӧреен, чахығның холында полған.

Филипптегілерге 2:6

Ол Худай омазы полған, че Худай чіли тудынмаан,

Еврейлерге 12:2

Иисусха кӧрееңер. Ол пістің киртінізібісті пастабызып, аны толдыра итче. Аны сағыпчатхан ӧріністі Иисус пілген. Че пастап, Ол уйаттаң хорыхпин, кіресте ирее кӧрген. Амды, тізең, Ол Худайның оң саринда одырча.

Еврейлерге 13:3

Харибдегі кізілердеңер сағыныңар. Постарың пиктегде полған чіли, оларға сағыссыраңар. Ирееленчеткен кізілердеңер сағыныңар. Оларға, постарың ідӧк ирееленген чіли, айаңар.

Еврейлерге 4:15

Читпестерібіске чӱрексібес иң улуғ абыс нимес ол. Пістің прайзыбызох чіли, Ол сынатхан, че чазыхха кірбеен.