Филипптегілерге 2:5 - Наа Молҷағ

⁵ Сірернің пілінізіңер Иисус Христости осхас поларға кирек:

Филипптегілерге 2:5 ပူးပေါင်းရင်းမြစ်များ

Матфей 11:29

Мин нымзах паза пазымнығ чӱректігбін, аннаңар, Минің чӱгімні постарыңа артынып, Миннең ӱгреніңер, іди сірер тынағ табарзар.

Лука 22:27

Хайзы улуғ: стол кистінде одырчатханы ба алай аның ибіре хайын чӧрчеткені бе? Стол кистінде одырчатханы нимес пе зе? Мин, тізең, сірернің араңарда нымысчы осхаспын.

Илҷілернің 10:38

Хайди Худай Позының Худын паза кӱзін Назареттегі Иисусха пиргенін, пілчезер. Иисус, тізең, Худай Анынаң хада полғаннаңар, кізілер аразынҷа чӧріп, чахсы нимелер иткен паза сайтанға хаптырғаннарның прайзын имнебіс турған.

Илҷілернің 20:35

Мына піди піске, кӱстеніп тоғынып, кӱс чохтарға полызарға паза Иисус Хан-пигібістің сӧстерін ундубасха кирек полчатханын мин сірерге прай нименең кӧзіткем. Ол Позы даа тіҷең нимес пе зе: «Пирчеткені алчатханынаң часкалығ».

Римдегілерге 14:15

Синің чіпчеткен чиизіңе харындазыңның кӧңні ардапчатса, син хыныс хоостыра итпинчезің. Чиистің ӱчӱн харындазыңны чох итпе. Христос ол кізінің ӱчӱн ӧл парған.

Римдегілерге 15:3

Христос таа позының кӧңнін чӧпсіндірбеен. Пазылых нооза: Сині сӧклепчеткеннернің сӧклестері мағаа тӱстілер.

Римдегілерге 15:5

Тыстаныс паза часхарыс пирчеткен Худай, тізең, сірерге Христос Иисустың оңдайынҷа пір сағыстығ поларын пирзін.

1 Коринфтегілерге 10:33

Мин дее ідӧк итчем. Ноо даа ниме итчетсем, прайзының кӧңнін толдырарға кӱстенчем. Прайзы арачыланзын тіп, позымнаңар нимес, че олардаңар сағынчам.

Ефестегілерге 5:2

Хайди Христос, піске хынып, Позының тынын тайыға салып, Худайның кӧңніне кірчеткен тадылығ чыс пол парған, сірер дее ідӧк хыныста чуртаңар.

Филипптегілерге 1:1

Піс, Павелнең Тимофей, Иисус Христостың хуллары, Филипп саардағы тигіриб устағҷыларынаң паза хабасчыларынаң хада Христос Иисусха киртінчеткен прай ах-арығларға пасчабыс.

1 Петрның 2:21

Худай сірерні іди поларға хығыртхан. Христос сірернің ӱчӱн ирее кӧріп, Позы сірерге кӧзідім полған нооза. Сірер дее Аның чолынҷа парыңар.

1 Петрның 4:1

Христос пістің ӱчӱн иді-ханын иреелеткен. Сірер дее олох пӧгіннең тирін салыңар. Иді-ханын иреелетчеткен кізі чазых идерін тохтатча нооза.

1 Иоанның 2:6

Худайда полчам тіпчеткен кізее Иисус Христос чіли чуртирға кирек.