Филимонға 1:14 - Наа Молҷағ

¹⁴ Че синің чарадииң чох пір дее ниме идерге хынмадым: синің чахсы иткенің ирік чохтаң на полбазын, че пос кӧңнінең иділзін.

Филимонға 1:14 ပူးပေါင်းရင်းမြစ်များ

1 Коринфтегілерге 9:17

Мин аны позымның кӧңнімҷе итчеткенімде, сыйых полар мағаа. Позымның кӧңнімҷе итпинчетсем, тізең, мағаа пирілген чӧрінізімні толдырчам нооза.

1 Коринфтегілерге 9:7

Хайдағ чааҷы чаалас чӧрер хорадығларны посха артча ни? Кем, виноградты одыртып алып, чистегін чібин чӧрер ни? Кем, мал хадарып, сӱдін іспин чӧрер ни?

2 Коринфтегілерге 1:24

Анзы киртінізіңернең устапчатханыбысты таныхтабинча. Чох, сірерні ӧрінзіннер тіп, сірернең хада тоғынчабыс. Киртіністерің пик нооза.

2 Коринфтегілерге 8:12

Сірер полызарға кӱстенчетсер, пасхазы чоғыл нинҷе пир поларзар. Худай сірердең пир полбасты кирексібинче, нинҷе пир полза, анҷазын пирзіннер тіп хынча.

2 Коринфтегілерге 9:5

Аннаңар харындастарыбысты, сірерзер азынада парып, пирерге молҷап салған сыйыхтарны азынадох тимнеп салзыннар тіп сурынғам. Андада ол тимнеен ниме хыза пасханға саналбас, сынынаң сыйых полар.

2 Коринфтегілерге 9:7

Полған на кізі чӱрее хоостыра пирзін. Кӧңні чарабин, ирік чохтаң пирбезін. Худай пар-чох кӧңнінең пирчеткеннерге хынча нооза.