Филимонға 1:1 - Наа Молҷағ

¹ Мин, Иисус Христостың кинҷелеп салған кізізі Павел, паза Тимофей харындас пістің хынғаныбыс паза хабасчыбыс Филимонға,

Филимонға 1:1 ပူးပေါင်းရင်းမြစ်များ

Илҷілернің 16:1

Павел Дервий паза Листр саарларға читкен. Анда киртінчеткен иудей іҷеліг, грек пабалығ Тимофей ады-солалығ ӱгренҷі полған.

1 Коринфтегілерге 3:9

Піс хада тоғынчатхан Худайның нымысчыларыбыс. Сірер, тізең, Худайның хыразы, Худайның пӱдірии полчазар.

2 Коринфтегілерге 1:1

Худайның кӧңнінҷе Христос Иисустың илҷізі полчатхан Павел паза Тимофей харындас Коринфтегі Худай тигірибіне паза тиксі Ахай чирінде чуртапчатхан ах-арығ кізілерге чолабит ысчабыс.

Галат чиріндегілерге 3:26

Сірер прайзыңар Христос Иисусха киртіністерің хоостыра Худайның оолларызар нооза.

Ефестегілерге 3:1

Мына піди мин, Павел, сірердеңер, иудей нимес кізілердеңер, сағынып, Иисус Христостың нымысчызы полчатханымнаңар, харибде одырчам.

Ефестегілерге 4:1

Амды мин, Хан-пигібіс ӱчӱн харибде одырчатхан кізі, сірердең «Худай кізілері полып, Худай хығырған нимее турыстығ полыңар» тіп, алданчам.

Ефестегілерге 6:20

Харибде дее мин Чахсы Хабарның илҷізібін. Чахсы Хабардаңар хорыхпин паза чазынмин, кирек иде искір поларым ӱчӱн, пазырыңар.

Филипптегілерге 1:1

Піс, Павелнең Тимофей, Иисус Христостың хуллары, Филипп саардағы тигіриб устағҷыларынаң паза хабасчыларынаң хада Христос Иисусха киртінчеткен прай ах-арығларға пасчабыс.

Филипптегілерге 2:25

Епафродит, ағыриинаңар сағба сірерге чит парғаннаңар тың чобалып, сірерні прайзыңарны кӧрері уғаа кил парған. Аннаңар мин аны, хада тоғынчатхан, хада чааласчатхан минің харындазымны, сірернің, тізең, илҷіңерні, кирексіністеріме чӧрінчеткен кізіңерні, сірерзер нандыра ызыбызарға чараттым.

Филипптегілерге 4:3

Синнең дее, сын хабасчымнаң, сурынчам, полыс пир оларға. Олар миннең, Климентнең паза аттары чуртас киндезіне киріл парған пасха даа тоғынҷыларнаң хада Чахсы Хабарны тарадарында араласханнар.

Колоссадағыларға 1:1

Павел, Худай кӧңні хоостыра Иисус Христостың илҷізі, паза Тимофей харындас

Колоссадағыларға 4:11

Ідӧк Иуст тіп солалығ Иисус изен читірче. Иудейлердең олар ла, Худай хан-ӱлгӱзі килер ӱчӱн миннең хада тоғыс идіп, минің кӧңнім кӧдірчелер.

1 Фессалониктегілерге 3:2

Аннаңар Тимофей харындастарыңны, Худай нымысчызын паза Христостың Чахсы Хабарын тарадарында хада хабасчатхан тоғынҷыбысты, ысчабыс: сірерні киртінізіңерде пик итсін паза часхарзын.

2 Фессалониктегілерге 1:1

Павел, Силуан паза Тимофей Худай Пабабысха, Хан-пигібіс Иисус Христосха киртінчеткен Фессалоник саардағы тигірибіне чолабит ысчабыс.

2 Тимофейге 1:8

Аннаңар син Хан-пигібістеңер киречілестердең дее, миннең дее, Аның чабығдағы кізізінең, уйатпа. Че миннең хада, Худай пирген кӱзіңе тӧмене, Чахсы Хабарның ӱчӱн иреелестерні алын.

Филимонға 1:23

Епафрас, Христос Иисустың ӱчӱн миннең хада чабығда одырчатхан кізі, Марк, Аристарх, Димас, Лука – мағаа хабасчатхан кізілер, сағаа изен читірчелер.

Филимонға 1:9

Че, хыныснаң сурынза, артых полар. Мин, Павел аға, амды Иисус Христостың кинҷелеп салған кізізі,