Еврейлерге 5:2 - Наа Молҷағ

² Ол иң улуғ абыстың читпестері пар. Аннаңар ол, пілістері читпинчеткен паза алҷаастар итчеткен кізілерге айап, ӧкпезін читірбинче.

Еврейлерге 5:2 ပူးပေါင်းရင်းမြစ်များ

Лука 22:32

Че Мин, киртінізіңнің кӱзі син парбазын тіп, синің ӱчӱн пазырғам. Син дее, соонаң Минзер хатап айланып, харындастарыңның киртінізін тыыдарға кирексің. –

2 Коринфтегілерге 11:30

Махтанарға кирек полза, читпес саримнаң махтанарбын.

2 Коринфтегілерге 12:5

Андағ кізінең мин махтанарбын. Позымның нимеме махтанарбын? Читпестеріме ле.

Галат чиріндегілерге 4:13

Мин пастап, сірерге Чахсы Хабарны таратхан туста, ағырығ полғам.

Ефестегілерге 4:18

Оларның сағыстары пӱлестел парған. Олар, хыйғалары читпинчеткеннеңер, чӱректері, тізең, хатығдаңар, Худай пирчеткен чуртастаң тастых чуртапчалар.

1 Тимофейге 1:13

Мин алында Худайны чабаллаам, Ағаа киртінчеткеннерні сӱргем, хыйыхтаам. Че мин аны, пілінмин, киртінізім чох полып, іди иткенімнеңер, Ол, мағаа айап, пыром тастаан.

Еврейлерге 12:13

Кӧні чолларҷа чӧрінер: ахсапчатхан кізі частыхпазын, че айдас пол парзын.

Еврейлерге 2:17

Аннаңар Иисусха, Худайның алнында сын паза чағбан чӱректіг иң улуғ абыс полар ӱчӱн, Авраам тӧлі осхас поларға кирек. Прай ол ниме Худайдаң кізілернің чазыхтарын тастабызардаңар сурынып алар ӱчӱн полған.

Еврейлерге 2:18

Иисус, Позы даа сынатырған паза ирееленген ӱчӱн, амды сынатырчатхан кізілерге полыс полар.

Еврейлерге 4:15

Читпестерібіске чӱрексібес иң улуғ абыс нимес ол. Пістің прайзыбызох чіли, Ол сынатхан, че чазыхха кірбеен.

Еврейлерге 7:28

Моисей Чахии абыстарға олаңай, читпестері пар кізілерні турғысчаң. Че Моисей Чахииның соонда пирілген молҷағ хаҷан даа прай чахсы нименің толымы полчатхан Оолғын турғыс салған.

Еврейлерге 9:7

Ікінҷі отахха, тізең, пір чылда пір хати иң улуғ абыс ла кірҷең. Ол андар соххан малның ханын кир салҷаң. Ол хан, позын паза оңнабин халып, сайбағ иткен ӱчӱн, чазыхха кір парған кізілерні арығлаҷаң.

Иаковтың 5:19

Харындастарым! Пірееңер сыннаң хыйыс парза, аны саба чолдаң осхырған кізі

1 Петрның 2:25

Сірер астых чӧрчеткен хойлар осхас полғазар. Амды, тізең, сірернің чуртастарыңны хайраллапчатхан Хадарҷызар айлан килгезер.