Еврейлерге 4:2 - Наа Молҷағ

² Піске дее, Моисейнең хада парғаннарға чіли, Чахсы Хабар читірілген. Че олар искен нимені посха албааннар, киртінмееннер. Аннаңар оларға ол хабар туза полбаан.

Еврейлерге 4:2 ပူးပေါင်းရင်းမြစ်များ

Илҷілернің 13:46

Андада Павелнең Варнава чалтанмин чоохтанғаннар: – Сірерге иң пурун Худай сӧстері чидерге кирек полған, че сірер, аны хыйа идіп, постарың постарыңны мӧгі чуртасха турыстығ нимес итчезер, піс, тізең, иудей ниместерзер айланчабыс.

Илҷілернің 3:26

Худай, сірерні алғир ӱчӱн, полғаныңарны ла чабал киректеріңнең оортах идіп, иң пурун сірерзер Позының Нымысчызын, Иисусты, тірілдіріп, ысхан.

Римдегілерге 2:25

Сынап Чахығны толдырчатсаң на, сӱннет иткені тузалығ полча. Чахығны сайбапчатсаң, тізең, синің сӱннет иттіргенің иттіртпеенге килісче.

Римдегілерге 3:3

Оларның кӧбізі Худайға киртістіг полбаан. Оларның киртістіг полбааннары Худайның киртістіг полчатханын чох итче бе?

1 Коринфтегілерге 13:3

Пар-чох пайым ӱлеп салзам, иді-ханымны ӧртедерге пир салзам, че хынызым чох полза, мағаа анзында пір дее тузазы чоғыл.

Галат чиріндегілерге 3:2

Сірердең пір ле ниме пілерім килче: сірер, Моисей Чахиин толдырып, Худай Худын алғазар ба? Алай Чахсы Хабарны истіп, киртініс пастыра аны алғазар ба?

Галат чиріндегілерге 3:8

Худай киртініс пастыра пасха чоннарны ахтап салар тіп, Худай Пічиинде азынадох чоохталған полған. Авраамға даа Чахсы Хабарның пастыра азынада чарлалған: синнең прай чоннар алғас аларлар.

Галат чиріндегілерге 4:13

Мин пастап, сірерге Чахсы Хабарны таратхан туста, ағырығ полғам.

1 Фессалониктегілерге 1:5

Чахсы Хабарны сӧсте ле нимес, че сын кӱзін кӧзідіп, Худай Худынаң паза кӧп киречілестернең ағылдыбыс нооза. Сірернің араңарда полғаныбыста, пістің хайди чуртааныбысты пілче нооңзар – анзына сірерге киречілес полған.

1 Фессалониктегілерге 2:13

Аннаңар, сірер пістең искен Худай сӧзін, кізі сӧзін чіли нимес, че Худай сӧзін чіли алынғаннарың ӱчӱн, Худайыбысты сыбыра алғыстапчабыс. Ол сынынаң Худай сӧзі паза сірерге, киртінчеткеннерге, тееліп, сірерні алыстырча.

1 Тимофейге 4:8

Ит-сӧӧкті пиктееннің тузазы ас. Худайның кӧңнін толдырғаны, тізең, прай нимее туза. Ол сағамғы паза полар чуртасты молҷапча.

Еврейлерге 11:6

Киртінізі чох кізілернің пірдеезі Худайның кӧңніне кірбес. Худайзар килчеткен кізілер Аның парына паза Худайны тілепчеткеннер Ағаа сыйыхтадарларына ізенерге киректер.

Еврейлерге 3:12

Харындастар! Чӱректерің чабал, сын нимес полбазын, тіріг Худайыбыстаң хыйа парбазын тіп, сизініңер.

Еврейлерге 4:6

Пу Чахсы Хабарны пурнада искен кізілер, Худайның чооғын испееннеңер, пу тынаға чит полбастар. Аннаңар пасха кізілерге тынағ ал полҷаң оңдай пар.

Иаковтың 1:21

Аннаңар нинҷе пар чуртас похсағын, тооза чабалланысты хыйа идіп, сірерге пирілген сӧсті пазымнығ чӱрекнең алыныңар. Ол сірернің худыңарны арачылап полар.

1 Петрның 1:12

Ухаанҷылар, постарының нимес, сірернің ӱчӱн анзын итчеткенін Худай оларға ас пирген. Амды, тізең, ол ниме сірерге Чахсы Хабардаңар чоохтаан кізілердең пастыра чарлал парды. Ухаанҷылар тигірдең ызылған Худай Худының хоостыра анзын сірерге чарлааннар. Ангеллер дее пу хабарның ниме полчатханын оңарып аларға хынчалар.