Еврейлерге 2:2 - Наа Молҷағ

² Пістің ӧбекелерібіске ангеллернің пастыра пирілген ӱгредігнің Сӧзі сын полтыр. Аны сайбааны паза испеені сыбыра орта хатығлатхан.

Еврейлерге 2:2 ပူးပေါင်းရင်းမြစ်များ

Илҷілернің 7:53

Сірер ангеллер пирген Моисей Чахиин алып алғазар, че аны толдырбаазар.

Галат чиріндегілерге 3:19

Моисей Чахии нимее киректір? Ол сайбағ ниме полчатханын кӧзідер ӱчӱн турғызылған. Моисей Чахии Худай молҷаан ӱрен килер тузына теере турғызыл парған. Ол чахығ ангеллернің пастыра чарастырығҷының холынаң пирілген.

Еврейлерге 1:1

Худай пурунғыдаң ала ӧң-пазы оңдайларнаң ӧбекелерібіске ухаанҷылар пастыра кӧп хати чоохтанған.

Еврейлерге 10:28

Моисей Чахиин сайбаан кізідеңер ікі-ӱс киречі чоохтаза, ол кізіні айағ чох ӧдірібісчеңнер.

Еврейлерге 10:35

Сірернің тідімніг тудынызыңар илбек сыйыхха турызар. Андағох ла полыңар.

Еврейлерге 11:26

Ол Христости осхас ирееленістерні Египеттің прай пайынаң артых тіп санаан. Ол Худайның пирер сыйиин кӧрген нооза.

Еврейлерге 11:6

Киртінізі чох кізілернің пірдеезі Худайның кӧңніне кірбес. Худайзар килчеткен кізілер Аның парына паза Худайны тілепчеткеннер Ағаа сыйыхтадарларына ізенерге киректер.

Еврейлерге 12:25

Кӧріңер зе, сірерзер айланчатхан Худайдаң тӧдір полбаңар. Худайның пу чирдегі чахығларын чоохтапчатхан Моисейні истерге хынмаан кізілер хатығлас чох халбааннар. Піс тее, тигірдең чоохтапчатхан Худайны испезебіс, улам хызааннадарбыс.

2 Петрның 1:19

Пісте ідӧк ухаанҷыларның сын киречілезі пар. Сірер, ол сӧсті хығырып, чӱрекке алчатсаңар, чахсы итчезер. Кӱн чарии сустал киліп, чӱректеріңде иртенгі чылтыс ӧӧрлебіспеенҷе, ол сӧс сірерге харасхыдағы чарытхы осхас полар.

Иуданың 1:5

Сірер мыны пілчеткен дее ползар, мин аны сағыстарыңа хатап кирерім килче: Хан Худай Позының чонын, арачылап, Египеттең сығарған, анаң, тізең, киртініс чох полғаннарын чох ит салған.