Ефестегілерге 5:4 - Наа Молҷағ

⁴ Хырызынарға даа, тілге пызып, кізее кӱлген чіли чоохтанарға даа сірерге киліспинче. Іди идер орнына, Худайны алғыстап турыңар.

Ефестегілерге 5:4 ပူးပေါင်းရင်းမြစ်များ

Марк 7:22

оралыс, чабдыланыс, хыртыс, алаахтырыс, істі чохтаныс, Худайға тоғырланыс, атааннас, кӧкеесімненіс, чӧнгені –

Иоанн 6:23

Олох туста пасха кимелер, Тивериад саардаң киліп, Хан-пиг Худайны халас ӱчӱн алғыстаан паза чон азыранған чирнің хыринда турыбысханнар.

Римдегілерге 1:28

Худайны пілерге сағыс тутпааннарынаңар, Худай оларны ардап парған сағыстарына пир салған – тӱӱлістіг нимелер идерге.

2 Коринфтегілерге 1:11

Сірер, пазырып, піске матап полысчазар нооза. Худай, кӧп кізінің пістің ӱчӱн пазырғанын истіп, пісті ал халған. Аның ӱчӱн кӧп кізі Худайны алғыстаан.

2 Коринфтегілерге 9:15

Худайның чоохтап таа полбас сыйыхтарының ӱчӱн Ағаа алғыс ползын.

Ефестегілерге 1:16

пазырыстарымда сірерні сағысха киріп, Худайны сірернің ӱчӱн полған на сай алғыстапчам.

Ефестегілерге 4:29

Ахсыңардаң пір дее хомай сӧс сыхпазын. Сірерні исчеткен кізілерге чахсы ползын тіп, киртініске ӱгредерге полысчатхан сӧстерні ле чоохтап турыңар.

Филипптегілерге 4:6

Пір дее нимее сағыссырабаңар. Че пазырчатсаңар, сурынчатсаңар, кӧңніңерні алғыстаснаң Худайға ас пир турыңар.

Колоссадағыларға 3:8

Амды прай пу нимені хыйа идіңер: ӧкпеленісті, хазырланысты, чабалланысты, хырызынысты, ээн-аастанысты.

1 Фессалониктегілерге 3:9

Сірернің ӱчӱн, Худайыбыс алнында сірер пирчеткен ӧрінізібіс ӱчӱн піс Худайны хайди алғаҷаң поларбыс?

1 Фессалониктегілерге 5:18

прай нименің ӱчӱн алғаңар: Христос Иисусха киртінчеткен ползаңар, Худайның сірерге андағ кӧңні.

Филимонға 1:8

Христостың сылтаанда мин кӧні кізі полып, сині идер нимеңні иттірерҷікпін.

Еврейлерге 13:15

Иисустың пастыра Худайны сыбыра сабландырааңар. Піс Худайның адын саблирбыс. Анзы аастаң сыххан пістің тайиибыс полар.

2 Петрның 2:18

Чой ӱгретчілернің чоохтары кӧкеесім, сӧстері, тізең, тик. Олар астых чӧрген кізілердең наа ла азырылып, сын чолға сыхчатхан кізілерні, ит-хан хыҷыхтаныстарына салынарға кӧӧктіріп, посха тартып алчалар.

2 Петрның 2:7

Ол саарларның пірсінде чуртаан арығ чӱректіг Лот тіп кізі чонның сайбахтығ чуртазына кӧре ле майыхчаң. Аннаңар Худай аны арачылап халған.

Иуданың 1:10

Пу кізілер постары пілбинчеткен нимені хырысчалар. Аңнар чіли, нимені пілінмин итчелер, пос постарын чох иттірерлеріне ағылчалар.

Иуданың 1:13

Оларның уйадыстығ киректері, хазыр талай салғағының ӱстӱнде чайхалчатхан кӧбігі чіли, харахха іле кӧрінчелер. Олар орыннарын тастаан чылтыстар. Худай андағ чылтыстарға харасхының тӱбінде хаҷанға даа орын тимнеп салған.