Ефестегілерге 5:3 - Наа Молҷағ

³ Сірер ах-арығ кізілер полчазар, аннаңар чӧреес хылыхтар, арығ нимес киректер паза чабдыланыс сірернің чоохтарыңда даа чох поларға кирек.

Ефестегілерге 5:3 ပူးပေါင်းရင်းမြစ်များ

Матфей 15:19

Чабал сағыстар, ӧдірері, оралызары, чӧреес хылыхтары, оғырлиры, чой киречілирі, сӧклирі чӱректең сыхчалар нооза.

Лука 12:15

Анаң оларның прайзына теен: – Кӧріңер, азымахчы полардаң китеніңер. Кізінің чуртазы ис-пайының кӧбінең полбинча.

Лука 16:14

Ахчаа хынаачы фарисейлер дее анзын прай искеннер, аннаңар олар Иисусха хатхырғаннар.

Илҷілернің 15:20

Че оларға піди пас пирерге кирек – чой худайларға салылған чиисті чібеске, чӧреес хылыхтығ полбасха, поо пазылған малның идін чібеске паза ханны іспеске, постары хынминчатхан нимелерні пасхаларына итпеске.

Илҷілернің 20:33

Мин пірдееңердең кӱмӱс тее, алтын даа, кип-азах таа аларға сағынмаам.

Римдегілерге 1:29

Олар сын нимес нимее, оралысха, кӧйтіктеніске, чаптанысха, чабалланысха, істі чохтанысха, ӧдіріске, тартысха, чойланысха, чабал хылыхха, пат парғаннар.

Римдегілерге 16:2

Аны ах-арығларға турыстыра удурлаңар. Анзын Хан-пиге идіңер. Сірерде пірее ниме кирексінчетсе, хабас пиріңер. Ол даа кӧп кізее, мағаа позыма даа хабасчаң нооза.

Римдегілерге 6:13

Идіңернің чардыхтарын пірдеезін чазыхтың ӱлгӱзіне пирбеңер, чабалның тириине айландырбаңар. Ӧліглердең тіріл парған постарыңны, сынның тирии идіп, Худайның ӱлгӱзіне пир салыңар.

1 Коринфтегілерге 10:8

Оларның піреелері оралысхан чіли оралыспаңар. Олар, оралысханнаңар, пір кӱнде чибіргі ӱс муң хырыл парғаннар.

1 Коринфтегілерге 5:1

Сірернің араңарда чӧреес хылых кірібіскеннеңер сын чоох пар. Ағаа хоза, Худайы чохтар аразында даа полбинчатхан нимені итче одырзар: кем-де ипчізі орнына пабазының ипчізінең полча одыр.

1 Коринфтегілерге 6:13

Чиис – хурсахха, хурсах таа – чииске. Че Худай анзын даа, мынзын даа чох ит салар. Кізі иді-ханы чӧреес хылыхха салылбаан, че Хан-пиге. Хан-пиг, тізең, кізі иді-ханынаңар сағыссырир.

1 Коринфтегілерге 6:18

Чӧреес хылыхтығ кізідең тис чӧріңер: кізі итчеткен ноо даа чазых иді-ханына теңминче. Чӧреес хылыхтығ полғаны, тізең, кізінің позының иді-ханынаң тоғыр чазых иткені полча.

2 Коринфтегілерге 12:21

Мин хатап килзем, Худайым, сірернің хайди полчатханнарыңны кӧзідіп, мині уйатха сухчаң полбазын. Алында чазых иткен паза арығ нимес хылынған, чӧреес, уйат пілбин тудынғаннарына Худайның алнында пыросынминчатхан кізілердеңер ылғирға киліс парҷаң полбазын.

Ефестегілерге 5:12

Харасхыдағы кізілернің харанға итчеткен киректерінеңер чоохтирға даа уйадыстығ.

Ефестегілерге 5:5

Мынзын піліңер: оралысхахтарға, кізі уйадыстығ хылынчатханнарға алай харам кізілерге Христостың паза Худайның хан-чирінде орын чоғыл. Харам кізілер пасха худайларға пазырчатхан кізілердең пір дее пасха ниместер нооза.

Филипптегілерге 1:27

Итсе, Христостың Чахсы Хабарына турыстыра чуртаңар. Мин, киліп, сірерні кӧрзем, алай саңай даа килбезем, сірер пір сағыстығ, пір кӧңніліг полчатханнарыңны, Чахсы Хабардаң килчеткен киртіністің ӱчӱн хада-пірге кӱресчеткеннеріңні истерім килче.

Колоссадағыларға 3:5

Аның ӱчӱн постарыңның пу чирдегі ит-ханыңарны ӧлдірібізіңер: чӧреес хылыхтарны, арығ нимес киректерні, хыҷыхты, чабал хынығыстарны, чабдыланысты. Чабдыланыс ол чой худайларға пазырынғаны полча.

1 Фессалониктегілерге 4:3

Худай кӧңні андағ: ах-арығ чуртас чуртирға, чӧреес хылыхха пастырбасха.

1 Фессалониктегілерге 4:7

Худай сірерні кір-похсахха пастырбасха, ах-арығ чуртирға хығырған.

1 Тимофейге 2:10

че Худайны улуғлап тудынчатхан ипчілерге килістіре киректернең постарын чазазыннар.

1 Тимофейге 3:3

ізеечі нимес, холын пос салбас, тімелбес, чаптанмас, че амыр, тартыспас, ахчаа чабдыланмас поларға кирек.

1 Тимофейге 6:10

Тооза чабал нименің ӧзені ахчаа сабылғаны полча. Ағаа салынғаннарның хайзылары киртіністең хыйа парыбысханнар паза постарын кӧп чобағларға кир салғаннар

2 Тимофейге 3:2

Кізілер улуғ кӧӧліг, ахчаа сабылған, улуғсырхаас, кӧкеесім, чабал тілліг, іҷе-пабаның чооғын испес, алғыстирын пілбес, Худайны улуғлабас, ынағ нимес,

Титке 1:11

Андағларның аастарын чабарға кирек: арығ нимес парыс алар ӱчӱн чарабас нимее ӱгредіп, олар пӱкӱл иблерні сайбап салчалар.

Титке 1:7

Тигірибнің устағҷызы, Худай ибінің пӱдірігҷізі полчатханнаңар, пырозы чох поларға кирек. Хазыр нимес, табырах ӧкпеліг нимес, ізеечі нимес, кізее хол теертпес, чабды нимес,

Титке 2:3

Инейлер ідӧк, ах-арығларның оңдайынҷа тудынарға киректер, хоп чайбасха, іскее сабылбасха, чахсаа ӱгредерге.

Еврейлерге 12:16

Араңарда чӧреечі алай Худайны улуғлабинчатхан кізі пол парбазын. Исав осхас кізілер пір азырал ӱчӱн улуғ оолның ӱлӱзін орнастырыбызарға тимделер.

1 Петрның 5:2

Худайның ӧӧрін хадарыңар. Олардаңар, ирік чохтаң на нимес, пос кӧңнінҷе Худай хынар иде сағыссыраңар. Анзын, посха хараспин, хынып идіңер.

2 Петрның 2:10

Пу чарғы кӱні улам ит-ханның кірліг хыҷыхтаныстарына салынчатхан паза Худай ӱлгӱзінең хыйа полчатхан кізілерні сағыпча. Андағ чой ӱгретчілер иртінчелер, ниме хынза, аны итчелер. Олар сабланыстығ ангеллерні дее, нимее салбин, сӧклепчелер.

2 Петрның 2:14

Чой ӱгретчілер чӧреечі ипчілерзер ле кӧрчелер, чазыхха тартыларға хаҷан даа тооспастар. Олар нымзах хылыхтығ кізілерні постарына тартып алчалар. Чой ӱгретчілернің чӱректері чабы поларға ӱгрен парғаннар. Че Худай оларны харғап салған.

2 Петрның 2:3

Хыҷыхтарын хандырар ӱчӱн, ол чой ӱгретчілер сірердең парыстанып, постары сағын тапхан чой ниме чоохтирлар. Оларға чарғы сығарыл парған. Оларның ӧлерлері чағын.

Азых чоох 2:14

Че сірердең тоғыр кӧмес чооғым парох. Сірернің араңарда ухаанҷы Валаамның ӱгредиинҷе парчатхан кізілер парлар. Хаҷан-да, Валаамның ӱгредиине тӧстеніп, Валак хан Израильнің чонын чазых чуртасха кирген. Іди ол чон, пасха худайларға салылған тайығ чиизін чіп, оралызып, ай пораан чуртаан.

Азых чоох 2:21

Мин ағаа чӧреечі хылиин тастирға тус пиргем, че ол пыросынарға хынминча.

Азых чоох 21:8

Че хортыхтарға, киртініс чохтарға, чабал хылыхтығларға, кізі ӧдірчеткеннерге, оралысхахтарға, сыбырағҷыларға, сын нимес худайларға пазырчатханнарға паза прай чойларға кӧйчеткен сералығ кӧлде орын полар. Мынзы – ікінҷі ӧлім.

Азых чоох 22:15

Саар тастында адайлар, сыбырағҷылар, оралысхахтар, ӧдірігҷілер, тайма худайларға пазырчатханнар, чой ниме идерге хынчатхан паза итчеткен полған на кізі халарлар. –

Азых чоох 9:21

Ол кізілер кізі ӧдірерін, сыбырағ, тӧлкі киректерін, чӧреечі хылыхтарын паза оғырлирын тастабааннар.