Ефестегілерге 4:4 - Наа Молҷағ

⁴ Пар пір ит-хан паза пір Хут, сах ідӧк Худай сірерні хығырған пір ізеніс,

Ефестегілерге 4:4 ပူးပေါင်းရင်းမြစ်များ

Матфей 28:19

Парыңар, прай чоннарны Пабаның, Оолғының паза Худай Худының адынаң кіреске тӱзіріп, Мин сірерге идерге чахаан нимелерні толдырарға ӱгредіп, оларны Минің ӱгренҷілерім ит салыңар. Прай кӱннерде, тӱгенҷі тус тоозылғанҷа, Мин сірернең хадабын. Аминь.

Илҷілернің 15:11

Че піс оларох чіли Хан-пигібіс Иисус Христостың паарсазынаң арачылан халарыбысха киртінчебіс.

Римдегілерге 11:29

Худай сыйыхтарын нандыра албинча паза таллаанынаң тӧдірленминче.

1 Коринфтегілерге 10:17

Халас пір, піс тее, кӧп кізі, пір ит-ханмыс. Пір халаснаң піріктірілчебіс нооза.

1 Коринфтегілерге 12:20

Ам, тізең, чӱллер кӧп, че ит-хан пір.

2 Коринфтегілерге 11:4

Сірерзер піреезі киліп, піс ӱгретпеен Иисустаңар ӱгретчетселер, пістең албаан хутты ағылчатсалар алай пірее пасха «чахсы хабарнаң» килчетселер, сірер оларны кӧңнілеріңе алчазар.

Ефестегілерге 1:18

Худай сірернің чӱректеріңні чарыт пирзін тіп сурынчам. Чарыт пирзе, сірерге Худай пирген ізеністі піліп аларҷыхсар. Ах-арығ кізілеріне пирер хайхастығ молҷағларының хайдағ полчатханын паза

Ефестегілерге 2:16

Кіресте ӧлім алып, ыырласты чох иткен. Іди ол ікӧлеңні пір ит-ханда Худайнаң чарастыр салған.

Ефестегілерге 2:18

Аннаңар Христостың пастыра прайзыбыс, иудейлер дее, пасха даа чоннар, пір Хуттығ полып, Пабабысха чағын кір поларбыс.

Ефестегілерге 2:22

Христоснаң пірігіп, сірер дее пӱтчезер, анаң Худай Худы пастыра Худайның чуртына айлан парчазар.

Ефестегілерге 4:1

Амды мин, Хан-пигібіс ӱчӱн харибде одырчатхан кізі, сірердең «Худай кізілері полып, Худай хығырған нимее турыстығ полыңар» тіп, алданчам.

Ефестегілерге 5:30

Піс, тізең, Христостың ит-сӧӧгінің чардыхтары полчабыс, Аның иді-ханынаңмыс, Аның сӧӧктерінеңміс нооза.

Колоссадағыларға 1:5

Сірерге тигірде тимнел парған нимее ізенчезер нооза. Сірер анзынаңар Чахсы Хабарның сын сӧзінде искезер.

Колоссадағыларға 3:15

Худайның пирчеткен амыры сірернің чӱрееңерні устазын. Ағаа сірер, пір ит-ханнығ пол парып, хығыртылғазар. Алғыстығ полыңар.

2 Фессалониктегілерге 2:16

Позы Хан-пигібіс Иисус Христос, тізең, паза піске хынчатхан, паарсасха толынчатхан, хаҷанға даа пісті ӱтеерт салған, ізеніс пирчеткен Худай Пабабыс

1 Тимофейге 1:1

Мин, Павел, Худай Арачылағҷыбыстың паза ізенізібіс Христос Иисус Хан-пигібістің чахааны хоостыра Христос Иисустың илҷізіне турғызылғам.

Титке 1:2

Минің ӱгредиим мӧгі чуртасха ізеніс пирче. Пу чуртасты чойны пілбес Худай тустар пасталғалаххаох молҷаан.

1 Петрның 1:21

Аннаң пастыра сірер Худайға киртін парғазар. Худайға киртініс паза ізеніс аларларың ӱчӱн, Худай, Аны тірілдіріп, Ағаа сабланыс пирген.

1 Иоанның 3:3

Пу нимее ізенчеткен полған на кізі позы даа Иисус Христос осхас ах-арығ полып одырча.