Ефестегілерге 2:3 - Наа Молҷағ

³ Алында піс тее оларның санында полғабыс, піс тее прайзыбыс, аймах-пасха чабал нимелерге тартылып, ит-сӧӧгібістің паза кӧңні-сағызыбыстың хынчатхан нимелерін не идіп, пасхалары чіли чуртаабыс. Оларох чіли, тӧрееннең Худайның чабалланғанын кӧрерге салылғабыс.

Ефестегілерге 2:3 ပူးပေါင်းရင်းမြစ်များ

Марк 4:19

Че кӱн сағыссырастарына пастырғаны, ис-пайға чабдыланғаны, пасха даа хыҷыхтары сӧсті пас парыбысчалар, ол ниміс пирбинче.

Иоанн 1:13

Худай палалары олаңай паба-іҷедең не нимес, че Худайдаң тӧридірлер.

Иоанн 8:44

Пабаңар сайтан, сірер аның кӧңніне кірчеткен нимелерні толдырарға тимдезер. Ол прай ниме наа ла чайалчатхан тустардох кізі ӧдіреечі полған паза, аның чӱреенде Сын чох полғаннаңар, ол Сынның саринда халбаан. Ол чойланчатса, ол ӧӧн позынаң чоохтанча. Ол чой паза чойның пабазы.

Илҷілернің 14:16

Худай мының алнында прай чоннарға пос оңдайынҷа чуртирға чаратхан.

Римдегілерге 1:24

Оларның чӱректерінің хыҷыхтаныстары тохтабааннар. Аннаңар Худай оларны постарының чазыхтарына артыс салған. Олар постарыох ит-ханнарын уйатха сухханнар.

Римдегілерге 11:30

Сірер дее тузында Худайның чооғын испеен полғазар. Амды, тізең, оларның чоох испееннерінің ӱчӱн, Худай сірерні айап пирген.

Римдегілерге 13:14

Хан-пигібіс Иисус Христос Позы сірерге хуйах ползын. Иді-ханыңардаңар сағыссырасты хыҷыхтаныстарға айландырбаңар.

Римдегілерге 2:14

Пасха чоннарның чахығлары чоғыл, че чир-тӧрееннең чахығ хоостыра орта итчеткеннерінеңер, чахығлары чох таа полза, олар пос постарына чахығ полчалар.

Римдегілерге 5:10

Піс Худайнаң ыырласхан туста Ол піснең Позының Оолғының ӧлімінең пастыра чарас салған. Ам, тізең, чарас салғаныбыста, Аның чуртазы пастыра улам арачылан поларбыс.

Римдегілерге 5:9

Амды піс Христостың ӧлімінең ахтанып алып, Худайның чарғызынаң Аның пастыра улам озып аларбыс.

Римдегілерге 6:12

Аннаңар ӧлҷең иді-ханыңарда чазых ӱлгӱ тутпазын, аның хынығыстарынҷа полбаңар.

Римдегілерге 7:18

Минде, иді-ханымда, чахсы ниме чоғын пілчем: чахсы ниме идерім килче, че ит полбинчам.

Римдегілерге 9:22

Худай Позының ӧкпезін читірерге паза Позының кӱзін кӧзідерге хынған. Аның ӧкпезін туттырған паза ӧлімге турыстығ кізілерні айап, Ол ӱр сыдасхан.

1 Коринфтегілерге 4:7

Синің пасхаларынаң нимең артыхтыр? Син албаан ниме пар ба? Алғанда, тізең, албаан чіли, нимее махтан чӧрзің.

2 Коринфтегілерге 7:1

Ол оңдайнаң, хынғаннарым, андағ сӧс пиріл парғанда, ит-ханыбыста паза худыбыста пар чабал нимедең арығланып алааңар. Ол оңдайнаң, Худайдаң хорығып ала, пӱкӱле ах-арығ полыбызыңар.

Галат чиріндегілерге 3:22

Че Худай Пічии прайзын чазыхтығ тіп чарлаан. Аннаңар Худай молҷаа Иисус Христосха киртініс пастыра киртінчеткеннерге пирілче.

Ефестегілерге 2:2

Хаҷан-да сірер, пу чир ӱстӱндегілернің чабал чолларынҷа парып, чир ӱстӱнде ӱлгӱ тутчатхан кнестің кӧңнінҷе полғазар. Ол ам даа Худайның чооғын испинчеткен кізілерні толғап парча.

Ефестегілерге 4:22

Алындағы чуртаста оралысхах полып сірер постарыңны ардатхазар. Аннаңар, иргі чуртас кибірлерін хыйа тастап,

Колоссадағыларға 1:21

Сірерні дее ідӧк чарастыр салған. Алында сірер Худайдаң оортах турғазар, Аның ыырҷызы полғазар. Сірернің сағыстарың чабал киректерге айлан парған полған.

1 Фессалониктегілерге 4:13

Харындастар! Сірер, ізеніс чох кізілер чіли, чобалбас ӱчӱн, киртіністе ӱреен кізілернең ниме поларын пілзіннер тіп сағынчам.

1 Фессалониктегілерге 5:6

Аннаңар піс, киртінізі чохтар чіли, узуғлабааңар, че тимніг, сах чӧрееңер.

1 Тимофейге 6:9

Пайирға кӱстенчеткен кізі хыҷаланысха пирінче. Ол чабал, тузазы чох, ӱреге кирчеткен хынығыстар хахпанына хаптырча.

Титке 3:3

Хаҷан-да піс тее, ырах сағынмин, сӧс испин, астых чӧрген полғабыс. Хыҷаланыстарға, чуртас хыниина салынған хуллар полғабыс, чабалласта, істі чохтаныста, удур-тӧдір хырт кӧрізіп чуртаабыс.

1 Петрның 1:14

Чоох истеечі палалар осхас полыңар. Ит-хан ойнастарына тартылбаңар. Сірер Иисустаңар Чахсы Хабарны пілбееннеңер анзына сабыл турғазар.

2 Петрның 2:14

Чой ӱгретчілер чӧреечі ипчілерзер ле кӧрчелер, чазыхха тартыларға хаҷан даа тооспастар. Олар нымзах хылыхтығ кізілерні постарына тартып алчалар. Чой ӱгретчілернің чӱректері чабы поларға ӱгрен парғаннар. Че Худай оларны харғап салған.

2 Петрның 2:18

Чой ӱгретчілернің чоохтары кӧкеесім, сӧстері, тізең, тик. Олар астых чӧрген кізілердең наа ла азырылып, сын чолға сыхчатхан кізілерні, ит-хан хыҷыхтаныстарына салынарға кӧӧктіріп, посха тартып алчалар.

1 Иоанның 2:16

Чир-чалбахтағы нимелер: кізінің прай нимее хыҷыхтанғаны, тоспас харах полғаны, ӱлгее паза пайға поғдархааны Пабадаң ниместер, че чир-чалбахтилар.

1 Иоанның 2:8

Че мин пасчатхан чахығ наа чахығ полыбохча. Пу чахығ Иисус Христостың паза сірернің чуртазыңарда сыннаң пар. Аннаңар харасхы иртче, аның орнына сын чарых чарытча.