Ефестегілерге 2:1 - Наа Молҷағ

¹ Алында, сірер Худай сӧзін испееннеңер паза чазыхтарың ӱчӱн, істіңер ӧліг полған.

Ефестегілерге 2:1 ပူးပေါင်းရင်းမြစ်များ

Матфей 8:22

Че Иисус ағаа теен: – Син Минің соомҷа пар. Ӧліглер ӧліглерін постары чығзыннар.

Лука 15:24

Минің оолғым ӧліг полған, амды тіріл килді, чіт парған полған, амды табылды». Анаң кӱлеттеп сыхханнар.

Лука 15:32

че харындазыңның, ӧліг полып, тіріл килгеніне, чіт парып, табылғанына ӧрініп, кӱлеттирге кирекпіс».

Иоанн 10:10

Оғыр пір ле нимее килче: оғырлирға, ӧдірерге паза ӱредерге. Мин, тізең, кізілер чуртастығ, толдыра чуртастығ ползыннар тіп, килгем.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Иоанн 5:21

Хайди Пабазы ӧліглерге, тірілдіріп, чуртас пирче, Оолғы даа, кемге пирерге хынза, ағаа чуртас пирче.

Иоанн 5:25

Сынны сірерге чоохтапчам, ӧліглернің Худай Оолғының ӱнін исчең, паза, аны истіп, тіріл килҷең тус чағдап одыр, ол чит тее килді полар.

Римдегілерге 8:2

Христос Иисустың пастыра чуртасты пирчеткен Худай Худының чахии мині чазыхтың паза ӧлімнің ӱлгӱзінең позытхан.

1 Коринфтегілерге 15:45

Худай Пічиинде пазылых: пастағы кізі Адам чуртапчатхан тын полған, тӱгенҷі Адам, тізең, тірілдірчеткен хут полча.

2 Коринфтегілерге 5:14

Христостың хынызына хаптырт салған кізі піди сағынча: Христос прайзының ӱчӱн ӧл парғаннаңар, прайзы Аннаң хада ӧл парған.

Ефестегілерге 4:18

Оларның сағыстары пӱлестел парған. Олар, хыйғалары читпинчеткеннеңер, чӱректері, тізең, хатығдаңар, Худай пирчеткен чуртастаң тастых чуртапчалар.

Ефестегілерге 5:14

Аннаңар тидірлер: «Тур, узупчатхан кізі, ӧлімнең тіріл кил, сині Христос чарыдыбызар».

Колоссадағыларға 2:13

Сірер чазыхтарда чуртааннарыңда, Молҷағны пілбинчеткен, Худайы чох, істіңер ӧліг кізілер полғазар. Худай, тізең, сірерні Христоснаң хада тірілдірібіскен. Піске прай чазыхтарыбысты позыдып,

1 Тимофейге 5:6

Чуртас хынығыстарына тартылған чалғыс ипчі, тізең, изен дее чӧрзе, ӧлігдең пасха нимес.

1 Иоанның 3:14

Піс ӧліг нимеспіс, тірігбіс. Анзын піс харындастарыбысха хынчатханыбыстаң пілчебіс. Харындазына хынминчатхан кізі ӧлім холында полча.

Азых чоох 3:1

«Сардистегі тигірибнің ангеліне пас пир: Худайның читі худын паза читі чылтысты тутчатхан Иисус піди чоохтапча: Мин сірернің киректеріңні пілчем. Сірердеңер тіріглер тіп чоохтасчалар, че сірер ӧлігзер.