Ефестегілерге 1:4 - Наа Молҷағ

⁴ Тилекейні чайап салар алнындох, Ол пісті, Христостағыларны, хыныста чуртап, Позының алнында ах-арығ, пырозы чох ползыннар тіп таллап алған.

Ефестегілерге 1:4 ပူးပေါင်းရင်းမြစ်များ

Матфей 24:22

Ол кӱннер хызырылбаан ползалар, пір дее тіріг ниме арачылан полбасчых, че таллап алған кізілер ӱчӱн андағ кӱннер хызырыларлар. –

Матфей 24:24

Кӧп чой мессий-христостар паза чой ухаанҷылар сыға саларлар нооза. Оңдай полза, олар, таллап алған кізілерні дее алаахтырып аларға полып, илбек танығлар паза хайхастар идерлер.

Матфей 24:31

Ол чирнің тӧрт пулиинзар Позының ангеллерін чоон табыстығ пырғылығ ызыбызар. Олар Аның таллап алған кізілерін тигірнің пір хыринаң пасха хырина теере чыып аларлар. –

Матфей 25:34

Анаң хан Позынаң оң сариндағыларға чоохтанар: «Минің Пабам алғааннары, киліңер, чир чайалғаннаң сығара сірерге тимнелген хан-чирін алыңар.

Иоанн 10:16

Минің пасха даа хойларым пар, олар пу хазаадаң ниместер. Оларны даа пеер ағыл килерге кирекпін. Олар даа Минің ӱнімні истерлер. Андада пір ӧӧр паза пір Хадарҷы полар.

Иоанн 15:16

Сірер Мині таллап албаазар, Мин сірерні таллап алғам. Сірерні, чонзар парып, мӧгі туза итсіннер тіп турғысхам. Прай пу нимелерні идіп, Минің ӱгренҷілерім ползаңар, Пабамнаң ниме дее сурзаңар, Ол сірерге аны пирер.

Иоанн 17:24

Пабам! Мағаа пирген кізілерің Минің полчатхан чирімде Миннең хада ползыннар тіп сурынчам. Чир-чайаан чайалғалахтох, Мағаа хынғаныңнаңар, Син Мағаа сабланызыңны пиргезің. Пу сабланысты даа оларға кӧзідерге сурынчам.

Илҷілернің 13:48

Аны истіп, иудей ниместер ӧрінгеннер паза Хан Худай сӧзін сабландырғаннар. Мӧгі чуртасха салылғаннарының прайзы киртін сыххан.

Илҷілернің 15:18

Худайға Позының хас-хаҷаннаң итчеткен киректері прайзы пілдістіг.

Илҷілернің 18:10

Мин синнең хадабын, нооза. Пу саарда Минің кізілерім кӧп, аннаңар сағаа пірдеезі хомай итпес.

Римдегілерге 8:33

Худай таллааннарны кем пыролир? Худай оларны ахтапча.

1 Коринфтегілерге 1:8

Хан-пигібіс Иисус Христостың кӱнінде сірер пыро чох полар ӱчӱн, Ол сірерні тӱгенҷізіне теере пик турғыс салар.

Галат чиріндегілерге 5:13

Харындастар, сірер пос хоныхха хығыртыл парғазар. Че, сірернің пос хонииңар кізі хынығыстарына пос салыныбызарға сылтағ пол парбазын. Удур-тӧдір хынызып полызызыңар.

Галат чиріндегілерге 5:22

Худай Худы пирчеткен ниме, тізең, мындағ: хыныс, ӧрініс, амыр хоных, тыстаныс, паарсас, айас, киртініс,

Галат чиріндегілерге 5:6

Христос Иисуснаң хада полчатсабыс, сӱннет иттіргеннің дее, иттірбееннің дее пасхазы чоғыл. Хыныс киректерінең позын кӧзітчеткен киртініс ле кирек.

Ефестегілерге 2:10

Піс Худайның чайап салған кізілерібіс. Чахсы киректер идерге Иисус Христос пастыра чайалғабыс. Ол киректерні Худай піске, толдырыңар тіп, хас-хаҷанох азынада тимнеп пирген.

Ефестегілерге 3:17

Христос чӱрееңерде киртіністерің пастыра ползын тіп, алданчам.

Ефестегілерге 4:2

Постарыңны пазымнығ паза нымзах тудыныңар, тоозылбас тыстаныстығ полыңар. Удур-тӧдір, хыртыстаныспин, хыныс турыңар.

Ефестегілерге 5:2

Хайди Христос, піске хынып, Позының тынын тайыға салып, Худайның кӧңніне кірчеткен тадылығ чыс пол парған, сірер дее ідӧк хыныста чуртаңар.

Ефестегілерге 5:27

Іди Христос Позының сабланыстығ тигірибінің, пір дее кірліг тамҷых чох, тырысхах чох, пасха даа читпестері чох, Позының алнында прай сілиинең, ах-арығ паза пырозы чох турыбызары ӱчӱн кӱстенген.

Филипптегілерге 2:15

Пу чоох испес, сайбах тӧлнің аразында пыро чох, арығ кӧңніліг Худай палалары полыңар. Сірер оларның аразында чарытхы полып чӧрчезер нооза.

Колоссадағыларға 1:22

Амды, тізең, Христостың пу чирдегі иді-сӧӧгі пастыра Худай сірерні Позынаң чарастыр салған. Ол Позының алнында сірерні ах-арығ, пыро чох, пір чігі чох кӧзідерге тіп, Христостың ӧлімінең анзын иткен.

Колоссадағыларға 2:2

Мин, оларның кӧңнілері кӧдірілзін, удур-тӧдір хынызып, пірге тудынзыннар тіп сағынчам нооза. Іди олар, сағыс пайына чидіп, Худай Пабаның Христос полчатхан чазыдын піліп аларлар.

Колоссадағыларға 3:12

Аннаңар, Худайның таллаан чоны чіли, ах-арығлар паза хыныстығлар чіли, килістіре тонаныбызыңар: кізее айаачы, чағбан хылыхтығ, пазымнығ, нымзах, тоозылбас тыстаныстығ пол парыңар.

1 Фессалониктегілерге 3:12

Піс сірерге хайди хынчабыс, андағох хыныснаң Хан-пигібіс сірерні толдырзын паза азындырзын – удур-тӧдір дее, прайзына даа.

1 Фессалониктегілерге 4:7

Худай сірерні кір-похсахха пастырбасха, ах-арығ чуртирға хығырған.

2 Тимофейге 1:9

Худай пісті арачылаан нооза. Ол пістің киректерібіс хоостыра нимес, че Позының кӧңнінең пісті ах-арығ поларға хығыртхан. Ол аны Христос Иисустаң пастыра тус пасталар алнындох пирілген паарсазынаң иткен.

2 Тимофейге 2:10

Аннаңар, талламалары Христос Иисуста арачыланыс табарлары паза мӧгі сабланысха кірерлері ӱчӱн, мин прай сидіктерні сыдас турбын.

2 Тимофейге 2:19

Че тӧзінде салылған Худай тазында мындағ таңма: «Хан Худай Позының чонын пілче» паза «Хан Худайның адын алынған кізінің полғаны ла чой киректең тӧдір пассын».

Иаковтың 2:5

Истіңер зе, хынған харындастарым! Худай тилекейде чохтарны киртініске пай поларға паза Аның хан-чирін ээленерге таллаан нимес пе? Худай ол хан-чирін Позына хынчатханнарға молҷаан нооза.

1 Петрның 1:2

Нимені азынада пӧгінчеткен Худай Паба сірерні, таллап, Худай Худы пастыра ах-арығ иткен. Іди Иисус Христостың сӧзі хоостыра полып, сірер Аның ханынаң арығлаларға таллалғазар. Худайның паарсазы паза амыры сірерде кӧптелзін.

1 Петрның 1:20

тилекей пӱткелектӧк пу толыға салыларынаңар азынада пӧгіл парған полған. Че сірернің ӱчӱн тӱгенҷі туста килібіскен.

1 Петрның 2:9

Сірер, тізең, таллап алған тӧлзер, Хан-пигнің абыстары, ах-арығ чоны полчазар. Сірер Худайның кізілерізер. Сірерні харасхыдаң Позының хайхастығ чариинзар хығыртхан Худай, Аның сабланызын тарадарларың ӱчӱн, сірерні андағ чон ит салған.

2 Петрның 3:14

Хынғаннарым! Ол кӱнні сағып, Худайның алнында арығ кӧңніліг, чазых чох поларға кӱстеніңер. Анынаң чаразып чуртаңар.

1 Иоанның 4:16

Піс, Худайның піске хынчатханын піл салып, ол хынысха киртін сыххабыс. Худай – хыныс. Хыныста чуртапчатхан кізі Худайда, Худай даа ол кізіде поладыр.

Азых чоох 13:8

Чир ӱстӱндегі чуртас пічиине аттары пазылбаан прай кізілер ол аңа пазырарлар. Ол чуртас пічии чир ӱстӱ чайалар алнындох пазыл парған паза тайыға салылған Хурағанни полған.

Азых чоох 17:8

Син кӧрген аң тіріг полған, амды, тізең, ол чоғыл. Тӱрче полза, ол, тӱбі чох чирдең сых киліп, ӧлімге парар. Чир ӱстӱ чайалғандох, пазыл парған чуртас пічиине ады-солалары кірбеен кізілер, аңны кӧр салып, хайхап парарлар. Ол аң тіріг полған, анаң чох пол парған, анаң хатабох сых килер.