Азых чоох 8:3 - Наа Молҷағ

³ Пасха пір ангел, пас киліп, холында алтын кадильница тудын салып, тайығ салҷаң орынның хыринда тур салған. Ағаа прай ах-арығ кізілернің Худайны сабландырчатхан сӧстерінең хада кӧп тадылығ чыстығ от пирілген. Ағаа ол отты ӱлгӱ сіреезінің алнында турчатхан тайығ салҷаң алтын орынзар сал саларға кирек полған.

Азых чоох 8:3 ပူးပေါင်းရင်းမြစ်များ

Лука 1:10

Оттар тамызылғанда, нинҷе пар чон прайзы тасхар пазыр турған.

Римдегілерге 8:34

Кем чарғылир? Пірдеезі. Христос Иисус ӧл парған, че тіріл парған. Ол Худайның оң саринда одырча паза пістің алныбысты алча.

Еврейлерге 7:25

Аннаңар Ол Худайға Позының пастыра килчеткеннерні хаҷан даа арачылап полар. Иисус, олардаңар Худайдаң сурынары ӱчӱн, тӱгенмес хоныхтығ полар.

Еврейлерге 9:4

Анда тадылығ чыстығ отты ӧртеҷең алтын чайындылығ орын полған паза алтын тастылығ сундух турған. Сундухта манналығ алтын ідіс, Ааронның хаҷан-да пӱрленібіскен тайағы паза Молҷағ пазылған чалбах тастар чатханнар.

Азых чоох 10:1

Анаң мин тигірдең тӱсчеткен уғаа кӱстіг ангелні кӧр салғам. Ол позы пулутнаң прай туу тартыл парған полған, аның пазының ӱстӱнде, тізең, тигір хуры чараан. Аның сырайы кӱн осхас, азахтары чалыннап кӧйчеткен ағас осхас полғаннар.

Азых чоох 14:18

Анаң чалыннығ оттың ээзі полчатхан ангел тайығ салҷаң орыннаң сых килген. Ол ангел чітіг пычахтығ ангелге хысхырған: – Чирдегі виноградтарның чистектері пыс парғаннаңар, чітіг пычағың алып, оларны кизібіс.

Азых чоох 5:8

Ол аны алып алғанда, тӧрт аң паза чибіргі тӧрт ах сағал Хурағанның алнында тӱңдере тӱскеннер. Оларның полғанының на холында хомыс паза тадылығ чыстығ оттығ алтын чірче полған. Ол тадылығ чыстығ оттар ах-арығ кізілернің Худайны сабландырчатхан сӧстернең пазырғанын таныхтапчалар.

Азых чоох 6:9

Хураған пизінҷі таңмазын суурыбысханда, тайығ салҷаң орынның алтында Худай сӧзін киречілееннері ӱчӱн ӧдірткен кізілернің хуттарын кӧр салғам.

Азых чоох 7:2

Тіріг Худайның таңмазын тудын салған пасха пір ангелні кӧр салғам. Ол, іскерде чоғар кӧдіріліп ала, чирге паза талайға ӱрег идерге пирілген ӱлгӱліг тӧрт ангелге тыыда хысхырыбысхан: –

Азых чоох 8:4

Ах-арығ кізілернің Худайны сабландырчатхан сӧстерінең хада оттың ызы ангелнің холынаң Худайзар кӧдірілген.

Азых чоох 8:5

Анаң ангел, кадильницаны алып, аны тайығ салҷаң орындағы ізіг кӧстернең толдырып, чир ӱстӱнзер тастабысхан. Андада чир ӱстӱнде табыстар истіліп, тигір кӱзӱреп, чалыннап, чир тітіри тӱскен.

Азых чоох 9:13

Алтынҷы ангел пырғы тартыбысхан. Мин Худайның алнында турчатхан тайығ салҷаң алтын орынның тӧрт мӱӱзі аразынаң сыхчатхан ӱнні ис салғам.