Азых чоох 8:2 - Наа Молҷағ

² Худайның алнында турчатхан читі ангелні кӧр салғам. Ангеллерге читі пырғы пиріл партыр.

Азых чоох 8:2 ပူးပေါင်းရင်းမြစ်များ

Матфей 18:10

Кӧріңер, пу кічіглернің пірдеезін хыйыхтабаңар. Тіпчем сірерге, оларның ангеллері хаҷан даа Тигірдегі Пабамның алнындалар. –

Матфей 24:31

Ол чирнің тӧрт пулиинзар Позының ангеллерін чоон табыстығ пырғылығ ызыбызар. Олар Аның таллап алған кізілерін тигірнің пір хыринаң пасха хырина теере чыып аларлар. –

Лука 1:19

Ангел ағаа нандырған: – Мин Худайның алнында турчатхан Гавриилбін, Ол мині синзер чоохтазарға паза пу чахсы хабарны искірерге ысхан.

Лука 21:36

Че, сыбыра сиргек полып, пазыр чӧріңер, андада, прай полар саайлардаң ос халып, Кізі Оолғының алнында турарзар.

1 Коринфтегілерге 15:52

Кинетін не, харах нууғанҷа, тӱгенҷі пырғы тапсабысса, ӧліглер мӧгі ит-ханнығ турыбызарлар, піс, тізең, алыс парарбыс.

1 Фессалониктегілерге 4:16

Архангел ӱні истіл парза паза Худайның пырғызы тапсабысса, Хан-пигібіс Позы даа тигірдең тӱс килер, Христосха киртініп ӱрееннер пурун тіріл килерлер,

Азых чоох 1:4

Мин, Иоанн, Асий чиріндегі читі тигірибге чолабит ысчам. Полған, полчатхан паза килер Худайдаң, Аның ӱлгӱ сіреезінің алнындағы читі хуттаң, паза сын Киречідең – Иисус Христостаң паарсас паза амыр хоных сірерге ползын. Ол ӧлімнең тірілгеннернің Пастағызы паза чир ӱстӱндегі ханнарның Ханы полча. Ол піске хынған паза Позының ханынаң пісті чазыхтарыбыстаң арығлаан.

Азых чоох 11:15

Читінҷі ангел пырғы тартыбысханда, тигірде ӧтіг ӱннер истіле тӱскеннер: – Чир ӱстӱ ӧӧркі Чайаачыбыстың паза Аның Мессийінің хан-чирі пол парды. Мессий, тізең, хаҷан даа ӱлгӱ тудар!

Азых чоох 15:1

Мин тигірде пасхох илбек паза хайхастығ танығ кӧр салғам: халғанҷы читі чобағны тутчатхан читі ангелні. Худайның ӧкпеленізі тоозылчатханнаңар, олар халғанҷы чобағ полғаннар.

Азых чоох 16:1

Парып, Худайның читі айахтағы ӧкпеленізін чир ӱстӱне тӧгібізіңер! – тіп, читі ангелге храмнаң чоохтанчатхан ӧтіг ӱнні ис салғам.

Азых чоох 8:13

Мында мин тигірҷе пӧзік учухчатхан ангелні кӧр салғам паза аның тыыда хысхырчатханын ис салғам: – Тӱрчедең халғанҷы ӱс ангелнің пырғылары тапсир! Олардаң чир ӱстӱнде чуртапчатхан чоннарға хыйал, хыйал, хыйал!

Азых чоох 8:6

Читі пырғылығ читі ангел пырғы тартарға тимненібіскен.

Азых чоох 9:1

Пизінҷі ангел пырғы тартыбысхан. Мин тигірдең чирзер тӱс парған чылтысты кӧр салғам. Ол чылтысха тӱбі чох чирнің клӱзі пирілген полған.