Азых чоох 7:2 - Наа Молҷағ

² Тіріг Худайның таңмазын тудын салған пасха пір ангелні кӧр салғам. Ол, іскерде чоғар кӧдіріліп ала, чирге паза талайға ӱрег идерге пирілген ӱлгӱліг тӧрт ангелге тыыда хысхырыбысхан: –

Азых чоох 7:2 ပူးပေါင်းရင်းမြစ်များ

Матфей 16:16

Син – Мессий-Христоссың, Тіріг Худайның Оолғызың, – нандырған Симон-Пётр.

Матфей 26:63

Иисус тапсабаан. Анаң улуғ абыс пазох теен: – Тіріг Худайның адынаң чоохтап пир піске, Синзің ме Мессий-Христос, Худай Оолғы?

Иоанн 6:27

Сірер ардап парчатхан чиис ӱчӱн нимес, че мӧгі чуртас пирчеткен чиис ӱчӱн тоғынарға кӱстеніңер. Кізі Оолғы, Ағаа Худай-Пабазы ӱлгӱ пиргеннеңер, ол чиисті сірерге пир полар. –

2 Коринфтегілерге 1:22

Іди Ол, пісті таныхтап, Позының Худын чӱректерібіске пиріп, полар тусха ізеніс пирген.

Ефестегілерге 1:13

Сірер дее, Христостағылар, сын сӧсті – арачыланыстаңар Чахсы Хабарны истіп, Христосха киртінгезер, аннаңар молҷалған Худай Худынаң сірер дее таңмалалғазар.

Ефестегілерге 4:30

Худай Худын хомзындырбаңар. Позып алар кӱннің ӱчӱн сірер ол Хутнаң таныхтал парғазар.

1 Фессалониктегілерге 1:9

Кізілер постары чоохтапчалар, хайди сірер пісті удурлаазар паза хайди чой худайлардаң аар айланып, сын, тіріг Худайның нымысчылары поларға килгезер.

2 Тимофейге 2:19

Че тӧзінде салылған Худай тазында мындағ таңма: «Хан Худай Позының чонын пілче» паза «Хан Худайның адын алынған кізінің полғаны ла чой киректең тӧдір пассын».

Еврейлерге 12:22

Сірер, тізең, Сион тағзар, Тіріг Худайның саарынзар чит килгезер. Сірер кӧп ангеллер полчатхан тигірдегі Иерусалимзер килгезер.

Азых чоох 1:3

Мында пазылған нимелернің толар тузы чағдапча. Аннаңар пу ухаанҷыластың сӧстерін хығырчатхан кізі часкалығ, пу сӧстерні исчеткен, анда пазылған нимелерні толдырчатхан кізілер дее часкалығлар.

Азых чоох 10:1

Анаң мин тигірдең тӱсчеткен уғаа кӱстіг ангелні кӧр салғам. Ол позы пулутнаң прай туу тартыл парған полған, аның пазының ӱстӱнде, тізең, тигір хуры чараан. Аның сырайы кӱн осхас, азахтары чалыннап кӧйчеткен ағас осхас полғаннар.

Азых чоох 10:4

Читі кӱгӱрт кӱзӱреен соонда, мин пазарға тимнен салғам, че тигірдең: «Читі кӱгӱрт искіргенін чазытта тут, аны пічікке паспа», – тіп чоохтанған ӱнні ис салғам.

Азых чоох 16:12

Алтынҷы ангел айағындағы нимені илбек Евфрат суғзар тӧгібіскен. Тӧгібіскендӧк, іскеркідегі ханнарға хуруғ чирҷе чол азылзын тіп, ол суғ соол парған.

Азых чоох 5:2

Мин кӱстіг ангелні кӧр салғам. Ол хысхырып сурған: – Кем, пу таңмаларны суурып, пу пічікті азыбызарға турыстығ?

Азых чоох 8:3

Пасха пір ангел, пас киліп, холында алтын кадильница тудын салып, тайығ салҷаң орынның хыринда тур салған. Ағаа прай ах-арығ кізілернің Худайны сабландырчатхан сӧстерінең хада кӧп тадылығ чыстығ от пирілген. Ағаа ол отты ӱлгӱ сіреезінің алнында турчатхан тайығ салҷаң алтын орынзар сал саларға кирек полған.

Азых чоох 9:14

Ол ӱн пырғы тутчатхан алтынҷы ангелге теен: – Илбек Евфрат суғның хазында палғат салған тӧрт ангелні позыдыбыс!

Азых чоох 9:4

Оларға чирнің кӧк одын, ӧзімін, ағазын ӱредерге чарадылбаан, че хамағында Худай таңмазы чох кізілерні ле сағарға чарадылған.