Азых чоох 4:4 - Наа Молҷағ

⁴ Ол ӱлгӱ сіреезінің ибіре чибіргі тӧрт ӱлгӱ сіреезі. Анда ах кип-азахтығ чибіргі тӧрт ах сағал, пастарына алтын венок кис салып, одырған.

Азых чоох 4:4 ပူးပေါင်းရင်းမြစ်များ

Матфей 19:28

Иисус оларға теен: – Сынны чоохтапчам сірерге: хаҷан Худай прай нимені нааҷылаза, Кізі Оолғы Позының сабланыс ӱлгӱ сіреезіне одырза, сірер дее, Минің соомҷа чӧргеннер, ідӧк он ікі ӱлгӱ сірее одырып, Израильнің он ікі сӧӧгін чарғылирзар.

Лука 22:30

Сірер, Минің хан-чирімде столым кистіне одырып, ізіп чиирзер. Ӱлгӱ сіреелерінде одырып, Израиль чонының он ікі сӧӧгін чарғылирзар.

2 Тимофейге 4:8

Амды мағаа, орта чуртааным ӱчӱн, пу кӱнде Хан-пигібіс, сын Чарғыҷы, пирер сый тимнелче, мағаа ла нимес, че Аның килеріне хынчатханнарға прайзына даа.

Азых чоох 11:16

Худайның алнындағы ӱлгӱ сіреелерінде одырчатхан чибіргі тӧрт ах сағал, тӱңдере тӱзіп, Худайға пазырғаннар.

Азых чоох 14:3

Олар ӱлгӱ сіреезінің, тӧрт аңның паза ах сағалларның алнында наа сарынны сарнапчатханнар. Пу сарынны прай чоннардаң толығ тӧлеп алылған 144 муң кізідең пасха пірдеезі сарнап полбаан.

Азых чоох 19:14

Аның соонҷа ах аттығ, ах паза арығ кип-азахтығ тигір чааҷылары парғаннар.

Азых чоох 19:4

Андада чибіргі тӧрт ах сағал паза тӧрт аң, тӱңдере тӱзіп, ӱлгӱ сіреезінде одырчатхан Худайға пазырғаннар: – Аминь! Аллилуй!

Азых чоох 2:10

Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.

Азых чоох 20:4

Мин ӱлгӱ сіреелерін паза чарғылаҷаң ӱлгӱ пирілген кізілернің анда одырчатханнарын кӧр салғам. Олар, Иисустаңар паза Худай сӧзінеңер киречілееннері ӱчӱн, мойныларын ӱзе саптырған кізілернің хуттары полғаннар. Олар аңа паза аның омазына пазырбааннар, хамахтарына алай холларына аның таңмазын турғыстырбааннар. Олар тіріл килгеннер паза Христоснаң хада пір муң чыл ӱлгӱ тутханнар.

Азых чоох 3:18

Аннаңар чӧп пирчем сірерге Миннең садып аларға: кӧйчеткен отнаң арығлалған алтынны пайир ӱчӱн; ах кип-азахты, кизіп алып, уйадыстығ хуба чалаазыңарны чабар ӱчӱн; имніг сӱрткіні, харахтарыңны сӱртіп, кӧрер ӱчӱн.

Азых чоох 4:10

чибіргі тӧрт ах сағал, ӱлгӱ сіреезінде одырчатхан Худайның алнында, тӱңдере тӱзіп, хаҷан даа тіріг Худайға пазырчалар. Постарының веноктарын, Аның ӱлгӱ сіреезінің алнына салып, чоохтапчалар: –

Азых чоох 4:6

Ӱлгӱ сіреезінің алнында кристалл осхас сӱлейке талай. Ӱлгӱ сіреезінің ортызында паза ибіре тӧрт аң. Аңнарның алныларында паза арғаларында харахтар.

Азых чоох 5:11

Анаң мин ах сағалларның, пайаағы аңнарның паза ӱлгӱ сіреезінің ибіре кӧп ангеллерні кӧргем паза оларның ӱннерін искем. Ангеллернің саны нинҷе-нинҷе муң полған.

Азых чоох 5:14

Анаң тӧрт аң теен: – Аминь! Ах сағаллар, тӱңдере тӱзіп, пазырғаннар.

Азых чоох 5:6

Андада мин ӱлгӱ сіреезінің ортызында турчатхан Хурағанны кӧр салғам. Ол тайыға соғылған малға тӧӧй полған. Ол пайаағы тӧрт аңның паза ах сағалларның аразында турған. Хурағанның читі мӱӱзі паза читі харағы пар полған. Ол харахтар Худайның прай чир ӱстӱне ызылған читі худы полған.

Азых чоох 5:8

Ол аны алып алғанда, тӧрт аң паза чибіргі тӧрт ах сағал Хурағанның алнында тӱңдере тӱскеннер. Оларның полғанының на холында хомыс паза тадылығ чыстығ оттығ алтын чірче полған. Ол тадылығ чыстығ оттар ах-арығ кізілернің Худайны сабландырчатхан сӧстернең пазырғанын таныхтапчалар.

Азых чоох 6:11

Оларның полғанына ла ах узун кӧгенек пирілген. Оларох чіли ӧдірт салар арғыстарының паза харындастарының саны толғанҷа, амырап, кӧмес сахтап аларға чахығ пирілген.

Азых чоох 7:11

Прай ангеллер, ӱлгӱ сіреезінің, ах сағалларның паза тӧрт аңның ибіре турып, ӱлгӱ сіреезінің алнында тӱңдере тӱзіп, Худайға пазырып ала, чоохтан турғаннар: –

Азых чоох 7:9

Анаң кӧрзем, ӱлгӱ сіреезінің паза Хурағанның алнында санап тоосча чох кӧп чон турча. Олар полған на чоннаң, полған на тілдең, полған на сӧӧктең, полған на тӧлдең сыххан кізілер полғаннар. Олар ах кӧгенектіг полғаннар, холларында, тізең, пальма ағастың салааларын тудын салтырлар. Олар тыыда хысхырысханнар: –

Азых чоох 9:7

Ол сарысхалар чааға тимнел парған аттарға тӧӧй полғаннар. Оларның пастарында алтын веноктарға тӧӧй нимелер полғаннар, чӱстері, тізең, кізі сырайлары осхас полғаннар.