Азых чоох 3:4 - Наа Молҷағ

⁴ Че сірернің анда, Сардис саарда, постарының кип-азахтарын кірлебеен кізілер парлар. Олар Миннең хада ах кип-азахтығ чӧрерлер, олар ағаа турыстығлар нооза.

Азых чоох 3:4 ပူးပေါင်းရင်းမြစ်များ

Матфей 10:11

Пірее саарзар алай аалзар килзеңер, парыңар, позыңарға турыстығ кізілерні таап алып, чорыхха сыхханҷа, анда полыңар.

Марк 16:5

Хуюзар кіргеннерінде, оң саринда ах кип кискен чиит оолны кӧр салып, тың хорых парғаннар.

Лука 20:35

Че тіріл киліп, килер чуртасха турыстығ иреннернең ипчілер алыспастар.

Лука 21:36

Че, сыбыра сиргек полып, пазыр чӧріңер, андада, прай полар саайлардаң ос халып, Кізі Оолғының алнында турарзар.

Илҷілернің 1:15

Ана ол кӱннерде Пётр, ӱгренҷілернің аразында турып алып, чоохтанған.

2 Фессалониктегілерге 1:5

Анзы Худайның сын чарғызы килерінеңер киречілепче. Ол чарғыда сірер Худай хан-чиріне турыстығ саналарзар. Ол Худай хан-чирі ӱчӱн сірер сағам ирее кӧрче нооңзар.

Иуданың 1:23

Пасхаларын, чазых итчеткеннері ӱчӱн хорығып, арачылаңар. Чалыннығ оттаң оларны сығара тартыңар, че чазых кірлеен кип-азахтарына теңерге дее хорығыңар.

Азых чоох 1:11

Син ниме кӧрчезің, аны пічікке пас салып, Асий чиріндегі читі тигірибге: Ефес, Смирна, Пергам, Фиатир, Сардис, Филадельф паза Лаодик саарларзар ызыбыс.

Азых чоох 11:13

Олох туста чир тың тітіри тӱскен, саарның онынҷы чардығы иңзеріл парған. Чир тітіреенге читі муңҷа кізі ӧл парған. Пасхалары, тың хорых парып, Тигірнің Худайын саблааннар.

Азых чоох 14:4

Олар постарының чуртастарында, ипчілернең чӧрбин, арығ чуртааннар. Олар, Хураған хайдар парза, андар Аның соонҷа чӧргеннер, Худайның паза Хурағанның тун палалары полып, чирдең толығ тӧлеп алылғаннар.

Азых чоох 19:14

Аның соонҷа ах аттығ, ах паза арығ кип-азахтығ тигір чааҷылары парғаннар.

Азых чоох 19:8

Ол хысха чарых паза арығ кӧгенек пирілген. (Андағ кӧгенек ах-арығ кізілернің орта киректерін таныхтапча!) –

Азых чоох 3:18

Аннаңар чӧп пирчем сірерге Миннең садып аларға: кӧйчеткен отнаң арығлалған алтынны пайир ӱчӱн; ах кип-азахты, кизіп алып, уйадыстығ хуба чалаазыңарны чабар ӱчӱн; имніг сӱрткіні, харахтарыңны сӱртіп, кӧрер ӱчӱн.

Азых чоох 3:5

Чиңісчі ах кип-азахтығ полар, Мин аның адын чуртас пічиинең хаҷан даа сии тартпаспын. Пабамның паза ангеллернің алнында аннаңар киречілирбін.

Азых чоох 4:4

Ол ӱлгӱ сіреезінің ибіре чибіргі тӧрт ӱлгӱ сіреезі. Анда ах кип-азахтығ чибіргі тӧрт ах сағал, пастарына алтын венок кис салып, одырған.

Азых чоох 6:11

Оларның полғанына ла ах узун кӧгенек пирілген. Оларох чіли ӧдірт салар арғыстарының паза харындастарының саны толғанҷа, амырап, кӧмес сахтап аларға чахығ пирілген.

Азых чоох 7:9

Анаң кӧрзем, ӱлгӱ сіреезінің паза Хурағанның алнында санап тоосча чох кӧп чон турча. Олар полған на чоннаң, полған на тілдең, полған на сӧӧктең, полған на тӧлдең сыххан кізілер полғаннар. Олар ах кӧгенектіг полғаннар, холларында, тізең, пальма ағастың салааларын тудын салтырлар. Олар тыыда хысхырысханнар: –