Азых чоох 3:1 - Наа Молҷағ

¹ «Сардистегі тигірибнің ангеліне пас пир: Худайның читі худын паза читі чылтысты тутчатхан Иисус піди чоохтапча: Мин сірернің киректеріңні пілчем. Сірердеңер тіріглер тіп чоохтасчалар, че сірер ӧлігзер.

Азых чоох 3:1 ပူးပေါင်းရင်းမြစ်များ

Лука 15:24

Минің оолғым ӧліг полған, амды тіріл килді, чіт парған полған, амды табылды». Анаң кӱлеттеп сыхханнар.

Лука 15:32

че харындазыңның, ӧліг полып, тіріл килгеніне, чіт парып, табылғанына ӧрініп, кӱлеттирге кирекпіс».

Иоанн 1:16

Анда паарсас толдыра полғаннаңар, піс паарсасты ӱзігі чох алғабыс.

Иоанн 1:33

Мин Аның кем полчатханын пілбеем, че Худай, мині кізілерні суғда кіреске тӱзірерге ызып, теен: «Тигірдең тӱсчеткен Хут Кемде тохтир, Ол, Худай Худын пиріп, пасха оңдайнаң кіреске тӱзірчеткен Кізі полар».

Иоанн 20:22

Іди тіп, Иисус, оларзар алдыра ӱбӱріп, теен: – Худай Худын алыңар!

Иоанн 3:34

Худай Позының Худын синебин пирчеткеннеңер, Худай ысхан Кізі Аның сӧзін чоохтапча.

Илҷілернің 2:33

Ол, Худайның оң саринзар кӧдіріліп, пирерге адалған Худай Худын, Пабазынаң алып, амды, сірер кӧргенни паза искенни, ӱстӱбіске чайыбысты.

Ефестегілерге 2:1

Алында, сірер Худай сӧзін испееннеңер паза чазыхтарың ӱчӱн, істіңер ӧліг полған.

Ефестегілерге 2:5

пісті, сайбағларыбыс ӱчӱн ӧліглерні, Христоснаң хада тірілдірген. Аның паарсазы сірерні арачылап халған.

Колоссадағыларға 2:13

Сірер чазыхтарда чуртааннарыңда, Молҷағны пілбинчеткен, Худайы чох, істіңер ӧліг кізілер полғазар. Худай, тізең, сірерні Христоснаң хада тірілдірібіскен. Піске прай чазыхтарыбысты позыдып,

1 Тимофейге 5:6

Чуртас хынығыстарына тартылған чалғыс ипчі, тізең, изен дее чӧрзе, ӧлігдең пасха нимес.

Иаковтың 2:26

Тыны чох ит-сӧӧк ӧліг ниме. Киректері чох киртініс тее ідӧк ӧліг.

1 Петрның 1:11

Ухаанҷы кізілерде полған Христостың Худы Христостың ирееленістерінеңер паза Аның соондағы сабланызынаңар оларға азынада чоохтаан. Олар анзын хаҷан паза хайди поларын істескеннер.

Иуданың 1:12

Сірер хада азыранчатхан чыылығларда олар суғ алтындағы хайалар осхас хорғыстығлар. Чоо сабыныбызарға ӱр нимес. Олар чил сӱр чӧрген, наңмырлары чох пулуттарға, кӱскӱде дее чистек пирбинчеткен, чирдең ходырыл парған ағастарға тӧӧйлер – тірілбеске ӧліглер.

Азых чоох 1:11

Син ниме кӧрчезің, аны пічікке пас салып, Асий чиріндегі читі тигірибге: Ефес, Смирна, Пергам, Фиатир, Сардис, Филадельф паза Лаодик саарларзар ызыбыс.

Азых чоох 1:16

Ол оң холында читі чылтыс тутча паза ікі сари чітіг хылыс Аның ахсынаң сыхча. Аның сырайы кӱнӧрткідегі кӱн чіли чалтырапча.

Азых чоох 1:20

Минің оң холымдағы читі чылтыстың паза читі чарытхының тании мындағ: читі чылтыс – читі тигірибнің ангеллері, син кӧрген читі чарытхы, тізең, читі тигіриб полча.

Азых чоох 1:4

Мин, Иоанн, Асий чиріндегі читі тигірибге чолабит ысчам. Полған, полчатхан паза килер Худайдаң, Аның ӱлгӱ сіреезінің алнындағы читі хуттаң, паза сын Киречідең – Иисус Христостаң паарсас паза амыр хоных сірерге ползын. Ол ӧлімнең тірілгеннернің Пастағызы паза чир ӱстӱндегі ханнарның Ханы полча. Ол піске хынған паза Позының ханынаң пісті чазыхтарыбыстаң арығлаан.

Азых чоох 2:13

Сірернің киректеріңні, сайтанның ӱлгӱ сіреезі полчатхан орында чуртапчатханнарыңны паза Минің алныма ізестіг турысханнарыңны пілчем. Анда, сайтанның чирінде, Минің сын киречім Антипаның ӧдірт салған кӱннерінде дее Мағаа киртінерінең хыйа полбааннарыңны даа пілчем.

Азых чоох 2:19

Сірернің киректеріңні, хынызыңарны, тоғынғаныңарны, киртінізіңерні, прай нимее сыдасханыңарны паза халғанҷы киректерің пастағызынаң кӧп полчатханын пілчем.

Азых чоох 2:2

Сірернің киректеріңні, аар тоғыстарыңны паза сыдасханнарыңны пілчем. Хомай кізілерні кӧр полбинчатханнарыңны, илҷілер тіп аданчатхан кізілерні сыныхтап, оларның чой полчатханнарын ілезіне сығарғаныңарны даа пілчем.

Азых чоох 2:9

Сірернің киректеріңерні, чобааңарны паза хызылчатханыңарны пілчем. Андағ даа полза, сірер пайзар! Постарын иудейге сананчатхан кізілер сірерні хайди сӧклепчеткеннерін дее пілчем. Сынында олар сайтан кізілері.

Азых чоох 3:15

Сірернің киректеріңні пілчем. Сірер соох таа, ізіг дее нимессер. Соох алай ізіг полған ползар, хайдағ чахсы поларҷых.

Азых чоох 3:2

Худайымның алнында сірернің иткен киректеріңнің турыстығ полғанын кӧр таппинчам. Аннаңар сиргек полыңар паза пасхаларына, ӧлімге чағдап парғаннарға, кӱс киріңер.

Азых чоох 3:8

Мин сірернің киректеріңні пілчем. Мына кӧріңер, сірерге ізік ас пиргем, аны пірдеезі чаап полбас. Пілчем, кӱзіңер асхынах, че сірер сӧстерімні хайраллаазар паза Мағаа киртінерінең хыйа полбаазар.

Азых чоох 4:5

Иң ӧӧн ӱлгӱ сіреезінең чалыннар сағылысчатханнар, кӱгӱрт кӱзӱрепчеткен паза табыстар истілчеткеннер. Ӱлгӱ сіреезінің алнында читі чарытхы кӧйче. Ол Худайдаң сыххан читі хут.

Азых чоох 5:6

Андада мин ӱлгӱ сіреезінің ортызында турчатхан Хурағанны кӧр салғам. Ол тайыға соғылған малға тӧӧй полған. Ол пайаағы тӧрт аңның паза ах сағалларның аразында турған. Хурағанның читі мӱӱзі паза читі харағы пар полған. Ол харахтар Худайның прай чир ӱстӱне ызылған читі худы полған.