Азых чоох 2:5 - Наа Молҷағ

⁵ Хайди тӧбін тӱс парғаннарыңны сағысха киріп, пыросыныңар. Пыросынып, пастап иткен киректеріңні идіңер. Іди пыросынмазар, тӱрчедең сірерзер киліп, чарытхыңарны орнынаң хыйа ідібізербін.

Азых чоох 2:5 ပူးပေါင်းရင်းမြစ်များ

Матфей 5:14

Сірер чир ӱстӱнің чариизар. Тағ пазындағы саар чазын пола чоғыл.

Матфей 5:15

Чарытхыны, тамызып алып, ідіс алтына сухпинчалар, че ол турада кізілернің полғанына ла чарир иде кӧріндіре турадыр.

Марк 12:9

Виноградник ээзіне ам хайди поларға? Ол, киліп, виноград ӧскірҷеңнерні ӧдір салып, виноградникті, тізең, пасха кізілернің холына пир салар.

Лука 1:17

Иоанн, Аның алнынҷа килер ухаанҷы, Илияох осхас кӱстіг паза кӱлӱк кӧңніліг: пабаларның чӱректерін палаларынзар айландырар паза сӧс испинчеткеннерні сын чолға кирер, Хан Худайға чонны тимнеп пирер. –

Лука 20:16

Киліп, виноградник ӧскірчеткеннерні ӧдір салып, виноградникті пасха кізілерге кӧрерге пирібізер. Пу чоохты искен кізілер тееннер: – Андағ ниме полбас!

Галат чиріндегілерге 5:4

Сірер, постарыңны чахығнаң ахтанчатханнар, Христос чох халдыңар, паарсастаң чат халдыңар.

Филипптегілерге 2:15

Пу чоох испес, сайбах тӧлнің аразында пыро чох, арығ кӧңніліг Худай палалары полыңар. Сірер оларның аразында чарытхы полып чӧрчезер нооза.

Еврейлерге 10:32

Алындағы тусты сағысха киріңер. Худай чарии сірерге урыл парғанда, сірер, ирее кӧп тее кӧрген ползар, уттырбаазар.

2 Петрның 3:17

Хынғаннарым! Мыны пілчеткеннеріңде, сизініп одырыңар. Андағда сірер Худай ӱлгӱзіне чарадынминчатхан кізілернің алҷаастарына тартыл парыбыспассар паза пик пілістеріңнең хыйыспассар.

Иуданың 1:24

Сірерні киртіністең хыйа парыбызарынаң арачылапчатхан паза Позының сабланызына сірерні ӧріністіг, пір чазых чох ағыл полар Худайны сабландырыңар.

Азых чоох 1:20

Минің оң холымдағы читі чылтыстың паза читі чарытхының тании мындағ: читі чылтыс – читі тигірибнің ангеллері, син кӧрген читі чарытхы, тізең, читі тигіриб полча.

Азых чоох 16:9

Кізілерні сыдасча чох ізіг ӧртеен. Олар, тізең, Худайны сабландырар паза пыросынар орнына, пу чобағларны ысчатхан Худайны харғааннар.

Азых чоох 2:16

Пыросыныңар! Пыросынмазар, Мин, тӱрчедең сірерзер киліп, хылыс осхас тілімнең оларнаң чаалазарбын.

Азых чоох 2:19

Сірернің киректеріңні, хынызыңарны, тоғынғаныңарны, киртінізіңерні, прай нимее сыдасханыңарны паза халғанҷы киректерің пастағызынаң кӧп полчатханын пілчем.

Азых чоох 2:2

Сірернің киректеріңні, аар тоғыстарыңны паза сыдасханнарыңны пілчем. Хомай кізілерні кӧр полбинчатханнарыңны, илҷілер тіп аданчатхан кізілерні сыныхтап, оларның чой полчатханнарын ілезіне сығарғаныңарны даа пілчем.

Азых чоох 3:19

Кемге Мин хынчам, аны, пырозын ілезіне сығарып, хатығлапчам. Аннаңар, кӱстеніп, пыросыныңар.