Азых чоох 2:3 - Наа Молҷағ

³ Сірер сыдас полчазар, Минің адым ӱчӱн кӧп чобағлар кӧргезер, че майыхпаазар.

Азых чоох 2:3 ပူးပေါင်းရင်းမြစ်များ

Марк 15:21

Чазыдаң Киринейдегі Симон, Александрнаң Руфтың пабазы, париған полған. Чааҷылар аны Иисустың кірезін апардырғаннар.

Лука 14:27

Кем, позының кірезін ал чӧрбин, соомҷа ла парча, ағаа Минің ӱгренҷім поларға киліспинче.

Лука 18:1

Анаң Иисус хаҷан даа пазырарға кирек полчатханнаңар паза ізеністі чідірбестеңер кип-чоох чоохтап пирген. –

Лука 21:19

Сыдазыңар, андада тыныңарны арачылап халарзар.

Лука 5:5

Ӱгретчі! Піс, хараа тооза тоғынып, пір дее ниме тут полбаабыс. Че Синің сӧзіңні истіп, сӧзірбелерімні суға тастирбын, – нандырған Иисусха Симон.

Лука 8:15

Чахсы чирге тӱскен ӱреннер, тізең, – Худайның сӧзін истіп, аны чағбан паза арығ чӱректерінде хайраллапчатхан кізілер. Сидіктерге сыдазып, улуғ туза ағылчалар. Іди чоохтап, Иисус піди тоосхан: – Исчең хулаа пар кізі, иссін! –

Иоанн 15:21

Мині Кем ысханын пілбинчеткеннерінеңер, сірер Минің ӱгренҷілерім полчатханнарың ӱчӱн, олар сірерге чабал идерлер.

Римдегілерге 12:12

Ізеніс парда, ӧріністіг полыңар, чобағда тыстаныстығ полыңар, сыбыра пазырчадыңар.

Римдегілерге 16:12

Трифенге паза Трифосха, Хан-пиге прай кӱстерін салып, тоғынчатхан ипчілерге изен. Хан-пиге матап тоғынчатхан хынғаныма, Персидаа, изен читіріңерӧк.

Римдегілерге 2:7

Чахсы киректерінең сабланысты, аарласты, ӧлім пілбес чуртасты сыбыра тілепчеткен кізілерге Худай мӧгі чуртас пирер.

Римдегілерге 8:25

Кӧрінминчеткен нимее ізенчетсебіс, андада тыстанып ала сағыпчабыс.

1 Коринфтегілерге 13:7

Ол ноо даа нимені сыдас парыбазар. Хыныста киртініс, ізеніс паза тыстаныс хаҷан даа иртіспес.

1 Коринфтегілерге 16:16

Оларның чооғын истіңер. Ідӧк оларнаң хада тоғынчатхан паза чӧрінчеткен кізілернің оңдайынҷа полыңар.

2 Коринфтегілерге 10:15

Піс синінең артых махтанмаспыс. Піс кізі тоғызына даа махтанмаспыс. Че сірернің киртінізіңер ӧс парыбысса, пістің тоғыста кирексіністерің дее ӧс парыбызар тіп ізенчебіс.

2 Коринфтегілерге 11:23

Олар Христостың нымысчылары полчалар ба? Мин тискінчеткен дее полим, че Христостың нымызын олардаң артых ла толдырчам тирҷікпін. Мин олардаң кӧп тоғынғам, кӧп палығлатхам, харибде одырғам, кӧп хати ӧлер пазы полғам.

2 Коринфтегілерге 4:1

Аннаңар Худай, піске айап, пу тоғысты пирген, піс, тізең, кӧңнібіс тӱзірбинчебіс.

2 Коринфтегілерге 4:16

Аннаңар піс кӧңнібісті тӱзірбинчебіс. Пістің иді-ханыбыстың кӱзі хорапчатса даа, худыбыс, тізең, кӱннің сай нааҷылалча.

2 Коринфтегілерге 5:9

Аннаңар, хайда даа ползабыс, пу чирдегі алай тигірдегі ит-ханыбыста пістің Хан-пигнің кӧңніне кірерібіс килче.

2 Коринфтегілерге 6:5

Пісті сохханнар, пиктегде тутханнар, ӧмелееннер. Піс ӱзе тоғынғабыс, уйғу-чадын пілбин, чиис чох чуртаабыс.

Галат чиріндегілерге 6:2

Кізінің аар-чӱгін посха артыныңар. Іди сірер Христостың чахиин толдырарзар.

Галат чиріндегілерге 6:9

Чахсы ниме итчетсеңер, кӧңніңер тӱспезін, тузы читсе, кӱзі-саабыс сых парбаза, чыыр нимені чыып аларбыс.

Филипптегілерге 2:16

Сірерге чуртас пирчеткен сӧске тудыныңар. Андада Христос килер кӱнде махтадарым, минің кӱрескенім паза аар тоғынғаным тик полбас.

Филипптегілерге 4:3

Синнең дее, сын хабасчымнаң, сурынчам, полыс пир оларға. Олар миннең, Климентнең паза аттары чуртас киндезіне киріл парған пасха даа тоғынҷыларнаң хада Чахсы Хабарны тарадарында араласханнар.

Колоссадағыларға 1:11

Ноо даа нимеде сыдамах паза тыстаныстығ поларларың ӱчӱн, Худай Позының саблығ кӱзінең сірерні прай нимеде пик ит салзын.

1 Фессалониктегілерге 1:3

Піс Худай Пабабыс алнында пазырып турчатсабыс, киртініс паза хыныс киреенде сірернің кӧп істенгеннеріңні паза Хан-пигібіс Иисус Христосха пик ізеністеріңні сағыста тудадырбыс.

1 Фессалониктегілерге 2:9

Сірер, харындастар, пістің ӱзе тоғынғаныбысты ундубаан поларзар: пірдеезіне аар-чӱк поларға хынмин, хараа-кӱнӧрте тоғынғабыс. Олох туста піс Худайның Чахсы Хабарын сірернің араңарда таратхабыс.

1 Фессалониктегілерге 5:12

Харындастар, сірернің араңарда тоғынчатханнарны, сірернең устапчатханнарны, киртіністе чуртирға ӱгретчеткеннерні улуғлирға алданчабыс.

2 Фессалониктегілерге 3:13

Сірернің, тізең, харындастар, чахсы киректерні итчетсеңер, кӧңніңер тӱспезін.

2 Фессалониктегілерге 3:5

Хан-пигібіс, тізең, чӱрееңерні Худайның хынызынзар паза Христостың тыстанызынзар айландырзын.

2 Фессалониктегілерге 3:8

Піс пірдеезінің халазын тик чібеебіс, пірдееңерге аар-чӱк полбасха тіп, хараа-кӱнӧрте майыхханҷа тоғынғабыс.

1 Тимофейге 4:10

Худайның кӧңнін толдырар ӱчӱн піс тоғын парчабыс паза хыртыстаныстарға тыстанчабыс. Піс аны сын тіріг Худайға, прай кізілернің, улам киртіністіглернің, Арачылағҷызына ізенчеткеннеңер итчебіс.

1 Тимофейге 5:17

Чахсы пастых полчатхан тигіриб ах сағалларына, улам, Худай сӧзін чарыда чоохтап, ӱгретчеткеннерге, ікі анҷа аарлас ползын.

Еврейлерге 10:36

Худайның кӧңнін толдырар паза Ол сірерге молҷаан нимені алар ӱчӱн, тыстаныс кирек.

Еврейлерге 12:1

Прай пу киречі полчатхан, толдыра киртіністіг кізілер пістің ибіре кӧп. Аннаңар, харығ полчатхан нимені хыйа тастап, пісті тутчатхан чазыхтаң позааңар, чарысчатхан чолыбысты ізестіг иртібізееңер.

Еврейлерге 13:13

Саар тастынзар сығааңар паза Ағаа кӧрерге киліскен уйатты хада ӱлезееңер.

Еврейлерге 6:10

Худай саба идер чоғыл. Ол сірернің хайди тоғынғаннарыңны паза Позына хайди хынғаннарыңны ундутпас. Сірер Худайға хынчатханнаңар, пасха ах-арығ кізілерге полысхазар паза полысчазар нооза.

Еврейлерге 6:12

Піс, сірерні арғаастанмазыннар, че киртінчеткен паза прай нимее тыстанчатхан кізілерге кӧӧксіннер тіп, сағынчабыс. Андағ кізілер Худай молҷаан нимені аладырлар.

Еврейлерге 6:15

Авраам, тыстанаачызы ӱчӱн, Худай молҷаан нимее читкен.

2 Петрның 1:6

Піліске посха ээлен поларын, посха ээлен поларына тыстан пілерін, тыстан пілеріне, тізең, Худайны улуғлирын хозыңар.

Азых чоох 1:9

Мин, Иоанн, сірернің харындазыңарбын, Иисус Христосха киртініп, Худайның ӱлгӱзі алтында, чобағларда паза сыдазығда сірернең хадабын. Худай сӧзінеңер паза Иисус Христостаңар киречілеенім ӱчӱн, Патмос олтырыхта ызығда полғам.

Азых чоох 3:10

Сыдамах полыңар тіп пирген чахиимны хайраллааныңар ӱчӱн, Мин дее сірерні сидік сыныхтағ тузынаң хайраллирбын. Ол сыныхтағ, чир ӱстӱндегі чоннарны сыныхтирға тіп, прай тилекейге ызылар.