Азых чоох 17:2 - Наа Молҷағ

² Чир ӱстӱндегі ханнар ол ипчінең оралысханнар паза аның оралысхах арағазын чир ӱстӱнде чуртапчатхан кізілер чоо іскеннер.

Азых чоох 17:2 ပူးပေါင်းရင်းမြစ်များ

Иоанн 2:10

Той итчетсе, кізі пурун чахсы арағаны ӱлепче. Кізілер изір парза ла, хомай арағазын пирче. Син, тізең, чахсы арағаңны, сығарбин, амға теере туттың, – чоохтанча ол.

Азых чоох 14:8

Аның соонҷа ікінҷі ангел учуххан. Ол хысхырған: – Иңзерілген! Иңзерілген илбек Вавилон саар! Ол позының хазыр, чӧреечі, хызыл арағазынаң прай чоннарны суғар салған.

Азых чоох 17:13

Олар, пір пӧгінніг полып, постарының кӱзін, ӱлгӱзін аңа пирібізерлер.

Азых чоох 17:17

Худай Позының кӧңнін, пір ле кӧңнін толдырар сағысты оларның чӱректеріне салған. Худайның сӧзі толғанҷа, олар ханның ӱлгӱзін аңа пирібізерге кирек полғаннар.

Азых чоох 17:5

Ипчінің хамағында чазыт ады-солазы пазыл партыр: «Илбек Вавилон – оралысхах ипчілернің паза чирдегі прай чиркестіг нимелернің инезі».

Азых чоох 17:8

Син кӧрген аң тіріг полған, амды, тізең, ол чоғыл. Тӱрче полза, ол, тӱбі чох чирдең сых киліп, ӧлімге парар. Чир ӱстӱ чайалғандох, пазыл парған чуртас пічиине ады-солалары кірбеен кізілер, аңны кӧр салып, хайхап парарлар. Ол аң тіріг полған, анаң чох пол парған, анаң хатабох сых килер.

Азых чоох 18:23

Синің садығҷыларың чир ӱстӱнің пиглері полғаннар. Прай чоннар синің хайхастығ нимелеріңе чӧндірткеннер, аннаңар синде, илбек саар, чарытхыларның чарыпчатханы паза кӧрінмес, хоных хончатхан чииттернің ӱннері паза истілбес.

Азых чоох 18:3

Чир ӱстӱндегі ханнар аннаң оралысханнар паза аның илбек пайына чир ӱстӱндегі садығҷылар пайааннар.

Азых чоох 18:9

Аннаң хада оралызып паза чырғап чуртаан чир ӱстӱндегі ханнар, аның, кӧйіп, ысталчатханын кӧріп, ағаа ылғазып, сыхтазарлар.

Азых чоох 2:22

Ол ипчінің чолына кіріп, оралыс чӧрген кізілер пыросынмазалар, Мин оларны илбек чобаға кирербін. Ол ипчіні, тізең, чадыға кир саларбын.

Азых чоох 3:10

Сыдамах полыңар тіп пирген чахиимны хайраллааныңар ӱчӱн, Мин дее сірерні сидік сыныхтағ тузынаң хайраллирбын. Ол сыныхтағ, чир ӱстӱндегі чоннарны сыныхтирға тіп, прай тилекейге ызылар.

Азых чоох 9:21

Ол кізілер кізі ӧдірерін, сыбырағ, тӧлкі киректерін, чӧреечі хылыхтарын паза оғырлирын тастабааннар.