Азых чоох 15:3 - Наа Молҷағ

³ Олар Худай нымысчызы Моисейнің паза Хурағанның сарынын сарнапчалар: – Илбек паза хайхастығ Синің иткен киректерің, ӧӧркі Чайаачы, Прай нимедең кӱстіг Худай! Син Ах-арығ кізілеріңнің Ханы! Синің чолларың орта паза сын!

Азых чоох 15:3 ပူးပေါင်းရင်းမြစ်များ

Иоанн 1:17

Моисей Чахиин піске Моисей, Худайдаң алып, пирген, че паарсаснаң сын сӧстерні Иисус Христос пирген нооза.

1 Тимофейге 1:17

Прай чылларның Ханына, ӧлім пілбес, кӧрінмес, чалғыс, прайзынаң хыйға Худайға хаҷан даа сабланыс паза аарлас ползын, аминь.

Еврейлерге 3:5

Моисей, Худайның чонына полызып, киртістіг нымысчы полған. Аның пастыра Худай соонаң полар нимедеңер чарлаан.

Азых чоох 1:8

Мин Альфа паза Омега, пасталғаны паза тоозылғаны полчам, – тіпче полған, полчатхан паза килер ӧӧркі Чайаачы, Прай нимедең кӱстіг Худай.

Азых чоох 11:17

Олар чоохтанғаннар: – Ӧӧркі Чайаачы, Син полған, полчатхан паза килер Прай нимедең кӱстіг Худайыбыссың. Илбек ӱлгӱні алып, Хан полыбысханың ӱчӱн, Сині алғыстапчабыс.

Азых чоох 14:3

Олар ӱлгӱ сіреезінің, тӧрт аңның паза ах сағалларның алнында наа сарынны сарнапчатханнар. Пу сарынны прай чоннардаң толығ тӧлеп алылған 144 муң кізідең пасха пірдеезі сарнап полбаан.

Азых чоох 14:8

Аның соонҷа ікінҷі ангел учуххан. Ол хысхырған: – Иңзерілген! Иңзерілген илбек Вавилон саар! Ол позының хазыр, чӧреечі, хызыл арағазынаң прай чоннарны суғар салған.

Азых чоох 17:14

Олар Хурағаннаң чаалазарлар, че Хураған оларны утып алар. Ол пиглернің Пигі, ханнарның Ханы полча нооза. Аның хығырған паза таллап алған сын чӱректіг кізілері аннаң хадалар.

Азых чоох 19:16

Аның кибінде паза пудында «Ханнарның Ханы паза пиглернің Пигі» тіп пазыл парған.

Азых чоох 4:8

Тӧрт аңның полғанының на ибіре алтылар ханат паза істі-тастында харахтар полғаннар. Ол аңнар хараа-кӱнӧрте тохтабин хысхырысчалар: – Ах-арығ, ах-арығ, ах-арығ ӧӧркі Чайаачы, Прай нимедең кӱстіг Худай! Ол полған, пар паза килер!