Азых чоох 13:2 - Наа Молҷағ

² Мин кӧрген аң чохыр аңа тӧӧй полған. Азахтары абани, ахсы ала парысти осхас полған. Сыр чылан ағаа позының кӱзін, позының ӱлгӱ сіреезін паза позының илбек ӱлгӱзін пирібіскен.

Азых чоох 13:2 ပူးပေါင်းရင်းမြစ်များ

2 Тимофейге 4:17

Хан-пиг, тізең, алным алып, минің пастыра Чахсы Хабар толдыра таразын паза аны пасха худайлығлар парчазы иссін тіп тыытты. Іди мин ала парыстың тістерінең ос халғам.

1 Петрның 5:8

Китеніңер, сизіктіг полыңар. Ыырҷыңар, сайтан, ыыран чӧрчеткен ала парыс чіли, кемні чібізерін тілеп чӧрче.

Азых чоох 12:13

Сыр чылан, позының чирге тастатханын кӧр салып, оолахты тӧріткен ипчіні сӱріс сыххан.

Азых чоох 12:15

Ол ипчіні ағыс парыбызарға тіп, сыр чылан позының ахсынаң ахчатхан суғны позыдыбысхан.

Азых чоох 12:9

Ол илбек сыр чылан – пурунғы чылан полған, аны диавол алай сайтан тіп адапчалар. Прай чир ӱстӱндегі чоннарны алаахтырчатхан сыр чылан позының ангеллерінең хада чирзер тастатхан.

Азых чоох 13:12

Чирдең сыххан аң, талайдаң сыххан аңның прай ӱлгӱзінең тузаланып, аның алнындох хайынча. Прай чир ӱстӱндегілерні, тізең, талайдағы ӧлім палии чазыл парған аңа пазырарға кӱстепче.

Азых чоох 13:4

Олар, ол аңа пазырып, чоохтанғаннар: – Пу аңа тӧӧй пасха тіріг ниме пар ба ни? Кем аннаң харбазарға тідінер?

Азых чоох 16:10

Пизінҷі ангел айағындағы нимені аңның ӱлгӱ сіреезіне тӧгібіскен. Ол аңның чирінде харасхы пол чӧрібіскен. Кізілер, ағырығларына сыдаспин, тіллерін ызырынғаннар.

Азых чоох 17:12

Син кӧрген он мӱӱс постарының ӱлгӱлерін алғалах он хан полча. Че олар аңнаң хада хан-ӱлгӱзін пір часха аларлар.

Азых чоох 19:20

Анаң аң паза чой ухаанҷы туттыр салғаннар. Ол чой ухаанҷы, аңның алнында хайхастар идіп, аңның таңмазын турғыстырып алғаннарны паза аның омазына пазырғаннарны алаахтырған полған. Ол ікӧлең кӧйчеткен сералығ кӧлзер тірігеӧк тастатхан.

Азых чоох 2:13

Сірернің киректеріңні, сайтанның ӱлгӱ сіреезі полчатхан орында чуртапчатханнарыңны паза Минің алныма ізестіг турысханнарыңны пілчем. Анда, сайтанның чирінде, Минің сын киречім Антипаның ӧдірт салған кӱннерінде дее Мағаа киртінерінең хыйа полбааннарыңны даа пілчем.

Азых чоох 20:2

Ол ангел диавол паза сайтан полчатхан сыр чыланны, пурунғы чыланны, пір муң чылға ілҷірбее палғап салған.