Азых чоох 12:3 - Наа Молҷағ

³ Анаң тигірде пасхох танығ кӧрін килген – читі пастығ, он мӱӱстіг паза пастарында читі короналығ улуғ хызыл сыр чылан

Азых чоох 12:3 ပူးပေါင်းရင်းမြစ်များ

Азых чоох 12:1

Мына тигірде илбек танығ кӧрін килген – кӱнні кис салған ипчі кізі. Аның азахтарының алтында ай полған, пазында, тізең, он ікі чылтыстаң иділген венок.

Азых чоох 12:13

Сыр чылан, позының чирге тастатханын кӧр салып, оолахты тӧріткен ипчіні сӱріс сыххан.

Азых чоох 12:17

Сыр чылан, ол ипчее уғаа чабалланыбызып, Худайның чахиин толдырчатхан паза Иисус Христостаңар киречіленісті хайраллапчатхан ипчінің пасха палаларынаң тоғыр чаалазарға парыбысхан.

Азых чоох 12:4

Ол хузуриинаң тигірдегі чылтыстарның ӱзінҷі чардығын чирзер кӱребіскен. Ипчі пала таап алзох, ол паланы азырыбызарға тіп, сыр чылан тойлығ ипчінің алнында турған.

Азых чоох 12:7

Тигірде чаа пасталыбысхан. Пір саринда улуғ ангел Михаил паза аның ангеллері, паза пір саринда, тізең, сыр чылан позының ангеллерінең хада олардаң тоғыр чааласхан.

Азых чоох 12:9

Ол илбек сыр чылан – пурунғы чылан полған, аны диавол алай сайтан тіп адапчалар. Прай чир ӱстӱндегі чоннарны алаахтырчатхан сыр чылан позының ангеллерінең хада чирзер тастатхан.

Азых чоох 13:1

Мин, талай хазында тур салып, талайдаң читі пастығ паза он мӱӱстіг аңның сыхчатханын кӧр салғам. Мӱӱстерінде он корона полған паза пастарында Худайны сӧклепчеткен аттар пазыл парғаннар.

Азых чоох 13:2

Мин кӧрген аң чохыр аңа тӧӧй полған. Азахтары абани, ахсы ала парысти осхас полған. Сыр чылан ағаа позының кӱзін, позының ӱлгӱ сіреезін паза позының илбек ӱлгӱзін пирібіскен.

Азых чоох 13:4

Олар, ол аңа пазырып, чоохтанғаннар: – Пу аңа тӧӧй пасха тіріг ниме пар ба ни? Кем аннаң харбазарға тідінер?

Азых чоох 15:1

Мин тигірде пасхох илбек паза хайхастығ танығ кӧр салғам: халғанҷы читі чобағны тутчатхан читі ангелні. Худайның ӧкпеленізі тоозылчатханнаңар, олар халғанҷы чобағ полғаннар.

Азых чоох 16:13

Анаң мин сыр чыланның ахсынаң, аңның ахсынаң паза чой ухаанҷы аңның ахсынаң ходырлығ пағаларға тӧӧй ӱс чабал хуттың сых килгенін кӧр салғам.

Азых чоох 17:12

Син кӧрген он мӱӱс постарының ӱлгӱлерін алғалах он хан полча. Че олар аңнаң хада хан-ӱлгӱзін пір часха аларлар.

Азых чоох 17:16

Син кӧрген аңның он мӱӱзі чӧреечі ипчіні хырт кӧрер. Аны ӱредер, хуба чалаас артызар, аның ит-сӧӧгін, чіп, отта ӧртир.

Азых чоох 17:7

Ангел мағаа теен: – Нимее син таңнапчазың? Мин сағаа пу ипчінің паза одырчатхан читі пастығ, он мӱӱстіг аңның чазыдын чоохтап пирербін.

Азых чоох 19:12

Аның харахтары кӧйчеткен чалын осхас полғаннар паза пазында кӧп короналар полған. Аның пазылған паза аннаң пасха пірдеезі пілбинчеткен ады-солазы пар полған.

Азых чоох 20:2

Ол ангел диавол паза сайтан полчатхан сыр чыланны, пурунғы чыланны, пір муң чылға ілҷірбее палғап салған.