Азых чоох 11:3 - Наа Молҷағ

³ Мин Позымның ікі киречіме кӱс пирербін, олар, хара кӧгенек кизіп, 1260 кӱн ухаанҷылирлар.

Азых чоох 11:3 ပူးပေါင်းရင်းမြစ်များ

Матфей 11:21

Хыйал сағаа Хоразин! Хыйал сағаа Вифсаида! Сірерде иділген хайхастар Тирде паза Сидонда, Худайы чохтарның саарларында, иділген ползалар, олар хаҷанох, киден кип-азах кизіп, пастарына кӱл чайып, чазыхтарынаң хыйа полып, Худайзар айланарҷыхтар.

Матфей 18:16

Че ол синің чооғыңны испинчетсе, син ам даа пір-ікі кізі позыңнаң хада алып ал. Кізіні пыролапчатса, полған на сӧс ікі алай ӱс киречінің чоохтаанынаң киречілелзін.

Лука 10:13

Хыйал сағаа, Хоразин! Хыйал сағаа, Вифсаида! Сірерде иділген хайхастар Худайы чохтарның Тир паза Сидон саарларында иділген ползалар, олар хаҷанох киден кип-азах кизіп, пастарына кӱл чайып одырып ала, пыросынарҷыхтар.

Лука 24:48

Сірер прай мынзына киречізер.

Иоанн 15:27

Сірер дее, Миннең хада пастағызынаңох сығара полғаннарың ӱчӱн, Миннеңер киречілирзер.

Иоанн 3:27

Худай пирбезе, кізі позына пір дее ниме ал полбас, – нандырған Иоанн. –

Илҷілернің 1:8

Че Худай Худы сірерге тол парза, кӱс алынарзар, андада сірер Иерусалимде дее, прай Иудей чирінде дее, Самар чирінде дее, чирнің хыринда даа Минің киречілерім поларзар.

Илҷілернің 13:31

Кӧп кӱннер изере Ол позынаң хада, Галилей чирінең сығып, Иерусалимзер килген ӱгренҷілеріне кӧрін кил турған. Амды, тізең, олар чонға Аннаңар киречілепчелер.

Илҷілернің 2:32

Мына пу Иисусты Худай тірілдірген, анзына піс прайзыбыс киречілербіс.

Илҷілернің 3:15

Чуртастың Пастығын, тізең, ӧдір салғазар. Худай Аны ӧліглер аразынаң тірілдірген, анзына піс киречілербіс.

1 Коринфтегілерге 12:28

Тигірибде Худай прайзын постарының орыннарына турғыс салған: пастағылары илҷілер, ікінҷілері ухаанҷылар, ӱзінҷілері ӱгретчілер. Аннаң андар кӧрзе, піреелеріне Ол хайхастығ кӱс пир салған, ідӧк чазылдырарын, полыс поларын, устап пілерін паза пасха тіллерні пирген.

2 Коринфтегілерге 13:1

Мин сірерзер ам ӱзінҷізін килербін. Худай Пічиинде чоохталча: ноо даа сӧске ікі-ӱс киречі табылза, ол сӧс сынға саналча.

Ефестегілерге 4:11

Кем «кізілерге сыйыхтар пирген», Олох піреелерін илҷілер, піреелерін ухаанҷылар, піреелерін Чахсы Хабарның тарадығҷылары, піреелерін киртінчеткеннернің хадарҷылары, піреелерін ӱгретчілер ит салған.

Азых чоох 11:2

Че храм сиденінің істін синебе. Ол Худай пілбинчеткен чоннарға пирілген. Олар ызых саарны 42 ай типсирлер.

Азых чоох 11:6

Ухаанҷылапчатхан туста наңмыр чағбазын тіп, оларға тигірні чабызарға ӱлгӱ пирілген. Оларға хынған сай, суғларны ханға айландырып, чирдегілерні аймах ағырығларнаң, саайларнаң чох идерге ӱлгӱ пирілген.

Азых чоох 12:6

Ол ипчі, тізең, хуу чазызар чӱгӱр парыбысхан. Анда Худай аны 1260 кӱн азырир орын тимнеп салған.

Азых чоох 13:5

Ол аңа махтанчатхан паза Худайны хырысчатхан ахсы пирілген паза 42 ай хайынарға ӱлгӱ пирілген.

Азых чоох 19:10

Андада мин, аның азағына тӱзіп, ағаа пазырарға иткем, че ол мағаа теен: – Мыны идерге чарабас! Мин дее синӧк осхас паза Иисустың киречілері полчатхан харындастар осхас Худайның нымысчызыбын. Худайға пазыр! Ухаанҷылас худы Иисустаңар киречілес полча.

Азых чоох 20:4

Мин ӱлгӱ сіреелерін паза чарғылаҷаң ӱлгӱ пирілген кізілернің анда одырчатханнарын кӧр салғам. Олар, Иисустаңар паза Худай сӧзінеңер киречілееннері ӱчӱн, мойныларын ӱзе саптырған кізілернің хуттары полғаннар. Олар аңа паза аның омазына пазырбааннар, хамахтарына алай холларына аның таңмазын турғыстырбааннар. Олар тіріл килгеннер паза Христоснаң хада пір муң чыл ӱлгӱ тутханнар.