Азых чоох 1:9 - Наа Молҷағ

⁹ Мин, Иоанн, сірернің харындазыңарбын, Иисус Христосха киртініп, Худайның ӱлгӱзі алтында, чобағларда паза сыдазығда сірернең хадабын. Худай сӧзінеңер паза Иисус Христостаңар киречілеенім ӱчӱн, Патмос олтырыхта ызығда полғам.

Азых чоох 1:9 ပူးပေါင်းရင်းမြစ်များ

Матфей 20:23

Иисус оларға теен: – Мин ісчеткен ӱлӱс-чірчені ізерзер, Мин кірестенчеткен чіли кірестенерзер, че оң саримда паза сол саримда кем одырары Мин хынғанни полбинча. Анзы Пабам кемге тимнеен, ани полар.

Марк 10:39

Пол поларбыс, – нандырғаннар олар. Иисус, тізең, оларға теен: – Мин іскен ідістең ізерзер, Минӧк чіли кіреске тӱзерзер.

Иоанн 16:33

Мыны сірерге Миннең амырны алзыннар тіп чоохтадым. Чир-чалбахта сірерні чобағ сахтапча, че пик тудыныңар: Мин пу чир-чалбахты чиңіп алдым.

Илҷілернің 1:15

Ана ол кӱннерде Пётр, ӱгренҷілернің аразында турып алып, чоохтанған.

Илҷілернің 14:22

Піске Худайның хан-ӱлгӱзінзер кӧп хыйаллар пастыра кірерге килізер тіп ӱгредіп ала, Худайға киртінерге хығырғаннар паза ӱгренҷілернің кӧңні-сағыстарын тыытханнар.

Римдегілерге 8:17

Худайның палалары полчатханыбыста, Христоснаң тиңе Аннаң ӱлӱсті алҷаң кізілер полчабыс. Христостың ирееленістерін ӱлескенібісте, сабланызын даа ӱлезербіс.

Римдегілерге 8:25

Кӧрінминчеткен нимее ізенчетсебіс, андада тыстанып ала сағыпчабыс.

Филипптегілерге 1:7

Сірердеңер іди сағын чӧрчеткенім орта: сірер минің чӱреемдезер, минің пиктеемдезер нооза. Чахсы Хабарға турысчатсам алай аның сынын іле кӧзітчетсем, сірер дее Худайның мағаа пирген паарсазын алынчазар.

Филипптегілерге 4:14

Че сірер, минің чобаамда аралазып, чахсы иттіңер.

2 Фессалониктегілерге 3:5

Хан-пигібіс, тізең, чӱрееңерні Худайның хынызынзар паза Христостың тыстанызынзар айландырзын.

2 Тимофейге 1:8

Аннаңар син Хан-пигібістеңер киречілестердең дее, миннең дее, Аның чабығдағы кізізінең, уйатпа. Че миннең хада, Худай пирген кӱзіңе тӧмене, Чахсы Хабарның ӱчӱн иреелестерні алын.

Еврейлерге 10:36

Худайның кӧңнін толдырар паза Ол сірерге молҷаан нимені алар ӱчӱн, тыстаныс кирек.

1 Петрның 5:1

Мин сірернің тигіриблеріңнің ах сағалларына айланчам. Мин дее ідӧк ах сағалбын, Христостың ирееленістерінің киречізібін, тӱрче поларынаң азыл парар Аның сабланызының араласчызыбын.

Азых чоох 1:1

Пу – Иисус Христос асхан азых чоох. Аны Худай, тӱрчедең ниме пол парарын Позының нымысчыларына кӧзіт пирзін тіп, Иисус Христосха пирген. Иисус Христос, пу азых чоохты ангелі пастыра Позының нымысчызына, Иоаннға, ызып, кӧзіт пирген.

Азых чоох 1:2

Иоанн прай кӧрген нимелерні – Худайның сӧзін паза Иисус Христостаңар киречілесті – киречілеен.

Азых чоох 1:4

Мин, Иоанн, Асий чиріндегі читі тигірибге чолабит ысчам. Полған, полчатхан паза килер Худайдаң, Аның ӱлгӱ сіреезінің алнындағы читі хуттаң, паза сын Киречідең – Иисус Христостаң паарсас паза амыр хоных сірерге ползын. Ол ӧлімнең тірілгеннернің Пастағызы паза чир ӱстӱндегі ханнарның Ханы полча. Ол піске хынған паза Позының ханынаң пісті чазыхтарыбыстаң арығлаан.

Азых чоох 1:6

Ол пісті Худайының, Позының Пабазының, ханнары паза абыстары иткен. Ағаа сабланыс паза ӱлгӱ нинҷе-нинҷе чӱс чылға ползын! Аминь.

Азых чоох 11:7

Олар ухаанҷылирын тоос салзалар, тӱбі чох чирдең аң сых килер. Ол пу киречілернең харбазар, анаң оларны чиңіп, ӧдір салар.

Азых чоох 12:11

Олар сайтанны Хурағанның ханынаң паза постарының киречіленіс сӧзінең чиңіп алғаннар. Олар постарының тыннарын даа айабааннар, ӧлімнең дее тиспееннер.

Азых чоох 12:17

Сыр чылан, ол ипчее уғаа чабалланыбызып, Худайның чахиин толдырчатхан паза Иисус Христостаңар киречіленісті хайраллапчатхан ипчінің пасха палаларынаң тоғыр чаалазарға парыбысхан.

Азых чоох 13:10

Кем пасхаларын, хул идіп, пазынча, ол позы хул полар. Кем хылыснаң кізілерні ӧдірче, ол позы хылыснаң ӧдіртер. Ах-арығ кізілер сыдамах паза сын киртіністіг поларға киректер.

Азых чоох 14:12

Ах-арығлар, Худайның чахығларын толдырчатханнар паза Иисустың ізестіг кізілері сыдазарға киректер.

Азых чоох 19:10

Андада мин, аның азағына тӱзіп, ағаа пазырарға иткем, че ол мағаа теен: – Мыны идерге чарабас! Мин дее синӧк осхас паза Иисустың киречілері полчатхан харындастар осхас Худайның нымысчызыбын. Худайға пазыр! Ухаанҷылас худы Иисустаңар киречілес полча.

Азых чоох 20:4

Мин ӱлгӱ сіреелерін паза чарғылаҷаң ӱлгӱ пирілген кізілернің анда одырчатханнарын кӧр салғам. Олар, Иисустаңар паза Худай сӧзінеңер киречілееннері ӱчӱн, мойныларын ӱзе саптырған кізілернің хуттары полғаннар. Олар аңа паза аның омазына пазырбааннар, хамахтарына алай холларына аның таңмазын турғыстырбааннар. Олар тіріл килгеннер паза Христоснаң хада пір муң чыл ӱлгӱ тутханнар.

Азых чоох 3:10

Сыдамах полыңар тіп пирген чахиимны хайраллааныңар ӱчӱн, Мин дее сірерні сидік сыныхтағ тузынаң хайраллирбын. Ол сыныхтағ, чир ӱстӱндегі чоннарны сыныхтирға тіп, прай тилекейге ызылар.

Азых чоох 6:9

Хураған пизінҷі таңмазын суурыбысханда, тайығ салҷаң орынның алтында Худай сӧзін киречілееннері ӱчӱн ӧдірткен кізілернің хуттарын кӧр салғам.

Азых чоох 7:14

Син позың пілчезің, – тіп нандырғам. – Олар илбек чобағдаң сыхханнар, – теен ол мағаа андада. – Постарының кӧгенектерін Хурағанның ханында чууп, оларны ағартып алғаннар.