2 Тимофейге 2:3 - Наа Молҷағ

³ Ана іди, Христос Иисустың сын чааҷызы чіли, ирееленістерні позыңа алын.

2 Тимофейге 2:3 ပူးပေါင်းရင်းမြစ်များ

Илҷілернің 23:31

Іди чааҷылар чахығ хоостыра Павелні хараазын Антипатрида саарзар апарғаннар.

1 Коринфтегілерге 13:7

Ол ноо даа нимені сыдас парыбазар. Хыныста киртініс, ізеніс паза тыстаныс хаҷан даа иртіспес.

1 Коринфтегілерге 9:7

Хайдағ чааҷы чаалас чӧрер хорадығларны посха артча ни? Кем, виноградты одыртып алып, чистегін чібин чӧрер ни? Кем, мал хадарып, сӱдін іспин чӧрер ни?

2 Коринфтегілерге 1:6

Піс чобалчатсабыс, тізең, сірерні часхарынзыннар паза арачыланзыннар тіп чобалчабыс. Ол арачыланыс піс тее кӧрчеткен ирееленістерні сыдас парары хоостыра пирілче. Сірернің прай нимені сыдас парыбызарларыңа тың ізенчебіс. Піс часхарынчатсабыс, сірерні дее часхарынзыннар паза арачыланзыннар тіп часхарынчабыс. Чобағларыбыста даа, часхарыныстарыбыста даа сірер араласчатханнарыңны пілчебіс нооза.

1 Тимофейге 1:18

Тимофей оолғым, пу чахиимны мин, алында синнеңер полған ухаанҷыластар хоостыра, оларға тӧстене, чӱрееңде пик киртіністіг, арығ кӧңніліг сын чааҷы чіли сині кӱрессін тіп, сағаа ысчам. Хайзылары, андағ хылыныстаң хыйызып, пос киртінізінің керіптерін саайға кир салғаннар.

2 Тимофейге 1:1

Павел, Христос Иисуста Худай молҷаан чуртасты чарлирға табылған кізі, Худай кӧңнінҷе Христос Иисустың илҷізі.

2 Тимофейге 1:8

Аннаңар син Хан-пигібістеңер киречілестердең дее, миннең дее, Аның чабығдағы кізізінең, уйатпа. Че миннең хада, Худай пирген кӱзіңе тӧмене, Чахсы Хабарның ӱчӱн иреелестерні алын.

2 Тимофейге 2:10

Аннаңар, талламалары Христос Иисуста арачыланыс табарлары паза мӧгі сабланысха кірерлері ӱчӱн, мин прай сидіктерні сыдас турбын.

2 Тимофейге 2:9

Ол Чахсы Хабарның ӱчӱн мин, тонағҷы чіли, кинҷедең ала ирее кӧрчем. Че Худай сӧзі кинҷедең пос.

2 Тимофейге 3:11

Син пілчезің сӱрдіргенімні паза иреені ханҷа сыдас парғанымны. Антиох, Икон, Листр саарларында мині хайди сӱргеннерін син прай пілчезің, че Хан-пиг прай пу нимедең мині арачылап халған.

2 Тимофейге 4:5

Че син хаҷан даа сиргек пол, иреелестерге сыдас, Чахсы Хабар тарадығҷызының киреен идіп, тоғызың толдыр.

Филимонға 1:2

ідӧк Апфийге, хынған туңмабысха, паза піснең хада пір тоғыс итчеткен кізее Архипке, синің ибдегі тигірибіңе пасчабыс.

Еврейлерге 10:32

Алындағы тусты сағысха киріңер. Худай чарии сірерге урыл парғанда, сірер, ирее кӧп тее кӧрген ползар, уттырбаазар.

Еврейлерге 11:27

Моисей, ханның хазырланарынаң хорыхпин, киртінгені хоостыра Египеттең сығыбысхан. Кӧрінмес Худайны кӧрген чіли, нандыра айланмасха пик пӧгін салған.

Еврейлерге 6:15

Авраам, тыстанаачызы ӱчӱн, Худай молҷаан нимее читкен.

Иаковтың 1:12

Сынағ иртчеткен кізі часкалығ. Ол сынағларны турыстығ иртіп алза, Худай Позына хынғаннарға сыйиин – молҷаан чуртасты пирер.