2 Тимофейге 1:3 - Наа Молҷағ

³ Хараа-кӱнӧрте, пазырған сай синнеңер сыбыра сағынчам. Пурунғыларымнаң пасти, мин арығ кӧңнімнең салынчатхан Худайыма алғызым читірчем.

2 Тимофейге 1:3 ပူးပေါင်းရင်းမြစ်များ

Лука 2:37

амды, тізең, сигізон тӧрт чазын апарчатхан ӧкіс ипчі, храмнаң парбин, ораза тудып, пазырып, Худайның ӱчӱн хараа-кӱнӧрте хайынған.

Илҷілернің 22:3

Мин иудейбін, Киликийдегі Тарс саарда тӧреен, Иерусалим саарда Гамалиил ӱгретчімнің холында ӱгренген кізібін. Мин, ӧбекелерібістең Моисей Чахии хоостыра тирең паза сибер ӱгредіг алып алып, сірернің прайзыңарох чіли, прай позымны Худайға чарытхам.

Илҷілернің 23:1

Павел, Ӧӧркі Чарғыдағыларзар кӧріп, теен: – Харындастар! Мин пу кӱнге теере Худай алнында арығ сағыснаң чуртаам.

Илҷілернің 24:14

Мин сірерге чазырбин чоохтапчам: мин олар орта нимеске санапчатхан ӱгредігҷе парчам. Че ідӧк Моисей Чахиинда паза ухаанҷыларның Пічиинде пазылғанына киртініп ала, ӧбекелерібістің Худайына нымысчы полчам.

Илҷілернің 24:16

Аннаңар мин позым даа Худайның паза кізілернің алнында арығ чӱректіг чуртирға кӱстенчем. –

Илҷілернің 26:4

Минің чуртазымны, чииттең сығара позымның чоным аразында чуртаанымны, соонаң Иерусалимде чуртаанымны прай иудейлер пілчелер.

Илҷілернің 27:23

Мин Худай кізізібін, мин Ағаа пазырчам. Пу хараазын Худайның ангелі хараама кӧрін килген.

Римдегілерге 9:1

Христоснаң пір полып, мин сынны чоохтапчам, чойланминчам. Мағаа Худай Худы чарытхан чӱреем киречілепче.

2 Коринфтегілерге 1:12

Мына нимее поғдархапчабыс паза арығ сағыснаң киречілепчебіс: чон аразында, улам сірернің араңарда, полған туста, прай киректерде кӧні паза азых кӧңніліг тудынғабыс. Піс, кізі хыйғазынаң устанмин, Худайның паарсазына ізенгебіс.

Галат чиріндегілерге 1:14

Пістің сӧӧктегі пір кіримнерімнің аразында иудей чозахтарын мин прайзынаң артых толдырғам, ағаларыбыстың чахығларын кӧмес тее хыйыстырбасха кӱстенгем.

Ефестегілерге 1:16

пазырыстарымда сірерні сағысха киріп, Худайны сірернің ӱчӱн полған на сай алғыстапчам.

1 Фессалониктегілерге 3:10

Киртіністеріңе читпинчеткенін толдырар ӱчӱн Худайдаң сірернең тоғазып аларға сурынып, хараа-кӱнӧрте тохтабин пазырчабыс.

1 Тимофейге 1:5

Минің чахығларымның пӧгіні, тізең, – Худайға киртінчеткеннерні арығ чӱректең, чахсы кӧңнінең паза чойырхабас киртіністең тӧріпчеткен хыныснаң толдырарға.

1 Тимофейге 5:5

Сын ӧкіс халған, чалғыс чӧрген ипчі Худайға ізенедір, хараа-кӱнӧрте пазырыстарда паза сурыныстарда иртіредір.

2 Тимофейге 1:5

Лоида ууҷаңда даа, Евника іҷеңде дее полған киртіністі сағысха кирчеткенімнеңер, синде дее ол сын киртініс пар тіп, пір дее ікінҷілебинчем.

2 Тимофейге 3:15

Син Худайның Пічиин кічігдең пілчезің нооза. Ол Христос Иисусха киртініс пастыра арачыланарға сағыс пирче.

Еврейлерге 13:8

Иисус алыспинча: киҷее хайдағ полған, пӱӱн дее, хаҷан даа андағох.