2 Коринфтегілерге 7:2 - Наа Молҷағ

² Постарыңның чӱректеріңде піске орын пиріңер. Піс пірдеезін хомзындырбаабыс, пірдеезін сайбап салбаабыс, пірдеезіне чаптанмаабыс.

2 Коринфтегілерге 7:2 ပူးပေါင်းရင်းမြစ်များ

Матфей 10:14

Пірее кізі, сірерні туразар кирбин, сӧстеріңні испезе, ол турадаң алай саардаң сығып, азахтарың тозынын хахтабызыңар.

Матфей 10:40

Кем сірерні чахсы удурлапча, ол Мині дее іди удурлапча. Кем Мині чахсы удурлапча, ол Мині ысхан Худайны даа іди удурлапча.

Лука 10:8

Че пірее саарзар килзеңер, анда сірерні чахсы удурлазалар, пирген нимені, чіп, іс турыңар.

Илҷілернің 20:33

Мин пірдееңердең кӱмӱс тее, алтын даа, кип-азах таа аларға сағынмаам.

Римдегілерге 16:18

Андағ кізілер, Хан-пигібіс Иисус Христостың нимес, хурсахтарының нымызында чӧрчелер. Олар киртінҷек кізілерні ирке, чойырхос сӧстернең алаахтыр салчалар.

2 Коринфтегілерге 1:12

Мына нимее поғдархапчабыс паза арығ сағыснаң киречілепчебіс: чон аразында, улам сірернің араңарда, полған туста, прай киректерде кӧні паза азых кӧңніліг тудынғабыс. Піс, кізі хыйғазынаң устанмин, Худайның паарсазына ізенгебіс.

2 Коринфтегілерге 11:16

Пазох хатап сірерге чоохтапчам, мині алыға санабаңар. Итсе, іди санапчатхан ползар, мағаа, алығ кізее, кӧмес махтаныбызарға чарадыңар

2 Коринфтегілерге 11:9

Кирексеен нимені мағаа Македон чирінең килген харындастар пиргеннер. Мин сірернің мойныңарда одырбаам, хаҷан даа одырбаспын.

2 Коринфтегілерге 4:2

Че піс туйух, уйадыстығ киректерні хыйа итчебіс паза кӧйтікке салынминчабыс. Піс, Худай сӧстерін хыйыстырбин, сынны азып, постарыбысты Худайның алнында ноо даа кізінің чарғызына сығарчабыс.

Филипптегілерге 2:29

Аны пар-чох ӧрініснең, Худай кізізін чіли, удурлаңар, паза ол осхастарны улуғлапчадыңар.

Колоссадағыларға 4:10

Миннең хада чабығда одырчатхан Аристарх сірерге изен читірче. Ідӧк Марк, Варнаваның чеені, изен читірче. (Марктаңар сірер чахығ алғазар: сірерзер килзе, удурлаңар аны.)

1 Фессалониктегілерге 2:10

Сірернің, Худайға киртінчеткеннернің, алнында піс ах сағыстығ, арығ чӱректіг, кӧйтіктенмин тудынғанға сірер дее, Худай даа киречі.

Филимонға 1:12

Син, тізең, аны, мині чіли удурла, тыным ол нооза.

Филимонға 1:17

Ол оңдайнаң, миннең пілісчеткен ползаң, аны миніӧк чіли удурла.

2 Иоанның 1:10

Піреезі, сірерзер киліп, пу ӱгредігні сірерге читірбезе, аны тураа кирбеңер, изеннеспеңер дее аннаң.