2 Иоанның 1:9 - Наа Молҷағ

⁹ Христостың ӱгредиин толдырбин, аны пос оңдайынҷа алыстырчатхан кізі Худайға киртінминче. Христостың ӱгредиин толдырчатхан кізіде, тізең, Паба даа, Оолғы даа пар.

2 Иоанның 1:9 ပူးပေါင်းရင်းမြစ်များ

Матфей 11:27

Пабам прай нимені Мағаа пирген. Оолғын Пабазынаң пасха пір дее кізі пілбинче, Пабазын даа Оолғынаң пасха, паза Оолғы Пабазынаң таныстырарға хынған кізілердең пасха пірдеезі пілбинче.

Лука 10:22

Анаң, ӱгренҷілерінзер айланып, чоохтанған: – Пабам прай нимені Мағаа пирген. Кем Оолғы полчатханын, Пабазынаң пасха пірдеезі пілбинче. Кем Пабазы полчатханын даа, Оолғынаң пасха пірдеезі пілбинче. Кемге Оолғы Аны ас пирерге хынча, олар ла пілче.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Иоанн 15:6

Мағаа киртінминчеткен кізі, чистек пирбинчеткен салаа чіли, тасталар паза хурир. Андағ салааларны, чыып алып, отха тастабысчалар, олар, тізең, кӧй парчалар.

Иоанн 5:23

Пу оңдайнаң прайзы, Пабазын хайди улуғлапчалар, сах іди Оолғын улуғлазыннар. Оолғын улуғлабинчатхан кізі Аны ысхан Пабазын даа улуғлабинча.

Иоанн 8:31

Анаң Иисус Позына киртін сыххан иудейлерге теен: – Сірер, сӧзімні толдырзаңар, Минің сын ӱгренҷілерім поларзар.

Илҷілернің 2:42

Олар, тӧреміл илҷілернің ӱгредіглерінде полып, тоғазығларда аралазып, хада чиис чіп, пазыр турҷаңнар.

Колоссадағыларға 3:16

Христостың сӧзі толдыразынаң сірерде чӧрзін. Удур-тӧдір пар-чох хыйғаңарнаң ӱгредізіңер паза сағыс алындырызыңар. Худайны саблапчатхан ырлар паза сарыннар ырлап, чӱрееңерде Хан-пигні алғыстап, Ағаа сарнаңар.

Титке 2:10

оғырлабазыннар. Че ноо даа нимеде постарын киртістіг паза чахсы кӧзітсіннер. Андада олар Арачылағҷы Худайыбыстың ӱгредиин постарынаң чазирлар.

Еврейлерге 3:14

Піс Христоснаң хада тоғынчабыс. Сынап пастабох алған чуртасты ікінҷілес чох читіре хайраллап халзабыс, іди ле пол турар.

Еврейлерге 6:1

Христостаңар ӱгредігнің пастағларын ӱзӱрбин, пик киртіністіг кізілерге килістіре чоохха кірееңер. Аннаңар, киртіністің тӧстеен хатап салбин, Худайға кирек чох киректерні тастирдаңар паза киртінеріне айланардаңар ӱгретпееңер.

1 Иоанның 1:3

Піснең пір палғалыстығ поларларың ӱчӱн, сірерге позыбыстың кӧрген, искен нимелерібістеңер искірчебіс. Піснең палғалысханы, тізең, Пабанаң паза Аның Оолғы Иисус Христоснаң палғалысханы полча.

3 Иоанның 1:9

Мин тигіриб чонына пасхам, че пастых поларға хынчатхан Диотреф пістің сӧстерібіске хайығ салбинча.