2 Иоанның 1:8 - Наа Молҷағ

⁸ Ниме ӱчӱн тоғынғабыс, аны чідірбин, Худайның сыйиин прай алып алар ӱчӱн, постарыңны сиргек тудыныңар.

2 Иоанның 1:8 ပူးပေါင်းရင်းမြစ်များ

Матфей 24:4

Китеніңер! Пірдеезіне алаахтыртпаңар, – нандырған оларға Иисус. –

Марк 13:23

Сірер, тізең, китеніңер. Мин азынада чоохтап пирдім сірерге.

Марк 13:9

Сірер, тізең, китеніңер. Сірерні ах сағалларның чарғызына тартарлар паза синагогаларда соғарлар. Миннең ӱчӱн сірерні хан-пиглернің алнында Миннеңер киречілирге турғызарлар.

Лука 19:19

«Син андағда пис саарның пазы пол», – нандырған мынзына даа ээзі.

Лука 21:8

Иисус нандырған: – Китеніңер, алаахтыртпас ӱчӱн. Кӧп кізі, Минің адымнаң аданып киліп, «Мин Мессий-Христоспын!», «Ол тус чағыннап килді» тир, андағ кізілернің соонҷа парбаңар.

Иоанн 4:36

Орта тіпчелер: «Пірсі таарыпча, паза пірсі ас кисче». Асты таарыпчатханы даа, кискені дее хада ӧрінзіннер тіп, хыра кисчеткеннер тоғыстары ӱчӱн тӧлег алчалар, чыылған ас – кізілер – тізең, мӧгі чуртас алчалар.

1 Коринфтегілерге 15:8

Прайзының соонаң, тізең, тузында тӧрібеен кізі полып, мин Аны кӧргем.

1 Коринфтегілерге 3:14

Кемнің тоғызы отха сыдас парыбызар, анзы сыйых алар.

1 Коринфтегілерге 3:8

Одыртханы паза суғлааны, тізең, пір тоғыс итчелер. Че полғаны ла тоғынғаны хоостыра позының сыйиин алар.

Галат чиріндегілерге 3:4

Анҷа кӧп сыдас парғаннарың тузазы чох полды ба? Йо, ол сыннаң даа тузазы чох полған ма?

Галат чиріндегілерге 4:11

Арса, сірернің ӱчӱн тикке ле тоғынғам тіп, сірердеңер сағыссырапчам.

Филипптегілерге 3:16

Итсе-де, нимее піс чидіп алғабыс, олох оңдайнаң сағынарға, ідӧк чуртирға кирекпіс.

Еврейлерге 10:32

Алындағы тусты сағысха киріңер. Худай чарии сірерге урыл парғанда, сірер, ирее кӧп тее кӧрген ползар, уттырбаазар.

Еврейлерге 10:35

Сірернің тідімніг тудынызыңар илбек сыйыхха турызар. Андағох ла полыңар.

Еврейлерге 12:15

Кӧріңер, Худайның паарсазынаң сірернің пірдеезі хал парбазын. Сірернің араңарда ачығ тамырлар ӧс парбазын. Олар ӧсчеткен чирлерде кӧп кізі ооларына оох парча.

Азых чоох 3:11

Мин тӱрчедең килербін. Чиңіс танииңарны – венокты, пірдеезі оғырлап парыбыспазын тіп, нинҷе пар нимеңерні пик тудыңар.