2 Иоанның 1:1 - Наа Молҷағ

¹ Мин, Ах сағал, Худай таллап алған Іҷее паза аның палаларына чолабит ысчам. Мин сірерге сыннаң хынчам, мин не нимес, че Сынны пілчеткен прай кізілер сірерге хынчалар.

2 Иоанның 1:1 ပူးပေါင်းရင်းမြစ်များ

Лука 1:3

Мин дее, прай нимені пастағызынаң сығара чахсы иде піліп алған соонаң, сағаа, аарлығ Феофил, аннаңар изерістіре пас пирерге сағын салғам.

Иоанн 8:32

Сынны піліп алзаңар, сын киртініс сірерні пос чуртастығ кізілер ит салар. –

Илҷілернің 11:30

Анаң чыып алған ис-пайны олар Варнава паза Савл пастыра Иерусалимдегі ах сағалларына ызыбысханнар.

Римдегілерге 16:13

Худай таллаан Руфха паза мағаа даа іҷе полған аның іҷезіне изен ысчам.

Галат чиріндегілерге 2:14

Че мин оларның Чахсы Хабарның сыны хоостыра тудынминчатханнарын кӧр салғанымда, андада Пётрға прайзының кӧзіне теем: «Син, иудей полчадып, иудей нимес пасха чон чіли чуртапчазың. Андағда ноға пасха чон иудейлер чіли чуртазын тіп кӱстепчезің?

Галат чиріндегілерге 2:5

Піс, Чахсы Хабарның сынын сірерге хайраллап халарға кӱстеніп, оларның оңдайынҷа кӧмес тее полбаабыс.

Галат чиріндегілерге 3:1

Йо, сағыс чох галаттар. Сынның сӧзін испеске кем сірерні аптап алған? Мин сірерге Чахсы Хабарны чарлаанымда, сірерге Иисус Христостың кіреске хазаттыртханы іле кӧрінмеен ме?

Галат чиріндегілерге 5:7

Сірер алнынзар чахсы парчатхазар. Кем, сірернің чолыңарны туйухтап, сынны испеске кӱстеен полҷаң?

Колоссадағыларға 1:5

Сірерге тигірде тимнел парған нимее ізенчезер нооза. Сірер анзынаңар Чахсы Хабарның сын сӧзінде искезер.

1 Тимофейге 2:4

ол прай кізілерні арачыланзыннар паза сынны пілеріне читсіннер тіп сағынча.

Еврейлерге 10:26

Сынны піле-тура, чазыхта чуртирға хынчатсабыс, пісті чазыхтаң арығлап алҷаң тайығ чоғыл.

1 Петрның 1:2

Нимені азынада пӧгінчеткен Худай Паба сірерні, таллап, Худай Худы пастыра ах-арығ иткен. Іди Иисус Христостың сӧзі хоостыра полып, сірер Аның ханынаң арығлаларға таллалғазар. Худайның паарсазы паза амыры сірерде кӧптелзін.

1 Петрның 5:1

Мин сірернің тигіриблеріңнің ах сағалларына айланчам. Мин дее ідӧк ах сағалбын, Христостың ирееленістерінің киречізібін, тӱрче поларынаң азыл парар Аның сабланызының араласчызыбын.

1 Петрның 5:13

Сірернең хада таллалған Вавилондағы Худай чоны сірерге изен читірче. Ідӧк оолғым Марк сірерге изен читірче.

1 Иоанның 2:21

Мин сірерге сын ӱгредігні пілбинчеткеннерің ӱчӱн паспаам. Сірер ол ӱгредігні пілчезер. Ол ӱгредігдең пір дее чой ниме сыхпазын даа пілчезер.

1 Иоанның 3:18

Палаларым! Тілнең не, сӧснең не нимес, че киректерібіске тӧстенчеткен сын хыныснаң хынызааңар.

2 Иоанның 1:13

Худай таллап алған пиҷеңнің палалары сағаа чолабит читірчелер. Аминь.

2 Иоанның 1:5

Мин сағаа, Іҷее, наа чахығдаңар нимес, че піске пастабох пирілген иргі чахығдаңар пасчам. Сағам мин, прайзыбыс удур-тӧдір хынызааңар тіп, синнең сурынчам.

3 Иоанның 1:1

Мин, Ах сағал, сағаа, аарлығ Гаий, улуғ чолабит ысчам. Син сыннаң минің прай чӱреемнең хынчатхан кізімзің.