1 Тимофейге 4:3 - Наа Молҷағ

³ Олар хоных хонарға паза хайзы тамахты чирге чаратпинчалар. Итсе Худай прай ас-тамахты киртіністіглер – сынны пілчеткеннер – алғап чізіннер тіп чайап салған.

1 Тимофейге 4:3 ပူးပေါင်းရင်းမြစ်များ

Матфей 14:19

Анаң Ол, чонға кӧк отха одырарға чахып, ағылған пис халасты паза ікі палыхты алып, тигірзер кӧріп, Худайны алғыстап, анаң халасты, сындырып, ӱгренҷілеріне пирген, олар, тізең, кізілерге ӱлееннер.

Матфей 15:11

Кізіні ахсына кірчеткен ниме кірліг итпинче, че ахсынаң сыхчатхан сӧстер кізіні кірліг итче.

Матфей 15:36

Анаң, читі халасты паза палыхтарны алып, Худайға алғыс пирген. Сындырып, ӱгренҷілеріне пирген, ӱгренҷілері – кізілерге.

Лука 24:30

Оларнаң хада азыранарға одырып, Иисус халасты алып, алғабызып, сындырып, оларға пирген.

Иоанн 6:23

Олох туста пасха кимелер, Тивериад саардаң киліп, Хан-пиг Худайны халас ӱчӱн алғыстаан паза чон азыранған чирнің хыринда турыбысханнар.

Илҷілернің 27:35

Іди чоохтанып, ол халас алып алған. Анаң прайзының кӧзіне Худайны алғыстап, халасты сындырып, чіп сыххан.

Римдегілерге 14:17

Худайның хан-ӱлгӱзі ас-суғ нимес нооза. Че ол ах сағыс, амыр чуртас паза Худай Худынаң пирілген ӧрініс.

Римдегілерге 14:3

Прай ниме чіпчеткен кізі чібинчеткенні нимее салбин полбазын. Чібинчеткені, тізең, прай ниме чіпчеткен кізіні хомайлабазын: Худай аны Позына алған нооза.

Римдегілерге 14:6

Кӱннернің улиин-кічиин талластырчатхан кізі анзын Хан-пигні улуғлап итче. Прай кӱннер пір тиң тіп санапчатхан кізі дее анзын Хан-пигеӧк итче. Чіпчеткен кізі Хан-пигні улуғлап чіпче, Худайны алғыстапча. Чібинчеткені дее Хан-пигні улуғлап чібинче паза Худайны алғыстапча.

1 Коринфтегілерге 6:13

Чиис – хурсахха, хурсах таа – чииске. Че Худай анзын даа, мынзын даа чох ит салар. Кізі иді-ханы чӧреес хылыхха салылбаан, че Хан-пиге. Хан-пиг, тізең, кізі иді-ханынаңар сағыссырир.

1 Коринфтегілерге 7:28

Итсе, хоных хонзаң даа, чазых итпессің. Хыс таа ирге парза, чазых итпес. Че андағлар ит-ханнары пастыра чобағлығ пол парарлар. Мағаа, тізең, сірер айастығзар.

1 Коринфтегілерге 8:8

Чиис пісті Худайға чағдатпинча, чіп тее піс пір дее нимее чидінминчебіс, чібезе дее пір дее ниме чідірбинчебіс.

Колоссадағыларға 2:16

Аннаңар сірер чеен-іскен нименің ӱчӱн, сірер ӱлӱкӱннерні, наа ай пайрамын, суббота кӱнін таныхтаан-таныхтабааннарың ӱчӱн пірдеезі сірерні пыролабазын.

Колоссадағыларға 3:17

Ниме дее итчетсеңер, чоохтапчатсаңар, Хан-пигібіс Иисус Христостың адынаң итчедіңер. Аның пастыра Худай Пабабысты алғаңар.

1 Тимофейге 2:4

ол прай кізілерні арачыланзыннар паза сынны пілеріне читсіннер тіп сағынча.

1 Тимофейге 4:4

Худай чайаан прай ниме чахсы, піс пір дее нимені хыйа итпеске кирекпіс. Чӱреебісте алғыс полза, піске прай ниме алынарға чарир.

1 Тимофейге 5:14

Мин зе піди чӧптепчем: чиитке чалғыс-чарым халған ипчілер, ирге парып, пала тапсыннар, иб тутсыннар паза піске тоғыр кӧрген чонның тіліне кірбезіннер.

Еврейлерге 13:4

Ирепчі палғалызын аарлаңар. Ирлері дее, ипчілері дее киртістіг поларға киректер. Оралысха паза чӧрееске сабылғаннарны Худай позы чарғылапча.

Еврейлерге 13:9

Ӧң-пасха паза пасхаҷыл ӱгредіглерге сірерні сын чолдаң апарыбызарға пирбеңер. Ниме чирге алай чібеске тіп чоохтапчатхан ӱгредіглер нимес, Худай паарсазы чӱректеріңні пик итсін. Андағ ӱгредіглернең айғасчатхан кізілер олардаң пір дее туза албинчалар.