1 Коринфтегілерге 7:9 - Наа Молҷағ

⁹ Ханнарын пазын полбинчатсалар, хоных хонзыннар. Хоных хонғаны ханнарын ойнатханнаң оларға артых полар нооза.

1 Коринфтегілерге 7:9 ပူးပေါင်းရင်းမြစ်များ

Илҷілернің 19:36

Мында тартысчаң ниме чох полза, андағда сірерге, амырап парып, кинен хылынмасха кирек.

1 Коринфтегілерге 7:2

Че чӧреес хылыхтығ полбас ӱчӱн, полғаны ла позының ипчізінең хонзын, полған на ипчі позының ирінең хонзын.

1 Коринфтегілерге 7:28

Итсе, хоных хонзаң даа, чазых итпессің. Хыс таа ирге парза, чазых итпес. Че андағлар ит-ханнары пастыра чобағлығ пол парарлар. Мағаа, тізең, сірер айастығзар.

1 Коринфтегілерге 7:36

Итсе, піреезі позының хызына, час чит парып хыс полып чӧрчеткеніне чарадынминчатса, хайди хынча, іди итсін, чазых ит салбас. Андағлар ирге парзыннар.

1 Коринфтегілерге 7:39

Ипчі ирі изен чӧргенінҷе ӱлгӱ холынаң сыхпинча. Ирі ӱреп парза, тізең, кемге хынза, ағаа парарға чарапча, итсе, Хан-пигдегі кізее.

1 Фессалониктегілерге 4:4

Полғаны ла позының ирепчі хонығында ах-арығ кӧңніліг ползын, удур-тӧдір аарлазып хылыныссыннар.

1 Тимофейге 5:11

Чиитке чалғыс халған ипчілерні ӧкіс халғанға санаба. Олар, хоных хыниина тартылып, Христосха чӧрінерге хынғаннарын ундудып, ирге парарға идібізерлер.

1 Тимофейге 5:14

Мин зе піди чӧптепчем: чиитке чалғыс-чарым халған ипчілер, ирге парып, пала тапсыннар, иб тутсыннар паза піске тоғыр кӧрген чонның тіліне кірбезіннер.