1 Иоанның 5:4 - Наа Молҷағ

⁴ Худайдаң тӧреен кізі Худайға тоғырланчатхан чир ӱстӱнің кӱзін чиңіп аладыр. Чир ӱстӱндегі кӱсті чиңен кӱс – пістің киртінізібіс.

1 Иоанның 5:4 ပူးပေါင်းရင်းမြစ်များ

Иоанн 1:13

Худай палалары олаңай паба-іҷедең не нимес, че Худайдаң тӧридірлер.

Иоанн 16:33

Мыны сірерге Миннең амырны алзыннар тіп чоохтадым. Чир-чалбахта сірерні чобағ сахтапча, че пик тудыныңар: Мин пу чир-чалбахты чиңіп алдым.

Иоанн 3:3

Сынны чоохтапчам сағаа, кем Худайдаң хатап тӧреен, ол ла Худай хан-чиріне чидер, – нандырған ағаа Иисус. –

1 Коринфтегілерге 15:57

Че Хан-пигібіс Иисус Христостың пастыра чиңіс сыйлаан Худайға алғыс ползын.

1 Иоанның 2:29

Сірер, Аның орта итчеткенін пілчетсер, орта итчеткен полған на кізінің Худайдаң тӧреенін дее пілерге кирексер.

1 Иоанның 3:9

Худайдаң тӧреен полған на кізі, чӱреенде Худайлығ полып, чазых иде чоғыл. Худайдаң тӧрееннеңер ол чазых ит полбинча.

1 Иоанның 4:4

Палаларым! Сірер Худайдаңзар, сірерде полчатхан Худай Худы чир ӱстӱндегі хуттаң улуғ, аннаңар сірер чой ухаанҷыларны утып алғазар.

1 Иоанның 5:1

Иисустың Мессий Арачылағҷы полчатханына киртінчеткен полған на кізі Худайдаң тӧреен. Пабаа хынчатхан полған на кізі, тізең, пабаның тӧріткен палазына даа хынча.

1 Иоанның 5:18

Худайдаң тӧреен ноо даа кізі чазых итпинчеткенін пілчебіс. Худайдаң тӧреен кізі хайраллалча, сайтан, тізең, ағаа теңминче.

1 Иоанның 5:5

Кем чир ӱстӱндегі кӱсті чиңен? Иисустың Худай Оолғы полчатханына киртінчеткен кізі!

Азых чоох 12:11

Олар сайтанны Хурағанның ханынаң паза постарының киречіленіс сӧзінең чиңіп алғаннар. Олар постарының тыннарын даа айабааннар, ӧлімнең дее тиспееннер.

Азых чоох 15:2

Ідӧк мин чалыннығ отнаң поралас парған сӱлейке талай осхас ниме кӧр салғам. Ол сӱлейке талайның хазында аңны, аның хоостал парған омазын паза аның ады-солазын таныхтапчатхан санны кізілер чиңіп алғаннар. Олар, Худайның хомыстарын тудынып алып, турчалар.

Азых чоох 2:11

Истіп пілчеткен кізі, Худай Худы тигіриблерге ниме тіпчеткенін, иссін. Чиңіс тутханнарға ікінҷі ӧлім хорғыстығ нимес!»

Азых чоох 2:17

Истіп пілчеткен кізі, Худай Худы тигіриблерге ниме тіпчеткенін, иссін. Чиңіс тутхан кізее тигірдең тӱскен чазырған тамахты чирге пирербін. Мин ағаа наа ат-сола пазыл парған ах тасты пирербін. Аны алған кізідең пасха ол ат-соланы пірдеезі пілбинче».

Азых чоох 2:26

Чиңіс тутхан паза Минің киректерімні тооза толдырған кізее чоннарнаң устаҷаң ӱлгӱ пирербін.

Азых чоох 2:7

Истіп пілчеткен кізі, Худай Худы тигіриблерге ниме тіпчеткенін, иссін. Чиңіс тутхан кізее Худай садының ортызында ӧсчеткен чуртас ағазының чистегін чіп кӧрерге пирербін».

Азых чоох 3:12

Чиңіс тутхан кізіні Мин Худай храмында тірег ит саларбын, ол, тізең, храмнаң пір дее сых полбас. Мин ол тірегде Худайымның адын, Позымның наа адымны паза Худайымның саарының – наа Иерусалимнің адын пас саларбын! Пу саар, тізең, тигірдең, минің Худайымнаң, тӱзер.

Азых чоох 3:21

Чиңіс тутхан кізее ӱлгӱ сіреемде Позымнаң хада одырар оңдай пирербін, Мин дее іди, чиңіс тудып, Пабамнаң хада Аның ӱлгӱ сіреезіне одырғам.

Азых чоох 3:5

Чиңісчі ах кип-азахтығ полар, Мин аның адын чуртас пічиинең хаҷан даа сии тартпаспын. Пабамның паза ангеллернің алнында аннаңар киречілирбін.