1 Иоанның 4:9 - Наа Молҷағ

⁹ Худай піске хынчатханын хайди кӧзіткен? Ол Позының чалғыс Оолғын чир-чалбахтағыларзар ысхан, Анынаң пастыра піске чуртас пирер ӱчӱн ысхан.

1 Иоанның 4:9 ပူးပေါင်းရင်းမြစ်များ

Марк 12:6

Ол кізінің хынған чалғыс оолғы полған. Чалҷыларның соонаң ол аны ысхан: «Оолғымнаң чалтанарлар, арса» тіп.

Лука 4:18

«Худай Худы Минде, Ол Мині, чох кізілерге Чахсы Хабарны искірер ӱчӱн, таллап алған. Уйан чӱректіглерні имнебізер ӱчӱн, пиктегдегілернің позып аларларын паза харах чохтығларның кӧр поларларын искірер ӱчӱн, пазындыртчатханнарны осхырар ӱчӱн,

Иоанн 10:10

Оғыр пір ле нимее килче: оғырлирға, ӧдірерге паза ӱредерге. Мин, тізең, кізілер чуртастығ, толдыра чуртастығ ползыннар тіп, килгем.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Иоанн 3:16

Худай, прай кізілерге тың хынғаннаңар, Позының чалғыс Оолғын даа ӧлімге ысхан. Іди ызып, Оолғына киртінчеткен полған на кізее ӧлбеске, мӧгі чуртастығ поларға оңдай пирген.

Иоанн 3:18

Худайның чалғыс Оолғына киртінчеткен кізі чарғылатыртпинча, че киртінминчеткен кізі, тізең, киртінмеені ӱчӱн, чарғылатырт салған.

Иоанн 5:23

Пу оңдайнаң прайзы, Пабазын хайди улуғлапчалар, сах іди Оолғын улуғлазыннар. Оолғын улуғлабинчатхан кізі Аны ысхан Пабазын даа улуғлабинча.

Иоанн 6:29

Худайның сірердең сағыпчатхан кирее Аның ысхан Кізі Оолғына киртінері полча, – нандырған Иисус. –

Иоанн 6:51

Худайдаң тӱсчеткен тигірдегі тіріг халас Минмін. Пу халасты чіпчеткен кізі мӧгі чуртастығ полар. Минің пирер халазым Минің ит-сӧӧгім полча. Мин аны чир-чалбахтағы кізілернің чуртастары ӱчӱн пирібізербін.

Иоанн 6:57

Тіріг Пабам Мині ысхан, Аның сылтаанда Мин чуртапчам, сах іди Мині чіпчеткен кізі Минің сылтаамда чуртир.

Иоанн 8:29

Мині ысхан Пабам Миннең хада. Мин сыбыра прай нимені Аның кӧңнінҷе иткенімнеңер, Пабам Мині чалғызан тастабаан.

Иоанн 8:42

Мин, Худайдаң киліп, мында полчам. Мин Позым алынҷа килбеем, Мині Худай ысхан. Аннаңар, Худай сірернің Пабаңар полған полза, сірер Мағаа хынарҷыхсар, – нандырған Иисус. –

Иоанн 9:3

Чох, паба-іҷезі дее, позы даа чазых итпееннер. Худай, аны имнебізіп, Позының кӱзін кӧзідер ӱчӱн, пу кізі андағ тӧреен, – нандырған Иисус. –

Римдегілерге 8:32

Ол Позының Оолғына айабаан, пістің прайзыбыстың ӱчӱн пир салған. Аннаң хада піске прай нимені сыйлап пирбес пе?

Еврейлерге 1:5

Худай ангеллерге пірдеезіне хаҷан даа тібеен: «Син минің Оолғымзың. Пӱӱн Мин Сині тӧріттім». Піди дее тібеен: «Мин ағаа Паба поларбын. Ол, тізең, Минің Оолғым полар».

1 Иоанның 3:16

Иисус Христос Позының тынын пістің арачыланып аларыбыс ӱчӱн пирібіскенде, хыныстың хайдағ полчатханын піліп алғабыс. Піс тее іди тыныбысты харындастарыбыс ӱчӱн пирерге кирекпіс.

1 Иоанның 4:10

Худайның хынызы хайдағ? Піс Худайға нимес, че Худай піске пурун хынған, Оолғын, тізең, пістің чазыхтарыбысты арығлаҷаң тайығ ползын тіп, чир-чалбахсар ысхан.

1 Иоанның 4:16

Піс, Худайның піске хынчатханын піл салып, ол хынысха киртін сыххабыс. Худай – хыныс. Хыныста чуртапчатхан кізі Худайда, Худай даа ол кізіде поладыр.

1 Иоанның 5:11

Мына Аның киречілезі: Худай піске мӧгі чуртас пирген, ол чуртас, тізең, Аның Оолғынаң килче.

1 Иоанның 5:13

Мин пу нимені сірерге, Худай Оолғына киртінчеткеннерге, мӧгі чуртастығ полчатханнарыңны пілзіннер тіп пас пирдім.