1 Иоанның 4:7 - Наа Молҷағ

⁷ Хынғаннарым! Піске Худайдаң хыныс пирілген, аннаңар удур-тӧдір хынызааңар. Полған на хынчатхан кізі Худайдаң тӧреен паза Худайны пілче.

1 Иоанның 4:7 ပူးပေါင်းရင်းမြစ်များ

Иоанн 13:34

Сірерге наа чахығ пирчем: удур-тӧдір хынызыңар. Мин сірерге хынған чіли, сірер дее ідӧк удур-тӧдір хынызыңар.

Иоанн 17:3

Мӧгі чуртас Сині – чалғыс сын Худайны – паза Син ысхан Иисус Мессий-Христос полчатханын пілчеткені полча.

1 Коринфтегілерге 8:3

Че кем Худайға хынча, ағаа Аннаң піліс пирілче.

2 Коринфтегілерге 4:6

«Харасхыда чарых ползын» тіп, Худай пістің чӱректерібісті чарыдыбысхан. Іди Ол Иисус Христостың сырайында чарыпчатхан Худайның сабланызын пілерге пирген.

Галат чиріндегілерге 4:9

Амды Худайны піліп алғазар, алай аннаң артых чоохтаза, Худай сірерні піліп алғанда, ноға хатап пу тилекейнің чазығ, уйан кӱстеріне айланчазар паза постарыңны ағаа хул идін саларға сағынчазар.

Галат чиріндегілерге 5:22

Худай Худы пирчеткен ниме, тізең, мындағ: хыныс, ӧрініс, амыр хоных, тыстаныс, паарсас, айас, киртініс,

2 Тимофейге 1:7

Худай піске хорығыс худын нимес, че кӱс, хыныс паза арығ сағыс худын пирген.

1 Петрның 1:22

Удур-тӧдір Христостың кізілері чіли сын чӱрекнең хынызар ӱчӱн, сірер сынның оңдайынҷа полып, Худай Худының пастыра сағыстарыңны арығлабысхазар. Худай Худының пастыра сағыстарыңны арығлабызыңар. Удур-тӧдір арығ чӱрекнең хынызыңар.

1 Иоанның 2:10

Харындазына хынчатхан кізі чарыхта чуртапча, аның чазых итчең сағыстар пір дее чоғыл.

1 Иоанның 2:29

Сірер, Аның орта итчеткенін пілчетсер, орта итчеткен полған на кізінің Худайдаң тӧреенін дее пілерге кирексер.

1 Иоанның 2:3

Худайны пілчеткенібісті хайди піліп алчабыс? Аның чахығларын толдырып.

1 Иоанның 2:4

Пірее кізі «Мин Худайны пілчем» тіпчетсе, че Аның чахығларын толдырбинчатса, ол чой кізі, анда сын ниме чоғыл.

1 Иоанның 2:7

Хынғаннарым! Мин сірерге наа чахығны нимес, че иргі чахығны пасчам. Пу пурунғы чахығ, сірер Христосха киртін сыххан тустох искен чахсы хабар.

1 Иоанның 3:9

Худайдаң тӧреен полған на кізі, чӱреенде Худайлығ полып, чазых иде чоғыл. Худайдаң тӧрееннеңер ол чазых ит полбинча.

1 Иоанның 4:11

Хынғаннарым! Сынап Худай піске іди хынғанда, піс тее удур-тӧдір хынызарға кирекпіс.

1 Иоанның 4:12

Худайны пірдеезі хаҷан даа кӧрбеен, че сынап піс удур-тӧдір хынысчатсабыс, Худай пісте поладыр, пісте Аның хынызы пӧзиине чит парча.

1 Иоанның 4:16

Піс, Худайның піске хынчатханын піл салып, ол хынысха киртін сыххабыс. Худай – хыныс. Хыныста чуртапчатхан кізі Худайда, Худай даа ол кізіде поладыр.

1 Иоанның 4:20

«Мин Худайға хынчам» тіпчеткен, че харындазын хырт кӧрчеткен кізі – чой. Харах кӧзіндегі харындазына хынминчатхан кізі кӧрінминчеткен Худайға хайди хынар.

1 Иоанның 4:8

Худай – хыныс, аннаңар кем хын полбинча, ол Худайны пілбинче.

1 Иоанның 5:1

Иисустың Мессий Арачылағҷы полчатханына киртінчеткен полған на кізі Худайдаң тӧреен. Пабаа хынчатхан полған на кізі, тізең, пабаның тӧріткен палазына даа хынча.

2 Иоанның 1:5

Мин сағаа, Іҷее, наа чахығдаңар нимес, че піске пастабох пирілген иргі чахығдаңар пасчам. Сағам мин, прайзыбыс удур-тӧдір хынызааңар тіп, синнең сурынчам.