1 Иоанның 4:18 - Наа Молҷағ

¹⁸ Хыныста хорыхчаң ниме чоғыл, пӧзиине чит парған хыныс хорығарын чох итче. Хорығары хатығлатханнаң килче, аннаңар хортых кізіде хыныс пӧзиине чит полбинча.

1 Иоанның 4:18 ပူးပေါင်းရင်းမြစ်များ

2 Тимофейге 1:7

Худай піске хорығыс худын нимес, че кӱс, хыныс паза арығ сағыс худын пирген.

Римдегілерге 8:15

Хул итчеткен паза хорығып ала чуртатчатхан хутты сірер албаазар. Сірерні Худай палалары итчеткен Худай Худын алғазар. Пу Хуттың пастыра піс хығырчабыс: Авва Пабам!

1 Иоанның 4:12

Худайны пірдеезі хаҷан даа кӧрбеен, че сынап піс удур-тӧдір хынысчатсабыс, Худай пісте поладыр, пісте Аның хынызы пӧзиине чит парча.

Еврейлерге 12:28

Піс изелбес хан-чирін алчабыс. Аннаңар алғыстап пілееңер. Алғыстап ала, Худайның кӧңніне килістіре Аның нымызына чӧрееңер. Пістің Худайыбыс прай нимені чох итчеткен чалын осхас. Аннаңар Аны улуғлааңар паза Аннаң хорығааңар.

Иаковтың 2:19

Син Худай чалғыс ла тіп киртінчезің? Чахсы итчезің! Айна-чиктер дее киртінчелер паза халтырапчалар.

Матфей 9:34

Фарисейлер, тізең: – Ол айналарны айналар ханының кӱзінең сӱрібісче, – тіп чоохтасханнар.